Արմինֆո.Վերջին օրերին շրջանառվում են լուրեր, որ ՀՀ առևտրային բանկերը միակողմանի կերպով բարձրացնում են իենց հաճախորդների հետ նախկինում կնքված գործող վարկերի տոկոսադրույքները: Այդ առնչությամբ ՎՏԲ-Հայաստան Բանկն արձագանքել է շրջանառվող լուրերին:
Բանկի մամուլի ծառայությունից արձագանքել են, որ առանց իրավաբանական հիմքերի առկայության բանկը չի վերանայել և հետագայում նույնպես չի ենթադրում գործող վարկերի տոկոսադրույքների կամ այլ պայմանների վերանայման հնարավորություն: Վարկային ապահովության փաստաթղթերի մեջ որևէ փոփոխություն մտցնելու համար անհրաժեշտ է կողմերի համաձայնությունը և պայմանագրերի համապատասխան իրավաբանական ձևակերպումը: Բանկը գործել է և շարունակում է գործել բացառապես ՀՀ օրենքների շրջանակում:
Աղբյուրը նշում է, որ լրացուցիչ հարցեր առաջանալու կամ որևէ տեղեկատվության առկայության դեպքում հաճախորդները կարող են դիմել բանկ, կամ կապվել 87-87 հեռախոսահամարով, կամ E-mail: [email protected] էլեկտրոնային հասցեով:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |