Երեթշաբթի, 1 Հուլիսի 2014 14:15

ԱԱԾ պետք է լրջորեն ուսումնասիրի Յունիբանկի կողմից կատարվող ֆինանսական հոսքերով, գտնում է «Հին Էրիվան» ռեստորանային համալիրի սեփականատերը

ԱրմԻնֆո. Հայաստանի Ազգային անվտանգության ծառայությունը պետք է լրջորեն զբաղվի Յունիբանկի կողմից կատարվող ֆինանսական հոսքերով: Այս մասին հուլիսի 1-ին Երևանում կայացած մամուլի ասուլիսում հայտարարել է «Հին Էրիվան» ռեստորանային համալիրի սեփականատեր Մանվել Տեր-Առաքելյանը:

Նրա խոսքով, նույն անվանումով բանկ է գործում նաև Ադրբեջանում, ինչի կապակցությամբ էլ իր կողմից ղեկավարվող ընկերությունը հունիսի 10-ին դիմել է հանրապետության ԱԱԾ-ին, որպեսզի հետաքննվի այդ փաստերի միմյանց հետ կապակցվածությունը: Մանավանդ, շարունակել է Տեր-Առաքելյանը, որ աշխարհում չի կարող լինել միևնույն անվանումով երկու բանկ: Բացի այդ, ԱԱԾ-ին պետք է հետաքրքրի նաև Նիդերլանդների քաղաքացի Ուգո Մինդրելհաուդենի անձը, ով 7 տարիներ շարունակ (2000-2006 թթ.) հանդիսանում էր ադրբեջանական խոշորագույն բանկերից մեկի տնօրենների Խորհրդի նախագահը: Եվ հանկարծ, չգիտես թե ինչու, նա թողնում է այդ աշխատանքն ու տեղափոխվում Երևան, դառնալով Յունիբանկի ներքին աուդիտի և ռիսկերի դեպարտամենտի ղեկավարը: «Դա նույն , որ հիմա իմ գործադիր տնօրենը տեղափոխվի Բաքու և այնտեղ սկսի վաճառել խինկալի, ինչը, պարզապես, անհավատալի է»,-գտնում է Տեր-Առաքելյանը, հիշեցնելով, որ ներքին աուդիտի դեպարտամենտը գործնականում զբաղվում է ֆինանսական բոլոր հոսքերի ուսումնասիրությամբ, այդ թվում նաև Լեռնային Ղարաբաղի տարածքում, որտեղ Յունիբանկն ունի 2 մասնաճյուղ: Հետաքրքրական է, շարունակել է Տեր-Առաքելյանը, որ հունիսի 20-ին բանկն իր պաշտոնական կայքից հեռացրել է Նիդերլանդների այդ քաղաքացու վերաբերյալ բոլոր տվյալները: Համապատասխան հարցումն ուղարկվել է Հայաստանի ԱԱԾ-ին, որտեղից արդեն 20 օր է, որ ոչ մի պատասխան չկա:

Նա նշել է, որ ԱԱԾ չի կարող չհետաքրքրել նաև բանկի մասնակցությամբ հերթական օֆշորային սկանդալը: Ընթացիկ տարվա սկզբին բանկի բաժնետոմսերի 43%-ը պատկանում էր Կիպրոսի օֆշորային գոտում գրանցված անձին, իսկ 12,285%-ը`բանկի սեփականտեր Գագիկ Զախարյանին ու նրա գործընկերոջը`ոմն Պեսկովին: Այնուհետև բոլորն էլ իրենց բաժնետոմսերը վաճառել են, ընդ որում, Կիպրոսի օֆշորում գտնվող այդ նույն ընկերությանը: Արդյունքում ստացվում է, որ Գագիկ Զախարյանը բաժնետոմսերն ինքն իրեն է վաճառել ու ստացել լուրջ միջոցներ, շարունակելով մնալ բանկի սեփականտերը: «Բոլորս էլ հիշում ենք ՀՀ նախկին վարչապետ Տիգրան Սարգսյանի անվան հետ կապված օֆշորային սկանդալը, բայց ինչ՞ տարբերություն կա երկու գործարքների միջև»,-հարցադրում է Տեր-Առաքելյանը: Ընդ որում, նա իր երախտագիտությունն է հայտնել ՀՀ վարչապետ Հովիկ Աբրահամյանին, ով երկու անգամ փորձեց կարգավորել ռեստորանի ու բանկի փոխհարաբերությունները: «Սակայն, առայժմ` անարդյունք է»,-մեկնաբանել է Տեր-Առաքելյանը:

Հիշեցնենք, որ ավելի վաղ ՀՀ վարչապետ Հովիկ Աբրահամյանը հայտարարել էր, որ Յունիբանկի և «Հին Էրիվան» ռեստորանի միջև հակամարտությունը կարգավորելու իր ցանկության մասին, լրագրողների հաղորդելով, որ նախօրեին երկրորդ անգամ է ընդունել Մանվել Տեր-Առաքելյանին, քննարկելով հաշտության պայմանագրի ստորագրման հնարավորությունները: Յունիբանկի և «Հին Էրիվան» Հոլդինգի միջև կոնֆլիկտը իրավական հարթությունից տեղափոխվել է քրեական դաշտ: Թե Յունիբանկի գործադիր տնօրեն Վարդան Աթայանը, և թե «Հին Էրիվանի» սեփականատր Մանվել Տեր-Առաքելյանը դիմել են իրավապահ մարմիններին, ընդ որում, նրանցից յուրաքանչյուրը միջնորդում է քրեական պատասխանատվության ենթարկել մյուսին: Դատական լսումներն ընթանում են Կենտրոն և Նորք-Մարաշ շրջանների ընդհանուր իրավասության դատարանում: Ավելի վաղ Տեր-Առաքելյանն իր բազմաթվ հարցազրույցներում նշել էր, որ ընկերությունը սնանկ է ճանաչվել հատուկ նպատակով, ակնարկելով բանկի կողմից իր ընկերության նկատմամբ ռեյդերային զավթման կազմակերպումը, որն իրականացվում է ինչ-որ կանադահայերի ու հայ պաշտոնյաների խմբի միջոցով:

Ինչպես հաղորդում է հետաքննող-լրագրողների Hetq.am կայքը, 2009 թվականի մայիսի 25-ին Յունիբանկի և «Հին Էրիվան» հոլդինգի միջև կնքվել է վարկային պայմանագիր, որի համաձայն վարկի հիմնական գումարի և բանկային տոկոսների մարումը պետք է սկսվեր 2 տարի հետո: Հոլդինգի սեփականատիրոջ խոսքով, բանկն էլեկտրոնային փոստով հոլդինգի սեփականատիրոջն է ուղարկել գումարի մարման ժամանակացույցի երկու տարբերակ: Դրանցից մեկով պարտքը պետք է փակվի համեմատաբար կարճ ժամկետներում (ամսական վճարելով մոտ 44 մլն.դրամ), իսկ երկրորդ տարբերակով` համեմատաբար ավելի երկար ժամկետում (ամսական մոտ 32 մլն.դրամ): Տեր-Առաքելյանն ընտրում է վարկի մարման երկրորդ, երկարաժամկետ տարբերակը: Նույն օրը բանկի ներկայացուցչները բերում են համաձայնագրի օրինակը: Տեր-Առաքելյանն ստորագրում է փաստաթուղթը, բայց ավելի ուշ նկատում, որ իրեն սխալմամբ բերել են առաջին տարբերակը: Հետագայում բանկն էլ է համոզվում, որ հաճախորդի ընտրած տարբերակը չի ուղարկել, և կրկին իր ներկայացուցիչներին ուղարկել է Մանվել Տեր-Առաքելյանի մոտ, այս անգամ արդեն համաձայնագրի երկրորդ տարբերակով, որը նա ստորագրում և կնքում է:
«Փաստորեն կնքվել է երկու համաձայնագիր, բայց ուժի մեջ է միայն մեկը, որն ստորագրվել է վերջում, այսինքն`երկրորդը: Բացի այդ, այս տարվա մայիսի 25-ին, երբ սկսվեցին մարումները, բանկն իմ հաշվից հանեց 32 մլն.դրամ, այսինքն, այնքան, որքան պահանջվում էր երկրորդ համաձայնագրով: Ավելին, բանկից զանգել են իմ հաշվապահին և ասել, որ մենք կարող ենք բանկ չգնալ, քանի որ իրենք իմ հաշվից գումարն արդեն վերցրել են և ամեն ինչ կարգին է: Այսինքն, նրանք շատ լավ գիտերին, որ առաջին համաձայնագիրն ուժ չունի»,-ասում է Մանվել Տեր-Առաքելյանը: Նրա խոսքով, դրանից հետո ինքը մեկ այլ բանկից ստանում է ավելի լավ պայմաններով և ավելի ցածր տոկոսադրույքներով վերաֆինանսավորման առաջարկ և որոշում է ամբողջովին մարել Յունիբանկի պարտքը:

Սկզբում Յունիբանկը դեմ չի լինում և տալիս է իր համաձայնությունը: Սակայն, այս տարվա հունիսի 17-ին բանկը «Հին Էրիվան» ընկերությանն ուղարկոմ է մի փաստաթուղթ, որի համաձայն, ընկերությունը ժամանակին չի կատարել իր պարտավորությունները, այսինքն, մայիսի 25-ին չի վճարել պահանջվող 44 մլն.դրամ գումարը, հետևաբար, սկսել է գործել տույժերի ու տուգանքների մեխանիզմը: «Ստացվում է, որ գործում է համաձայնագրի առաջին տարբերակը, որով ես պարտավոր էի վճարել 44 մլն.դրամ: Բայց եթե դա այդպես է, ապա ինչու բանկն իմ հաշվից հանում է միայն այն գումարը, որը նախատեսված է երկրորդ համաձայնագրով: Ավելին, իմ հաշվի վրա թողնում է 305 հազար դրամ: Եթե, ինչպես դուք (Յունիբանկ. Ա.Դ) եք պնդում, պետք է վճարվեր 44 մլն.դրամ, ապա հաշվի վրա մնացորդ չպետք է մնար: Դուք պետք է հանեիք ողջ գումարը և ասեիք, որ ես «դեռ պարտք եմ մնացել», որ իմ հաշվի վրա գտնվող գումարը բավական չէ, այլ ոչ թե ինձ ուղարկելիք բռնագանձման մասին թուղթը»,-ասում է հոլդինգի սեփականատերը: Նրա խոսքով, Յունիբանի տնօրեն Վարդան Աթայանը, հիմք ընդունելով առաջին համաձայնագիրը, դիմում է ոստիկանության 6-րդ վարչություն և հայտարարում, որ Մանվել Տեր-Առաքելյանը կեղծել է բանկի կնիքը և իր ստորագրությունը, նպատակ հետապնդելով խաբեբայության միջոցով տիրապետել Յունիբանկի փողերին: «Նա (Վարդան Աթայանը. Ա.Դ) կասկածի տակ է դնում երկրորդ համաձայնագրի ներքո դրված իմ ստորագրությունը և բանկի կնիքը: Եվ այդ կեղծ «դանոսի» համար նա դեռ պատասխան կտա, քանի որ այդ առնչությամբ մենք դիմել են դատախազություն»,-ասել է Մանվել Տեր-Առաքելյանը:

Սակայն, Յունիբանկն էլ իր հայտարարությունն է տարածել, որում «Հին Էրիվան» հոլդինգի ղեկավարությանը մեղադրել է, որ նա բանկի դեմ հատուկ «սև PR»ակցիա է կազմակերպել, որպեսզի խուսափի վարկի մարումից:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.29	0.03
USD	387.97	0.37
EUR	421.76	1.64
GBP	492.84	2.53
CAD	284.92	0.76
JPY	24.91	0.04
CNY	53.64	0.01
CHF	426.90	0.68

Նորություններ

ԱԱԾ պետք է լրջորեն ուսումնասիրի Յունիբանկի կողմից կատարվող ֆինանսական հոսքերով, գտնում է «Հին Էրիվան» ռեստորանային համալիրի սեփականատերը