Շաբաթ, 29 Օգոստոսի 2015 15:27

Արմինֆո. Կենտրոնական բանկի կողմից արտարժույթի շուկայում օգոստոսի 28-ին կատարված 95 մլն.դոլարի խոշորամասշտաբ ուշացած միջամտությունն ընդամենը անշանորեն ամրապնդեց դրամը, և հավանաբար, ոչ երկար ժամկետով: Այսպես, օգոստոսի 24-28-ը բորսայական արտարժութային գործարքների ծավալն աճեց 11 անգամ, 29 անգամ զիջելով արտարժույթի միջբանկային շուկայի ծավալներին, որոնք մեկ շաբաթում աճեցին 52.1%, մոտ 13 անգամ: Ընդ որում, միջբանկի ողջ ծավալը տեղի ունեցավ ուրբաթ օրը, իսկ բորսան, որը պասիվ էր ողջ շաբաթ, սկսեց աշխատել միայն հինգշաբթի-ուրբաթ օրերին, այն էլ ոչ մեծ ծավալներով: Արդյունքում, դրամը, հուլիսին դոլարի նկատմամբ արժեզրկվեց`  474 դրամից մինչև 483.3/դրամ/դոլար, օգոստոսի կեսերին մոտենալով 479 դրամ/դոլար մակարդակին, բայց օգոստոսի 24-ին թռավ մինչև 485.5 դրամ/դոլար, իսկ 28-ին իջավ (միջամտությունից հետո) իջավ մինչև 484.3 դրամ/դոլար մակարդակ:

Ինչպես ԱրմԻնֆո գործակալությանը տեղեկացվել է ՀՀ Կենտրոնական բանկի մամուլի ծառայությունից, օգոստոսի 24-28-ը «ՆԱՍԴԱՔ ՕԷՄԵՔՍ ԱՐՄԵՆԻԱ» բորսայում արտարժույթով գործարքների ծավալը կազմելէ 3.3 մլն.դոլար, 483.02 դրամ/դոլարմիջինփոխարժեքով: Բորսան գրեթե ողջ շաբաթ դատարկ էր, բացառությամբ հինգշաբթի և ուրբաթ օրերին, համապատասպանաբար` 100 հազ.դոլար և 3.2 մլն.դոլար: Իսկարտարժույթիմիջբանկային շուկայումիրականացվածգործարքներիծավալըկազմելէ95 մլն դոլար, 484.55 դրամ/դոլարմիջին փոխարժեքով: Փոխարժեքը, որը շաբաթվա սկզբում բորսայում և միջբանկոմը ցուցադրեց դեպի վեր բարձրացող տրենդ, և միայն ուրբաթ օրն սկսեց դանդաղորեն իջնել, արձագանքելով ԿԲ զգալի միջամտությանը:

Աղբյուրի համաձայն, արտարժույթի ներբանկային շուկայում (գործարքները հաճախորդների հետ) օգոստոսի 24-28-ն ընկած ժամանակահատվածում բանկերի կողմից գնվել է 64.5 մլն.ԱՄՆ դոլար, 482.14 դրամ մեկ ԱՄՆ մեկ դոլարի դիմաց միջին փոխարժեքով և վաճառվել է 144.3 մլն ԱՄՆ դոլար (շաբաթվա աճը` 67%), 485.88 դրամ ԱՄՆ մեկ դոլարի դիմաց միջին փոխարժեքով: Նույն ժամանակահատվածում արտարժույթի ներբանկային շուկայում բանկերի կողմից գնվել է 7.4 մլն.եվրո, 548.82 դրամ մեկ եվրոյի դիմաց միջին փոխարժեքով (շաբաթվա աճը`5.7%) և վաճառվել է 14.6 մլն. եվրո (շաբաթվա աճը`21.7%), 559.63 դրամ մեկ եվրոյի դիմաց միջին փոխարժեքով: Ներբանկային շուկայում նույն ժամանակահատվածում բանկերի կողմից գնվել է 1.01 մլրդ. ռուբլի (շաբաթվա անկումը` 8%), 6.96 դրամ/ռուբլի միջին փոխարժեքով և վաճառվել է 460.3 մլն.ռուբլի (շաբաթվա աճը` 53.3), 7.13 դրամ/ռուբլի միջին փոխարժեքով:

Նախորդ շաբաթ (օգոստոսի 17-23-ը) Հայաստանի բանկերի կողմից ՀՀ դրամով տրամադրված վարկերի ծավալը կազմել է 38 մլրդ դրամ, իսկ ԱՄՆ դոլարով տրամադրված վարկերի ծավալը կազմել է 37 մլն ԱՄՆ դոլար: Դրան նախորդած շաբաթվա համեմատ ՀՀ դրամով վարկերի ծավալը աճլ է 6.7%, իսկ ԱՄՆ դոլարով տրամադրված վարկերի ծավալը աճել է 6.9%:

Հիշեցնենք, որ 2014 թվականի վերջին ամիսներին Հայաստանի արժույթի շուկայում դիտվեց փոխարժեքի կտրուկ աճ, հատելով 570 դրամ/դոլարի սահմանագիծը: Հայաստանի արտարժույթի մանրածախ շուկայում դրամը դոլարի նկատմամբ հոկտեմբերից մինչև դեկտեմբերի 17-ը ներառյալ արժեզրկվեց 45%, այնուհետև, դեկտեմբերի 18-20-ն արժեվորվեց 25%, իսկ դեկտեմբերի 22-ին կրկին սկսեց արժեզրկվել: Դեկտեմբերի 27-ին դրամի փոխարժեքը դոլարի նկատմամբ կազմեց 470 դրամ/դոլար, եվրոն` 574 դրամ / եվրո, ռուսական ռուբլին` 8.7 դրամ /ռուբլի: Բորսայում մեկ տարում իրականացվել է 744.5 մլն. դոլարի արտարժութային գործարք, ընդ որում, ամսական ծավալներով աչքի է ընկել նոյեմբերը (117 մլն.դոլար): Տարվա ընթացքում բորսայում արտարժույթի փոխարժեքը 407.14 դրամ/դոլարից ցատկեց մինչև 560 դրամ/դոլար, դեկտեմբերի 27-ին իջնելով մինչև 470 դրամ/դոլար: 2014 թվականին ՀՀ դրամը ԱՄՆ դոլարի նկատմամբ ընդհանուր հաշվով արժեզրկվեց 40%, հաշվի առնելով դեկտեմբերի 17-ի` 570 դրամ առավելագույն և հուլիսի` 406 դրամ նվազագույն սահմանաչափերը: 2015 թվականի առաջին կիսամյակում Հայաստանի արտարժույթի մանրածախ շուկայում դրամի փոխարժեքը դոլարի նկատմամբ 477 դրամից իջավ մինչև 473 դրամ/դոլար, եվրոյի նկատմամբ` 571.5 դրամից մինչև 528 դրամ/եվրո, իսկ ռուբլու նկատմամբ` 8.2 դրամից աճեց մինչև 8.6 դրամ/ռուբլի: Սակայն, հուլիսից դրամն սկսեց արժեզրկվել, հուլիսի 31-ին ԱՄՆ դոլարի նկատմամբ արձանագրելով 478.3 դրամ/դոլար միջին փոխարժեք, միաժամանակ եվրոյի և ռուսական ռուբլու նկատմամբ արժեվորվելով համապատասխանաբար` 524 դրամ/եվրո և 8.0 դրամ/ռուբլի մակարդակներոմ: ՄԻնչև օգոստոսի 24-ը դոլարի նկատմամբ դրամն արժեզրկվոց մինչև 485.5 դրամ/դոլար, օգոստոսի 28-ին (ԿԲ միջամտությունից հետո) մի փոքր իջնելով մինչև 484.3 դրամ/դոլար մակարդակ, միաժամանակ կորցնելով դիրքերը նաև եվրոյի նկատմամբ – մինչև 544.5 դրամ/եվրո, բայց ամրապնդվելով ռուսական ռուբլու նկատմամբ – մինչև 7.4 դրամ/ռուբլի: