Որպես խոշոր խաղացող, Եվրասիական տնտեսական միությունը (ԵԱՏՄ) պետք է իր նիշաները փնտրի գլոբալ շուկայական կոնյունկտուրայում: Այս մասին Երևանում լրագրողներին հայտարարել է Բանկի նախագահի-Վարչության նախագահի տեղակալ Միխայիլ Օսեևսկին:
Պատասխանելով տնտեսական նոր միության անդամ-երկրներում խոշոր ինտեգրված արդյունաբերական կլաստերների ստեղծման հնարավորության վերաբերյալ ԱրմԻնֆո-ի հարցին, Օսեևսկին նշել է, որ բացառությամբ հատուկ ոլորտների և ռազմա-արդյունաբերական համալիի, վերջին 20 տարիներին նախկին ԽՍՀՄ երկրների տնտեսությունները հիմնականում դարձան մասնավոր, և այսօր շատ կարևոր է, որպեսզի իշխանությունները ոչ թե փորձեն ինչ-որ նոր բան հնարել, այլ աշխատեն ձևավորել արդյունաբերական քաղաքականություն, հաշվի առնելով բիզնեսի պահանջները: «Այսօր իրավիճակն աշխարհում դառնում է ավելի ու ավելի մրցունակ, թատերաբեմ են դուրս գալիս նոր խաղացողներ, նոր երկրներ, տեղի է ունենում տեխնոլոգիական բաժանում, յուրաքանչյուր երկիր փորձում է գտնել նոր գործընկերների և իրականացնել նոր գաղափարներ: ԵԱՏՄ-ն, որպես խոշոր տնտեսական միավորում, նույնպես պետք է շուկայական այդ նոր կոնյունկտուրայում փնտրի իր նիշաները: Իհարկե, այն ինտեգրումը, որը գոյություն ուներ նախկին ԽՍՀՄ-ում, զգալիորեն խախտվել է, դա փաստ է, սակայն, հավանաբար, այն պետք է կրկին ձևավորել, բայց այլ հիմքերի, բիզնեսի հիման վրա»,-ընդգծել է Օսեևսկին: Նրա խոսքով, կապիտալը գնում է այնտեղ, որտեղ հետաքրքիր է, որտեղ բիզնեսն աչքի է ընկնում հետաքրքրությամբ և որտեղ հարմարավետ է, դրա համար էլ պետք են մարդիկ որոնք կարող են ձևավորել գաղափար, իսկ այդ դեպքում պետության և ՎՏԲ Բանկի նման կառույցների խնդիրը կլինի այդ նախաձեռնությանն աջակցելը: «Ինչո՞ւ եմ ասում, որ Հայաստանն ունի որոշակի առավելություններ: Որովհետև կա մեծ և հարուստ Սփյուռք, որի ներկայացուցիչներն ունեն կապիտալներ, ինչպես նաև անհրաժեշտ բոլոր հնարավորությունները`հայկական արդյունաբերությունը զարգացնելու համար: Մեզ, բանկիներիս համար շատ կարևոր է բիզնեսի ներկայացուցիչների հետ լինել մշտական կապի մեջ, ունենալ սերտ կապեր, «որպեսզի որսանք և աջակցենք գաղափարը»: «ՎՏԲ Բանկի նման հզոր ինստիտուցիանալ կառույցները, շահերը համընկնելու դեպքում պատրաստ են ամենալուջ մասնակցությունն ունենալ խոշոր նախագծերի իրականացմանը, ինչպես նաև ընդհանուր տնտեսական տարածության շրջանակներում իրականացնել երկարաժամկետ ֆինանսավորում»,-ընդգծել է Օսեևսկին:
Նշենք, որ ՎՏԲ-Հայաստան Բանկի ղեկավարի տեղակալը Հայաստանում է գտնվում ՀՀ կառավարության և ԿԲ հետ խորհրդակցույթունների նպատակով, կապված Հայաստանում բանկի նորացված ռազմավարության մշակման հետ, որը սեպտեմբերին կներկայացվի ՎՏԲ Խմբի Դիտորդական Խորհրդի քննարկմանը, որը ղեկավարում է ՌԴ տնտեսական զարգացման նախարար Ալեքսեյ Ուլյուկաևը: Նոր ռազմավարության շրջանակներում, կապված ԵԱՏՄ անդամ-երկրների ինտեգրման նոր որակի հետ, ՎՏԲ-Հայաստան Բանկը դիտարկում է Ռուսաստանում աշխատող հայկական ընկերություններին ռուսական ռուբլով վարկավորելու հարցը: «Այսօր մենք տեսնում ենք, որ այնքան էլ հեշտ չէ կառավարել այնպիսի իրավիճակ, երբ վարկը դոլարային է, ապրանքի գինը ձևավորվում է հայկական դրամով, իսկ վաճառքը Ռուսաստանում տեղի է ունենում ռուբլիով: Հետևաբար, մենք մեր հաճախորդներին կառաջարկենք անցնել ռուբլով ուղղակի վարկավորման, արժութային ռիսկերն էապես նվազեցնելու նպատակով»,-ընդգծել է Օսեևսկին:
Հիշեցնենք, որ օրերս իր աշխատանքը դադարեցրեց, և հավանաբար երկար ժամանակով, Հայաստանի արդյունաբերական առաջատարը - «Նաիրիտը», որը ժամանակին զբաղեցնում էր քլերեպրենային կաուչուկի արտադրության համաշխարհային շուկայի 13%-ը: Հայ փորձագետները գտնում են, որ դրանով «վերջին մեխը» խփվեց ժամանակին արդյունաբերական զարգացած Հայաստանի ապաինդուստրալացմանը: Նրանց կարծիքով, ծանր արդյունաբերության վերածննդին, ճիշտ տնտեսական քաղաքականության դեպքում, կարող է նպաստել երկրի եվրոպական ընտրությունը, որն ընդունակ է, գոնե մասնակիորեն, վերածնել հետխորհրդային խախտված ինտեգրացիոն կապերը:
Ըստ ԱրմԻՆֆո գործակալության` Հայաստանի բանկերի ֆինանսական վարկանիշների, 2015 թվականի հուլիսի 1-ին ՎՏԲ-Հայաստան Բանկի կորպորատիվ վարկային պորտֆելը կազմել է 131.3 մլրդ դրամ, ընդհանուր վարկային պորտֆելը` 214.8 մլրդ դրամ: Կորպորատիվ վարկային պորտֆելի մեջ ավելի քան 17% բաժին է առևտրին, մոտ 16%` արդյունաբերությանը, 9%`շինարարությանը և ավելի քան 7%`գյուղատնտեսությանը: ՓՄՁ ոլորտը կազմում է վարկային պորտֆելի 46% -ը: Բանկի ընդհանուր ակտիվները 2015 թվականի հուլիսի 1-ին կազմել են 316.6 մլրդ դրամ: