Երկուշաբթի, 7 Հուլիսի 2014 16:23

Առևտրի ֆինանսավորման ծրագրի շրջանակներում EBRD-ն Արմսվիսբանկին շնորհել է ակրեդիտիվներն ու երաշխիքները հաստատող բանկի կարգավիճակ

ԱրմԻնֆո. Վերակառուցման և Զարգացման Եվրոպական Բանկը (EBRD) առևտրի ֆինանսավորման ծրագրի (Trade Facilitation Programme, TFP) շրջանակնեում ՙԱրմսվիսբանկ՚ ՓԲԸ-ին շնորհել է հաստատող բանկի կարգավիճակ, որի համաձայն Արմսվիսբանկը նոր կարգավիճակով կհաստատի արտասահմանյան բանկերի կողմից թողարկվող ակրեդիտիվները և երաշխիքներըª արտահանողների համար առավել հասանելի դարձնելով առևտրի ֆինանսավորման գործիքների կիրառումը: Համապատասխան համաձայնագիրն ստորագրվել է հուլիսի 7-ին Երևանում ՙԱրմսվիսբանկ՚ ՓԲԸ գործադիր տնօրեն-Տնօրինության նախագահ ևորգ Մաչանյանի և EBRD երևանյան ներկայացուցչության ղեկավար Մարկ Դևիսի միջև:

Ինչպես միջոցառման ընթացքում նշել է .Մաչանյանը, ստանալով այդ կարգավիճակը` Արմսվիսբանկն արտահանողների համար կբարձրացնի առևտրի ֆինանսավորման գործիքների մատչելիությունը: ՙԱյս փաստաթղթի ստորագրումը վկայում է EBRD կողմից Արմսվիսբանկի նկատմամբ բարձր վստահության մասին, որը ձևավորվել է քառամյա համագործակցության արդյունքում՚,-նշել է բանկիրը: Նա հավելել է, որ TFP շրջանակներում մեկնարկած համագործակցության արդյունքում EBRD-ն սկզբում բանկի համար վարկային գիծ բացեց, որը հետագայում եռապատկվեց` 3 մլն.դոլարից հասենլով 9 մլն.դոլարի: ՙՀաստատող բանկի կարգավիճակի շնորհումը հանդիսանում է «TFP-ի լավագույն ակադեմիական հաջողություններե սերտիֆիկատի շնորհման տրամաբանական շարունակությունը՚,-եզրափակել է .Մաչանյանը:

Մ.Դևիսն իր հերթին է նշել, որ շնորհելով հաստատող բանկի կարգավիճակ` EBRD-ն գործնականում Արմսվիսբանկի վրա դրեց ռիսկերի կառավարման ֆունկցիաներ: ՙԱյս փաստաթղթի ստորագրումը ենթադրում է հետագա համագործակցության խորացում, ինչին մենք ձգտում ենք ու շատ ուրախ ենք՚,-նշել է EBRD երևանյան ներկայացուցչության ղեկավարը: Նա հավելել է, որ ներկայումս EBRD Արմսվիսբանկի հետ համագործակցում է առևտրի ֆինանսավորման և ՓՄՁ ոլորտի վարկավորման հատվածներում, բայց առաջիկայում բանկը կմասնակցի նաև էներգաարդյունավետության զարգացման ծրագրերին:

Արմսվիսբանկը համագործակցում է EBRD-ի հետ դեռևս 2010 թվականից TFP շրջանակներում և հանդիսանում է միջազգային կառույցների հետ համագործակցող ամենաակտիվ հայկական բանկերից մեկը:

Հիշեցնենք, որ EBRD-ն Արմսվիսբանկին ՙTFP-ի լավագույն ակադեմիական հաջողություններ՚ սերտիֆիկատը շնորհել էր 2014 թվականի մայիսին Վարշավայում: Սերտիֆիկատը տրվել էր Արմսվիսբանկի աշխատակիցների լավագույն ակադեմիական հաջողությունների համար, որոնք 2013 թվականին մասնակցել էին առևտրի ֆինանսավորման էլեկտրոնային ուսումնական ծրագրին:

Նշենք, որ ՙԱրմսվիսբանկ՚ ՓԲԸ- ն հիմնադրվել է 2004 թվականի հոկտեմբերի 7-ին ՙFranck Muller Watchland՚ ժամացույցների հանրահայտ գործարանի հիմնադիր, սեփականատեր և գլխավոր գործադիր տնօրեն Վարդան Սիրմակեսի կողմից (Շվեյցարիա), ով տիրապետում է բանկի բաժնետոմսերի 80%-ին, ինչպես նաև ՙBelegingsmachepij Jongo՚ ընկերությունը` 20%: Բանկը մասնագիտացված է բանկային գործունեության 3 ոլորտներում` կորպորատիվ բանկինգ, ներդրումային բանկինգ և պրիվատ բանկինգ: Արմսվիսբանկի ակտիվները 2014-ի հուլիսի 1-ին կազմել են 72.3 մլրդ դրամ, տարեկան կտրվածքով աճը` 24%: Բանկի կանոնադրական կապիտալը նույն ժամանակահատվածում աճել է 44%` կազմելով 10.1 մլրդ դրամ, ընդհանուր ակտիվները կազմել են 21 մլրդ դրամ, տարեկան աճը`56%: Բանկի վարկային պորտֆելը հաշվետու ժամանակահատվածում աճել է 11%, կազմելով 30.1 մլրդ դրամ: Բանկի արժեթղթերի պորտֆելը կազմել է 32.3 մլրդ դրամ, տարեկան աճը`70%: Բանկի շահույթը 2014-ի առաջին կիսամյակում կազմել է մոտ 1.2 մլրդ դրամ, տարեկան աճը` 67%: Բանկի ROA-ն հաշվետու ժամանակահատվածում կազմել է 3.38%, նախորդ տարվա նույն ժամանակահատվածի 3.18% -ի փոխարեն, իսկ ROE-ն կազմել է 13.61%, նախորդ տարվա առաջին 6 ամիսների 13,84% - ի փոխարեն:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.27	0.02
USD	388.09	0.57
EUR	421.93	2.44
GBP	491.67	3.28
CAD	284.77	0.52
JPY	25.09	0.21
CNY	53.77	0.12
CHF	430.06	2.10

Նորություններ

Առևտրի ֆինանսավորման ծրագրի շրջանակներում EBRD-ն Արմսվիսբանկին շնորհել է ակրեդիտիվներն ու երաշխիքները հաստատող բանկի կարգավիճակ