Չորեքշաբթի, 3 Դեկտեմբերի 2014 18:59
ՎՏԲ-Հայաստան Բանկը երկրի քարտային շուկայում ամրապնդել է առաջատարի իր դիրքերը
ԱրմԻնֆո. ՎՏԲ-Հայաստան Բանկը շարունակում է ակտիվորեն զարգացնել քարտային բիզնեսը` ամրապնդելով իր դիրքերը ՀՀ շուկայում: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, Բանկի թողարկած վճարային քարտերի քանակը այս տարեսկզբի համեմատ աճել է 20%` կազմելով 368 հազ., ինչի արդյունքում բանկը շարունակում է մնալ ՀՀ քարտային շուկայի առաջատար թողարկված քարտերի քանակով:
Աղբյուրի համաձայն, Հայաստանի ողջ տարածքում տեղադրված ՎՏԲ-Հայաստան Բանկի 157 բանկոմատների միջոցով հաճախորդներն իրենց քարտերի միջոցով կարող են կատարել տարբեր գործարքներ`գումար կանխիկացնելուց մինչև կոմունալ վճարումներ և ՎՏԲ-Հայաստան Բանկի VISA քարտերից ակնթարթային դրամական փոխանցումներ տեղական և միջազգային բանկերի կողմից թողարկված VISA քարտերին: Վերջերս տեղի ունեցած բանկոմատների միավորման արդյունքում ՎՏԲ-Հայաստան Բանկի հաճախորդները կարող են օգտվել նաև ԱԿԲԱ-ԿՐԵԴԻՏ ԱԳՐԻԿՈԼ Բանկի բանկոմատներից նույն սակագներով, ինչ «սեփական» բանկի բանկոմատներից:
2014թ. բանկի քարտապանները սկսել են գումար կանխիկացնելու փոխարեն առավել հաճախ օգտագործել դրանք ապրանքի ու ծառայությունների համար: ՎՏԲ-Հայաստան Բանկի քարտերով կատարված անկանխիկ վճարումների ծավալը 2014 երրորդ եռամսյակում ցուցադրել է դինամիկ աճ` ավելանալով 20%-ով: Անկանխիկ գործարքների քանակը 2014թ. երրորդ եռամսյակում 2013թ. նույն ժամանակահատվածի համեմատ աճել է 50%-ով:
Անկանխիկ վճարումների ծավալի ավելացման նպատակով բանկը Visa և MasterCard վճարային համակարգերի հետ միասին անցկացնում է մի շարք միջոցառումներ, այդ թվում նաև խթանող արշավներ: 2014թ. ՎՏԲ-Հայաստան Բանկն իր VISA քարտապանների շրջանում անկացրեց հերթական «Ամառը ՎՏԲ-ի հետ» ակցիան, որի հաղթողը շահեց ուղևորություն դեպի Մալթա երկու անձի համար: Բանկի MasterCard քարտապանները մասնակցեցին «Ղեկին ՎՏԲ-ի հետ» ակցիային, որի շրջանակում ակտիվ մասնակիցներից մեկը շահեց ավտոմեքենա: Ամանորի շեմին բանկը պլանավորում է անցկացնել ևս մեկ խթանող ակցիա անկանխիկ գործարքների ծավալի ավելացման նպատակով:
Նշենք, որ «ՎՏԲ-Հայաստան Բանկ» ՓԲԸ միջազգային ՎՏԲ խմբի անդամ է դարձել 2004 թվականի ապրիլին: Ներկայումս ռուսաստանյան խոշորագույն «ՎՏԲ Բանկ» ԲԲԸ-ն տիրապետում է ՎՏԲ-Հայաստան Բանկի բաժնետոմսերի 100%-ին: Բանկն ավանդաբար հանդիսանում է Հայաստանի բանկային համակարգի առաջատարներից մեկը: Բանկն ունի մանաճյուղերի ամենամեծ ցանցը Հայաստանում` 67 մասնաճյուղ, և իր ներկայություն է ապահովում Հայաստանի բոլոր մարզերում, առանց բացառության: