Հինգշաբթի, 6 Օգոստոսի 2015 14:17

ՎՏԲ-Հայաստան Բանկը սեպտեմբերին ՎՏԲ Խմբի Դիտորդ խորհրդի (որը գլխավորում է ՌԴ  տնտեսական զարգացման նախարար Ալեքսեյ Ուլյուկաևը) քննարկմանը կներկայացնի Հայաստանում հետագա աշխատանքի ռազմավարությունը, - լրագրողներին Երևանում այս մասին հաղորդել է Բանկի նախագահի-Վարչության նախագահի տեղակալ Միխայիլ Օսեևսկին:

 

Օսեևսկին գտնում է, որ ԵԱՏՄ շրջանակներում երկու երկրների քաղաքական և տնտեսական մերձեցումը թելադրում է համագործակցության մեխանիզմների և գործիքների զարգացման նոր մոտեցումներ գտնելու անհրաժեշտությունը, որոնք օգտակար կլինեն Հայաստանում ՎՏԲ-Հայաստան Բանկի բիզնեսի զարգացմանը, գլխավոր խնդրի արդյունավետ իրականացման նպատակով` ապահովել հայկական և ռուսական բիզնեսի գործունեության աջակցությունը համատես շուկաներում:

Նրա խոսքով, անցյալ տարիներին ՎՏԲ-Հայաստանը բանկը հաջողությամբ զարգացել է ինչպես կորպորատիվ, այնպես էլ մանրածախ բիզնեսի ուղղություններով: «Ակնհայտ է, որ համաշխարհային շուկաներում, այդ թվում նաև նավթի շուկայում տեղի ունեցող փոփոխությունները շատ լուրջ ազդեցոեւթյուն են ունենում այն երկրների տնտեսությունների վրա, որոնք զբաղված են դրա արդյունահանումով: Իսկ Ռուսաստանը, որպես խոշոր խաղացող, իր ազդեցությունն է թողնում առևտրա-տնտեսական գործընկերների վրա, որոնք իրենց ապրանքներն ու ծառայությունները վաճառում են ռուսաստանյան շուկայում, որոնցից մեկն էլ Հայաստանն է: Մենք տեսնում ենք, որ ազգային արժույթները թուլանում են, ինչը բնորոշ է զարգացող բոլոր շուկաներուին: Ուժեղ ներգործություն է իրականացնում ԱՄՆ-ը, հաշվարկային տոկոսադրույքի բարձրացման ակնկալիքների առումով, դոլարն ու դրա գործիքները դառնում են ավելի գրավիչ, և դրա համար էլ մենք սպասում ենք ազգային արժույթների հետագա թուլացմանը, ինչը մեզնից պահանջում է համապատասխան ճշգրտումների կատարում»,-ընդգծել է Օսեևսկին:

Ինչպես նշել է Բանկի ղեկավարի տեղակալը, ՀՀ Կենտրոնական բանկի ղեկավարության հետ հանդիպումների ընթացքում քննարկվել են համագործակցության նոր մոտեցոմներ: «Մեր կարծիքով հիմնական և կարևոր խնդիրը Հայաստանի արտադրողներին աջակցելն է, որոնք իրենց ապրանքներն ու ծառայությունները վաճառում են Ռուսաստանում: Այդ գլխավոր խնդիրը, հավանաբար, նաև ոչ միայն տնտեսական, այլ նաև քաղաքական է, որը մենք պետք է լուծենք»: Ինչպես ընդգծել է Օսեևսկին, առաջին հերթին խոսքը գնում է Ռուսաստանի իրացման շուկաներում աշխատող հայ արտադրողին ռուբլիով վարկավորելու հնարավորության մասին: «Հաշվի առնելով փոխարժեքի տատանումները, մենք Հայաստանի արտադրողներին կառաջարկենք անցնել ռուբյիով վարկերի, արժութային ռիսկը նվազեցնելու համար: Այսօր մենք տեսնում ենք, որ այնքան էլ հեշտ չէ կառավարել այնպիսի իրավիճակ, երբ վարկը դոլարային է, ապրանքի գինը ձևավորվում է հայկական դրամով, իսկ վաճառքը Ռուսաստանում տեղի է ունենում ռուբլիով: Հետևաբար, մենք մեր հաճախորդներին կառաջարկենք անցնել ռուբլով ուղղակի վարկավորման, արժութային ռիսկերն էապես նվազեցնելու նպատակով»,-ընդգծել է Օսեևսկին:

Նրա կարծիքով, ներկայումս շատ արդիական է տնտեսվարող սուբյեկտներին ազգային արժույթով աշխատելու հնարավորոթյուն ընձեռելը`այսպես կոչված, խաչաձև սահմանային ռիսկերի հաղթահարելը: «Եթե հայկական ընկերություններն իրենց ապրանքներն ու ծառայությունները վաճառում են Ռուսաստանում, Բելառուսում կամ Ղազախստանում, ապա մենք պետք է պատրաստ կլինենք նրանց աջակցել, ծառայություններ տրամադրելով այդ երկրների ազգային արժույթով: Այդպես են աշխատում բոլոր Գլոբալ բանկերը, և մենք նույնպես մեր առջև տեսնում ենք այդ առաքելությունը: Այդ առաքելությունը երկարաժամկետ է, ինչպես Եվրասիական տնտեսական միության նախագիծը»,-ընդգծել է Օսեևսկին:

Պատասխանելով ԱրմԻնֆո գործակալության հարցին, թե ինչպիսի՞ ստորջրյա քարեր կարող են լինել այդ ծրագրի իրականացման ընթացքում, Օսեևսկին նշել է, որ ՎՏԲ Խումբը ֆորմալ առումով կարող է ազգային ընկերություններին վարկավորել ինչպես դուստր կառույցների միջոցով, այնպես էլ Ռուսաստանում: Այսօր Հայաստանում ռուսական ռուբլով վարկավորում, գործնականում, չկա: Միևնույն ժամանակ, նա նշել է, որ Բելառուսի արտադրողների հետ աշխատելիս նման գործառնություններն էապես ակտիվացան, և ռուսական ռուբլու նկատմամբ արդեն կա որոշակի պահանջարկ, ինչպես նաև նկատելի են, ինչպես նա է արտահայտվել է, «փոխառուների հոգեբանական փոփոխությունները ռուսական ռուբլով վարկավորման նկատմամբ»: «Նման փորձը զարգանում է, և պատճառներ չենք տեսնում, թե ինչու այն չի կարող ներդրվել նաև Հայաստանում: Եթե աշխատում ես ռուսաստանյան շուկայում, ապա ինչ էլ տեղի ունենա ռուբլու հետ, միևնույնն է, դու կլինես բալանսում: Մանավանդ, որ վարկի վերաբերյալ որոշումն ընդունելու վրա հոգեբանորեն ազդում է նաև տոկոսադրույքներր տարբերությունը: Եթե արտարժույթով վարկերը տրամադրվում են 8-10% ցածր տոկոսադրույքով, ապա հայկական դրամով վարկերը տրամադրվում են 20-25%-ով, ինչն այնքան էլ հարմար չէ, չնայած արժութային ռիսկերի առկայությանը: Այսօր մենք Ռուսաստանում վարկավորում ենք 14-15%-ով, ռուբլիով, ինչն արդեն տեղավորվում է քիչ թե շատ հարմարավետ գոտում: Հետևաբար, մենք հուսով ենք, որ որ այդ փորձը ձևավորվի նաև աստեղ, Հայաստանում»,-նշել է Օսեևսկին: