Հայաստանում արտասահմանյան ավիաընկերությունների ներկայացուցիչները մտադիր չեն նվազեցնել ավիատոմսերի գները

Հայաստանում արտասահմանյան ավիաընկերությունների ներկայացուցիչները մտադիր չեն նվազեցնել ավիատոմսերի գները: Դրա իրագործման խնդրահարույց լինելու մասին նրանք հայտարարել են ՀՀ կառավարությանն առընթեր քաղաքացիական ավիացիայի գլխավոր վարչության ղեկավարության հետ հանդիպման ժամանակ, ուր հրավիրվել էին խորհրդակցության նպատակով: Ներկայացուցչությունների ղեկավարները հայտնել են, որ չվերթների սակագների խնդրի մասին կհայտնեն կազմակերպությունների գլխամասային գրասենյակներին: Նրանք թերահավատորեն են վերաբերել նաև չվերթները գիշերային ժամերից ցերեկվա ժամերին տեղափոխելու վերաբերյալ ՔԱԳՎ առաջարկություններին:

 

Նշենք, որ Հայաստանում սկսել է խիստ քննադատության ենթարկվել, այսպես կոչված, ՙբաց երկնքի՚ քաղաքականությունը, որ փաստորեն հանգեցրել է շուկայից արտասահմանյան մի շարք ավիաընկերությունների հեռացման: Շուկան աստիճանաբար մենաշնորհացվում է մի շարք ռուսական և ուկրաինական ընկերությունների կողմից: Որպես արդյունք`տեղի է ունենում ավիատոմսերի գների աստիճանական աճ: Ավելին, ավիաընկերությունների մեծ մասը Երևան թռիչք կատարելիս օգտվում են գիշերային ժամանակացույցից, ինչը դժվարություններ է ստեղծում զբոսաշրջիկների հոսքի համար: Ավելին, բարձր սակագների պատճառով հայաստանցի ուղևորներից շատերը նախընտրում են օգտվել հարևան Թբիլիսիի ավիածառայություններից: Այդ հարցերը քննարկվել են վերջերս ՀՀ վարչապետի մոտ խորհրդակցության ժամանա, ով հանձնարարել էր զբաղվել այդ հարցերով:

 

Դիտորդների կարծիքով, տարօրինակ է, որ այդ հարցերով զբաղվում է ՔԱԳՎ-ն, որը փաստորեն շտկում է Էկոնոմիկայի նախարարության սխալները, որն օրենքով պետք է կարգավորի երկրի ավիացիոն քաղաքականությունը: