Արմինֆո. Գնահատելով բանկային քարտերի վաճառքի ոլորտում մասնագիտացված աշխատակիցների պրոֆեսիոնալիզմը, նախաձեռնողականությունը, նպատակասլացությունն ու ստեղծագործական մոտեցումը գործին` ՎՏԲ-Հայաստան Բանկը MasterCard միջազգային վճարային համակարգի հետ համատեղ անցկացնում է հերթական խրախուսական ծրագիրը Cirrus/Maestro, MasterCard Standart և MasterCard Gold քարտերի վաճառքի մասով: Ինչպես ԱրմԻնֆո-ին հաղորդեցին «ՎՏԲ-Հայաստան Բանկե ՓԲԸ Գովազդի և հասարակայնության հետ կապերի բաժնից, խրախուսական ծրագրի առաջին փուլի շրաջանկում բանկի բոլոր աշխատակիցները, ովքեր իրականացրել են MasterCard քարտերի վաճառք, ստացել են բոնուսային պարգևատրում, իսկ 20 աշխատակիցներ, ովքեր 2015թ. մայիսի 1-ից հուլիսի 1-ը ընկած ժամանակահատվածում ցուցաբերել են քարտերի վաճառքի լավագույն արդյունք, մասնակցել են իրենց ընտրությամբ եվրոպական ցանկացած քաղաք մեկնելու երկու անձի համար տուրիստական ուղեգրի խաղարկությանը: Մրցանակը շահել է բանկի «Ամասիաե մասնաճյուղի` հաճախորդների սպասարկման բաժնի մասնագետ Անի Հարությունյանը: Բացի այդ, ծրագրի շրջանակում առավելագույն ակտիվություն ցուցաբերած 5 աշխատակիցներ բանկի ղեկավարության կողմից ստացան պատվոգրեր:
Խրախուսական ծրագրի իրականացման արդյունքներում Cirrus/Maestro, MasterCard Standart և MasterCardGold քարտերի վաճառքն ավելացել է 40%-ով:
«ՎՏԲ-Հայաստան Բանկը միշտ աշխատում է իր աշխատակիցներին խրախուսելու ուղղությամբ և ստեղծում նրանց համար մասնագիտական հմտությունների զարգացման լրացուցիչ հնարավորություններ: Մենք վստահ ենք, որ բանկի կայուն զարգացումը պայմանավորված է ստեղծագործական ներուժով, խթանի առկայությամբ և մարդու ձգտումով` կատարելագործելու իր մասնագիտական որակները: Շնորհակալ եմ գործընկերներիս նվիրվածության համար և մաղթում եմ հաջողություն նոր նպատակների հասնելու ճանապարհինե, - նշել է ՎՏԲ-Հայաստան Բանկ ՓԲԸ գխավոր տնօրեն- տօրինության նախագահ Յու. Գուսևը:
ԱրմԻնֆո գործակալության պատրաստած «Հայաստանի բանկերը քարտային բիզնեսումե վերլուծական տեղեկագրի տվյալների համաձայն, ՎՏԲ-Հայաստան Բանկն առաջատարն է իր ակտիվ քարտերի քանակով, որոնք 2015 թվականի ապրիլի 1-ի դրությամբ կազմլ են ավելի քան 401 հազար քարտ, տարեկան աճը` 24%, որից գրեթե 385 հազարը Visa քարտեր են (այդ թվում` ավելի քան 88 հազար կենսաթոշակային քարտեր-առաջին տեղ): Բանկը MasterCard համակարգի անդամ դարձավ մոտ 2 տարի առաջ, մինչև 2015-ի ապրիլը հասցնելով թողարկել ավելի քան 16 հազար քարտ և տեղ գրավելով առաջատարների տասնյակում: Պլաստիկ գործարքների ծավալով բանկը նույնպես առաջին դիրքում է`ավելի քան 186 մլրդ դրամ (2014 թ)., տարեկան աճը` 33%: 2015 թվականի ապրիլի 1-ին բանկն ունեցել է 298 սեփական POS- տերմինալ և 157 բանկոմատ: Մինչև 2013 թվականը բանկը թողարկում և սպասարկում էր միայն միջազգային Visa քարտերը, բայց նույն տարվա սեպտեմբերից, դառնալով MasterCard միջազգային վճարային համակարգի հիմնական անդամ, սկսեց թողարկել և սպասարկել նաև Cirrus / Maestro, MasterCard Standard և MasterCard Gold քարտերը: Բացի այդ, բանկը նաև սպասարկում է տեղական ArCa քարտեր, ինչպես նաև ունի իր սեփական պրոցեսինգային կնտրոնը:
Հիշեցնենք, որ «ՎՏԲ-Հայաստան Բանկե ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկե ԲԲԸ հանդիսանում է «ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ մայրաքաղաքում և երկրի բոլոր մարզերում: