ԱՐԱՐԱՏԲԱՆԿ հայտարարել է 2 մլն.դոլար ծավալով և 7.25% եկամտաբերությամբ դոլարային պարտատոմսերի 9-րդ թողարկման մասին

ԱՐԱՐԱՏԲԱՆԿ հայտարարել է 2 մլն. դոլար ծավալով, 3 տարի շրջանառությամբ և 7.25% եկամտաբերությամբ դոլարային պարտատոմսերի 9-րդ թողարկման մասին:

Ինչպես հունիսի 12-ին կայացած մամուլի ասուլիսում հայտարարել է ԱՐԱՐԱՏԲԱՆԿԻ փոխտնօրեն Դավիթ Հարությունյանը, թողարկվել է 80.000 անվանական, ոչ փաստաթղթային, արժեկտրոնային պարտատոմս` 25 ԱՄՆ դոլար անվանական արժեքով, 7,25 տոկոս տարեկան տոկոսադրույքով  և 3 տարի շրջանառության ժամկետով: Պարտատոմսերի տեղաբաշխումն իրականացվելու է հունիսի 15-ից մինչև  հունիսի 26-ը` բաժանորդագրության միջոցով:  

 «ՆԱՍԴԱՔ ՕԷՄԷՔՍ ԱՐՄԵՆԻԱ»  ֆոնդային բորսայում հայտարարվեց  ԱՐԱՐԱՏԲԱՆԿԻ արժեկտրոնային պարտատոմսերի 9-րդ թողարկման մասին: Բանկի գործադիր տնօրենի տեղակալ Դավիթ Հարությունյանը ներկայացնելով պարտատոմսերի նախորդ  թողարկումների արդյունքները` նշեց, որ ԱՐԱՐԱՏԲԱՆԿՆ արժեթղթերի շուկայի ամենաակտիվ մասնակիցներից է, և հաշվի առնելով նախորդ թողարկումների ժամանակ դրսևորված պահանջարկը` այս անգամ ևս առաջարկում է  դոլարային  պարտատոմսեր:  Բանկի կողմից թողարկված պարտատոմսերով  2014թ.-ին կատարվել են շուրջ 188 գործարք 500 մլն դրամ ծավալով:

Բանկի կորպորատիվ պարտատոսմերի 9-րդ թողարկումը դա դոլարային չորրորդ թողարկումն է: Պարտատոմսերը  ցուցակվելու են «ՆԱՍԴԱՔ ՕԷՄԷՔՍ ԱՐՄԵՆԻԱ»  ֆոնդային բորսայում և գնանշվելու են շուկա ստեղծողների միջոցով: Շուկայի մասնակիցներին հնարավորություն կընձեռվի արտարժութային պարտատոմսերով առքուվաճառք իրականացնելուց բացի,  կնքել համապատասխան ռեպո գործարքներ:  Արժեկտրոններով վճարումները կիրականացվեն  եռամսյակը մեկ անգամ։ 

Ցանկացած ֆիզիկական կամ իրավաբանական անձ պարտատոմսերի գնման համար կարող է դիմել բանկի գլխամասային գրասենյակ կամ ցանկացած մասնաճյուղ: Թողարկման անդերռայթերը կլինի ինքը` թողարկողը, իսկ մարկետմեյքերը` «Ռենեսա» ներդրումային ընկերությունը: Նշված պարտատոմսերի 2-րդ տեղաբաշխումը կմեկնարկի 2015 թվականի հուլիսի 27-ին և կավարտվի 2018 թվականի հունիսի 26-ին: Պարտատոմսերը կարելի է ձեռք բերել այս տարվա հունիսի 15-ից 26-ը, բանկի գլխամասային գրասենյակում կամ ցանկացած մասնաճյուղում, իսկ հուլիսի 27-ից մինչև 2018 թվականի հունիսի 26-ը` երկրորդային շուկայում: Պարտատոմսերը լթույլատրվեն նաև ռեպո-գործարքների եզրակացությանը:

«Պարտատոմսերից ներգրավված միջոցները երաշխավորված են ավանդների ապահովագրության Հիմնադրամի կողմից: Պարտատոմսերը ձեռք բերելու համար անհրաժեշտ է բացել անձնական հաշիվ, ՀՀ Կենտրոնական դեպոզիտարիայից ստանալ «հաշվի օպերատորի» կարգավիճակ»,-ընդգծել է Դ.Հարությունյանը, հավելելով, որ բանկի պարտատոմսերով 2014 թվականին բորսայում տեղի է ունեցել 188 գործարք, 500 մլն.դրամ ծավալով: Պատասխանելով ԱրմԻնֆո գործակալության թղթակցի հարցին, նա ճշգրտել է, որ 9-րդ թողարկումից ստացված միջոցները կուղղվեն տնտեսության վարկավորմանը, ընդ որում, հիմնականում` ՓՄՁ ոլորտի ֆինանսավորմանը:

«ԱՐԱՐԱՏԲԱՆԿ յուրաքանչյուր թողարկման ժամանակ իջեցնում էր իր պարտատոմսերի եկամտաբերությունը, ինչը վկայում է այն մասին, որ ներդրողները բանկի պարտատոմսերի և բանկի նկատմամբ, ընդհանրապես,  ցուցադրել են հետաքրքրություն և վստահություն: ԱՐԱՐԱՏԲԱՆԿԻ չի սահմանափակվի երկու կամ երեք թողարկումներով և հանդիսանում է Հայաստանի ֆոնդային շուկայի ամենաակտիվ մասնակիցը»,-իր հերթին նշել է «ՆԱՍԴԱՔ ՕԷՄԷՔՍ ԱՐՄԵՆԻԱ»  ֆոնդային բորսայի գլխավոր տնօրեն Կոնստանտին Սարոյանը: Այս մասին են վկայում բորսայական տվյալները, որոնց համաձայն, կորպորատիվ պարտատոմսերի կապիտալիզացիայի բացարձակ մեծությամբ, ինչպես նաև շուկայում դրա մասնաբաժնով ԱՐԱՐԱՏԲԱՆԿՆ զբաեցնում է 2-րդ տեղը շուկայում, 2015 թվականի մարտի 31-ին ունենալով, համապատասխանաբար, 14.1 մլրդ.դրամ կամ 14.7% ցուցանիշ:

Հիշեցնենք, որ 2007 թվականին ԱՐԱՐԱՏԲԱՆԿ կորպորատիվ պարտատոմսերի շուկա էր դուրս եկել 250 մլն դրամ ծավալով: Առաջին թողարկման տարկան տարեկան եկամտաբերությունը կազմեց 8%, շրջանառությնա ժամկետը`1 տարի: Երկրորդ թողարկման շրջանակներում թողարկման ծավալը կազմեց 400 մլն դրամ, տարեկան եկամտաբերությունը` 9%, շրջանառության ժամկետը` 1.5 տարի: Երրորդ թողարկման ծավալը կազմեց 250 մլն դրամ, տարեկան եկամտաբերությունը` 10%, շրջանառության ժամկետը` 1.5 տարի: Չորրորդ թողարկման ծավալը` 250 մլն դրամ, եկամտաբերությունը` 12%: Հինգերորդ թողարկումն արտարժույթով էր (2012 թ.), որի ծավալը կազմեց 1 մլն դոլար, եկամտաբերությունը`9%: Վեցերորդ թողարկումը (2013), բանկը թողարկեց արտարժույթով, $ 1 մլն.ծավալով, 3 ​​տարի ժամկետով, եկամտաբերությունը` 8.5%: Յոթերորդ թողարկումը (2013), թողարկվեց 400 մլն դրամ ծավալով, շրջանառության ժամկետը` 3 տարի, տարեկան եկամտաբերությունը`13%: Ութերորդ թողարկումն արտարժութային էր, ծավալը` $ 1 մլն, շրջանառության ժամկետը` 4 տարի, եկամտաբերությունը` 8%: Ներկայումս բորսայում շրջանառվում են ԱՐԱՐԱՏԲԱՆԿԻ հինգերորդ, վեցերորդ և ութերորդ արտարժութային թողարկումների և յոթերորդ դրամային թողարկման պարտատոմսերը:

Ըստ ԱրմԻնֆո գործակալության` Հայաստանի բանկերի ֆինանսական վարկանիշների, ԱՐԱՐԱՏԲԱՆԿԻ ակտիվները 2014 թ. աճել են 10.8% -ով և կազմել 138,8 մլրդ դրամ: Ակտիվների կառուցվածքում արժեթղթերին ուղղված միջոցները կազմել են մոտ 11% կամ ավելի քան 15 մլրդ դրամ, տարեկան աճը` 16%: 2014 թ.-ին տարեկան աճ է արձանագրվել նաև բանկի պարտավորությունների գծով - 10.8%, մինչև 117 մլրդ դրամ, ինչպես նաև ընդհանուր կապիտալի չափերով - 11%, մինչև 21,8 մլրդ դրամ: Բանկի զուտ շահույթը 2014 թվականի վերջին կազմել է 2.9 մլրդ դրամ, տարեկան անկումը` 4.4%: 2014-ի արդյունքներով բանկի ROA-ն և ROE-ն համապատասխանաբար կազմել է` 2.35% և 14,18%, տեղ զբաղցնելով առաջատարների հնգյակում:  Ապրիլի 1-ին, բանկի ակտիվները կազմել են 132.3 մլրդ դրամ, տարեկան աճ` 0,4%: Դրանց կառուցվածքում արժեթղթերին ուղղված ներդրումները 2015-ի I եռամսյակում կազմել են 13% կամ 17 մլրդ.դրամ, տարեկան աճը` 30%, որի 12% աճը ձեռք է բերվել եռամսյակային կտրվածքով: Բանկի պարտավորությունները 2015-ի ապրիլի 1-ին կազմել են 110.5 մլրդ դրամ, տարեկան անկումը` 0,6%, իսկ ընդհանուր կապիտալը` 21.8 մլրդ.դրամ, տարեկան աճը` 6%: 2015 թվականի I եռամսյակը բանկը եզրափակել է 405,7 մլն դրամ զուտ շահույթով, տարեկան անկումը` 63.2%, իսկ եռամսյակային աճը` գրեթե 2 անգամ: ROA և ROE ցուցանիշներով բանկը 2015-ի առաջին եռամսյակում գտնվել է լավագույն տասնյակում, համապատասխանաբար ցուցադրելով  1.19% և 7,72% արդյունքներ:

Վերջին տեղեկությունների համաձայն, «ԱՐԱՐԱՏԲԱՆԿ»-ի մեծամասնական բաժնետերերն է «Ֆլեշ» ընկերությունը – 64.24%, ՎԶԵԲ-ը – 25%+1 բաժնետոմս և բելգիական Rural Impulse Fund II-ը – 10%: (ՀՀ դրամի հաշվարկային փոխարժեքը դոլարի նկատմամբ

12.31.2014 թ.դրությամբ կազմել է 474,97 դրամ/դոլար, իսկ 31.03.2015 թ.դրությամբ` 471,13 դրամ/դոլար):