Ուրբաթ, 23 Հունվարի 2015 15:18
Արդշինբանկը բոլոր հիմնական ցուցանիշներով իր դիրքերն ամրապնդել է Հայաստանի բանկային համակարգի առաջատարների եռյակում
ԱրմԻնֆո. Արդշինբանկը բոլոր հիմնական ցուցանիշներով իր դիրքերն ամրապնդել է Հայաստանի բանկային համակարգի առաջատարների եռյակում: Ըստ բանկի ֆինանսկան հաշվետվության, 2014 թվականը բանկին հաջողվել է եզրափակել է 4,2 մլրդ.դրամ զուտ շահույթով և չնայած 34% տարեկան նվազմանը, հաջողվել է ամրապնդվել 3-րդ տեղում:
Ինչպես ԱրմԻնֆո գործակալությանը տեղեկացվել է Արդշինբանկի մամուլի ծառայությունից, բանկի վարկային պորտֆելի մասնաբաժինն ընդհանուր ակտիվներում 2014 թվականին նվազել է 64%, մինչև 60%, բացարձակ արտահայտությամբ աճելով 27,8%, մինչև 220,1 մլրդ.դրամ: Բանկի ակտիվները հաշվետու ժամանակահատվածում աճել է 37%, կազմելով 369,1 մլրդ դրամ: 2014 թվականին բանկը ներգրավեց ոչ գանձապետական բնույթի լրացուցիչ երկարաժամկետ ռեսուրսներ` 113 մլն դոլար ընդհանուր գումարով, մասնավորապես, Citi սինդիկատից ներգրավեց - 18 մլն.դոլար, JP Morgan-ից - 75 մլն.դոլար, BSTDB և EDB-ից – 10-ական մլն դոլար:
Բանկի ընդհանուր պարտավորությունները 2014-ին աճել են 43%, մինչև 321,7 մլրդ դրամ, որոնց կառուցվածքում գրեթե 57% կազմում են պարտավորությունները հաճախորդների հանդեպ (ցպահանջ և ժամկետային ավանդներ): Վերջիններս բացարձակ 2014-ին արտահայտությամբ աճել են ավելի քան 14,9%, կազմելով`182.8 մլրդ դրամ:
Արդշինբանկի ընդհանուր կապիտալը հաշվետու տարում աճել է 7,4%, կազմելով 47.4 մլրդ դրամ կանոնադրական կապիտալը 4,1 մլրդ դրամով (կամ 26.5%) համալրման հաշվին, մինչև 19,6 մլրդ դրամ: Այսպիսով, կանոնադրական կապիտալի մասնաբաժինը բանկի ընդհանուր կապիտալում 2014-ին աճել է 35%, մինչև 41%, իսկ կուտակված շահույթի մասնաբաժինը նվազել է 54%, մինչև 50%: Ավելին, բանկի կուտակված շահույթը տարեկան կտրվածքով փոխվել է աննշան չափերով, աճելով 23.8 մլրդ-ից մինչև 23,9 մլրդ դրամ:
Արդշինբանկի մշտական ակտիվ հաճախորդների թիվն ավելացել է 1,7%, կազմելով 2015 թվականի հունվարի 1-ին` մոտ 225 հազար:
Նշենք, որ 2014 թվականի նոյեմբերի 13-ին «Արդշինինվեստբանկ» ՓԲԸ-ն վերանվանվեց «Արդշինբանկ» ՓԲԸ-ի: «Արդշինինվեստբանկ» ՓԲԸ-ն ՀՀ Կենտրոնական բանկի կողմից գրանցվել է 2003 թվականի փոտրվարին: Նույն թվականի մարտ-մայիս ամիսներին բանկը ձեռք է բերեց «Արդշինբանկ» ՓԲԸ (մասնաճյուղերով) և իսկ նոյեմբերին` «Ագրոբանկ» ՓԲԸ (35 մասնաճյուղ) ակտիվների և պարտավորությունների առյուծի բաժինը: Ներկայումս բանկն ունի 55 մասնաճյուղ (2 տեղ): Ըստ վերջին տվյալների, բանկի հիմնական բաժնետերն է «Բիզնես Ներդրումների Կենտրոն» ՍՊԸ-ն, որի մասնաբաժինը բանկի կապիտալում կազմում է 97,23%: Բանկան ավանդաբար հանդիսանում է Հայաստանի բանկայիւն համակարգի առաջատարներից մեկը: Մասնավորապես, բանկն առաջատարների եռյակում է գտնվում ընդհանուր կապիտալի, ակտիվների, վարկային ներդրումների, ընդհանուր պարտավորությունների և հաճախորդների հանդեպ պարտավորությունների ծավալներով:
Նախկին վարչապետ. Հայաստանը չի կարող առանց ատոմային էներգետիկայի
Իդրամը՝ ենթակառուցվածք ֆինանսական կազմակերպությունների համար․ Իդրամը բոլորի համար է
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի
Invia Investments հայաստանյան բրոքերը ITS-ում սակարկության հասանելիություն կտրամադրի
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ