Երեթշաբթի, 21 Հուլիսի 2015 20:38

Վաղը պաշտոնապես կհայտարարվի Orange Armenia հեռահաղորդակցության օպերատորի` որպես առանձին իրավաբանական անձ Ucom ընկերությանը վաճառքի մասին: Կկայանա մամուլի ասուլիս, որի ընթացքում ֆրանսիական ընկերության ներկայացուցիչները պաշտոնապես կհայտարարեն այդ մասին:

ԱրմԻնֆո-ի տվյալներով, Ucom ընկերությանը, որն աֆիլացված պատկանում է Հայաստանի խոշորագույն օլիգարխներից մեկին` ֆինանսների նախարար Գագիկ Խաչատրյանին, կանցնի նաև «Orange-Armenia»  բրենդը:

Հիշեցնենք, որ 2007 թվականին հիմնադրված Ucom-ը գերիշխող դիրք ունի Հայաստանի IP հեռուստատեսությնա շուկայում, և մոտ մեկ տարի առաջ ընկերությունը ձեռք բերեց բջջային օպերատորի ծառայություններ տրամադրելու լիցենզիա և, նույնիսկ, իր վրա գրանցեց «011» կոդը:

Շուկայի անկախ դիտորդների կարծիքով, ֆրանսիական ընկերության հեռանալը Հայաստանից էապես կհարվածի երկրի ներդրումային դիրքին, քանի որ, մասնագետների տվյալներով, Orange-Armenia-ն գտնվում էր ոչ այնքան բարենպաստ մրցակցային պայմաններում, ինչի առնչությամբ նրա շահութաբերությունն անմխիթար վիճակում էր:

ԱրմԻնֆո ԼԳ պատրաստած «Հայաստանի առևերասպասարկման ձեռնարկությունների ռենքինգի» տվյալներով, 2013 թվականի արդյունքներով Orange-Armenia ընկերության վնասը կազմել է 3,8 մլրդ դրամ, իսկ կուտակված վնասը` 12.4 մլրդ դրամ: Իսկ Ucom ընկերության զուտ շահույթը 2013 թվականի արդյունքներով կազմել է 884.2 մլն դրամ` գրեթե  7 անգամ տարեկան աճով (բացասական մակարդակից): Orange Armenia-ն Հայաստանի շուկայում աշխատում է 2009 թվականինոյեմբեի 5-ից, իսկ Ucom-ը հիմնադրվել է 2007 թվականին: