Հայաստանի ապահովագրական ընկերությունների ապահովագրական պրեմիաները մեկ տարում նվազել են 8.8%, իսկ ապահովագրական հատուցումները նվազել են 40.9%: Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, 2015 թվականի ապրիլի 1-ի դրությամբ ապահովագրական պրեմիաների միագումար ծավալը կազմել է 9.416 մլրդ դրամ, իսկ ապահովագրական հատուցումների ընդհանուր ծավալը կազմել է ավելի քան 3,237 մլրդ դրամ (թվերը վերցված են ապահովագրական ընկերությունների հաշվետվություններից` ըստ ՀՀ ԿԲ ստանդարտների): Արդյունքում, ապահովագրական համակարգն առաջին եռամսյակը եզրափակել է 620 մլն.դրամ զուտ շահույթով տարեկան կտրվածքով նվազելով 31%: Հաշվետու ժամանակահատվածում պրեմիաների անկում է արձանագրվել Հայաստանի ապահովագրական շուկայում գործող վեց ընկերություններից չորսում:
Ըստ Ռենկինգի, ապահովագրական պրեմիաների ծավալով առաջին տեղում է «Ռոսգոսստրախ Արմենիան» - 2,977 մլրդ.դրամ (տարեկան անկումը`12%): Երկրորդ տեղում է «ԻՆԳՈ Արմենիան» - 2,524 մլրդ.դրամ (տարեկան աճը`4,7%), իսկ երրորդն է «ՍԻԼ ԻՆՇՈՒՐԱՆԸ» - 1,356 մլրդ.դրամ (տարեկան աճը` 13%): Այնուհետև հաջորդում են` «Նաիրի Ինշուրանսը» - 1,209 մլրդ.դրամ (տարեկան անկումը` 28.6%), «ՌԵՍՈ» ընկերությունը - 790,3 մլն.դրամ (տարեկան անկումը`12,1%) և «Արմենիա Ինշուրանս» ապահովագրական ընկերությունը - 560 մլն դրամ (տարեկան անկումը` 24.4%):
Ապահովագրական պրեմիաների կառուցվածքում ավանդաբար ամենամեծ ծավալները կազմել են ԱՊՊԱ գծով պրեմիաները - 65.9% կամ 6,201 մլրդ դրամ (տարեկան անկումը` 14%): Երկրորդ տեղում է բժշկական ապահովագրության հատվածը (այդ թվում, կամավոր) - 1,507 մլրդ.դրամ կամ պրեմիաների ընդհանուր ծավալների 16%-ը (տարեկան աճը 3.8%): Գույքային ապահովագրության մասնաբաժինը կազմել է ընդհանուր պրեմիաների 5.8%-ը կամ 546,3 մլն.դրամ (տարեկան աճը` 15,3%): ԿԱՍԿՈ հատվածում (ցամաքային տրանսպորտ) ապահովագրական պրեմիաները կազմել են 606,6 մլն. դրամ կամ 5.5%-ը (տարեկան անկումը`2.4%):
Բացի այդ, ապահովագրության մյուս 9 դասերից ապահովագրողները հավաքագրել են 641,1 մլն դրամ: Ապահովագրության 4 դասերով (ջրային տրանսպորտի ապահովագրություն, ջրային տրանսպորտի օգտագործումից բխող պատասխանատվության ապահովագրություն, երաշխիքների տրամադրման ապահովագրություն և վարկային ռիսկերի ապահովագրություն) Հայաստանի ապահովագրողը հաշվետու ժամանակահատվածում ոչ մի պայմանագիր չեն ստորագրել: Հարկ է նշել, որ վարկային ռիսկերի ապահովագրությամբ Հայաստանում զբաղվում է միայն «Ռոսգոսստրախ Արմենիան», իսկ օդային տրանսպորտի ապահովագրության հատվածում գործում են միայն 2 ընկերություններ` «Ռոսգոսստրախ Արմենիան» և «Ինգո Արմենիան»:
Հարկ է նշել, որ Հայաստանի ապահովագրական ընկերույթունները գործում են ապահովագրական 17 դասերում: Ապահովագրական 16 դասի լիցենզիա ունի «ԻՆԳՈ Արմենիա» ընկերությունը, որին հաջորդում է «Ռոսգոսստրախ Արմենիա» ընկերույթունը - 15 դասերի ապահովագրության լիցենզիա (վարկային ռիսկերի ապահովագրույթուն իրականացնող միակ ընկերոթյունը). (Դոլարի փոխարժեքը 31.03.2015 թ.դրությամբ կազմել է 471.13 դրամ/դոլար):