ՎՏԲ-Հայաստան Բանկում կարելի է ձևակերպել, վճարել և ստանալ ԱՊՊԱ, առողջության, դժբախտ դեպքերից, անշարժ գույքի և ունեցվածքի ապահովագրությունների վկայագրեր

Արմինֆո. ՎՏԲ-Հայաստան Բանկում այսուհետ հասանելի են օգտակար ապահովագրական պրոդուկտների նոր տեսակները, որոնցից մի քանիսը բացառիկ են շուկայում:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից,

ներդրվել են ապահովագրական պրոդուկտների չորս նոր տեսակներ`

ԱՊԿԱ - ապահովագրության տվյալ տեսակը ձեռք է բերվում ի լրացում հիմնական ԱՊՊԱ-ի, ընդ որում ապահովագրական հատուցումը բոլոր ուղղություններով կրկնապատկվում է` հասնելով 18 մլն. ՀՀ դրամի:

Անշարժ գույքի և ունեցվածքի ապահովագրություն- տվյալ տեսակի ապահովագրությունը թույլ է տալիս հաճախորդին ապահովագրել տարաբնույթ ռիսկերից (հրդեհ, գազի պայթյուն, ջրհեղեղ, կոտրանքով գողություն) ոչ միայն իր անշարժ գույքը, այլև ապահովագրված գույքի տարածքում գտնվող ունեցվածքը: Նշված տեսակի ապահովագրությունը ակտուալ է հատկապես այն դեպքերում, երբ բազմաբնակարանային շենքերում հարևանների տան ջրից վնաս է առաջանում:

Առողջության ապահովագրություն, ինչը ենթադրում է ամբուլատոր օգնություն (գործիքային և լաբորատոր հետազոտություններ, բժիշկի խորհրդատվություն), ինչպես նաև ապահովագրություն դժբախտ դեպքերից, բժիշկի միջազգային խորհրդատվություն այլ երկրների հայտնի բժշկական կենտրոններում:

Դժբախտ դեպքերից ապահովագրություն, ինչը ենթադրում  է ընդլայնված ռիսկերի ապահովագրություն, հատկապես դժբախտ դեպքերի ամենահաճախակի պատճառները` գլխուղեղի կաթված, սրտի կաթված, օնկոլոգիա և այլն:

Ապահովագրական պրոդուկտների նոր տեսակները իրենցից ներկայացնում են ապահովագրական պոլիսներ` հարմար և պահանջված պայմանների, ռիսկերի և ապահովագրավճարի ընտրությամբ, որը թույլ է տալիս հաճախորդին ընտրություն կատարել իրեն հարմար և հասկանալի միջոցով: Հաճախորդի հարմարավետությունը կայանում է նրանում, որ ձևակերպելու համար պետք չէ գնալ ապահովագրական ընկերություն, բավական է ծառայության դիմաց վճարել բանկում և ձեռք բերել ապահովագրական պրոդուկտը:

Գույքի և առողջության ապահովագրությունը կատարվում է «Ռեսո» ապահովագրական ընկերության պրոդուկտների միջոցով, իսկ դժբախտ դեպքերի ապահովագրությունը և ԱՊԿԱ ապահովագրական պոլիսի ձեռք բերումը “Ռոսգոսստրախ Արմենիա” ապահովագրական ընկերության պրոդուկտների միջոցով: Ծառայութունը հասանելի է ՎՏԲ-Հայաստան Բանկի բոլոր մասնաճյուղերում:

Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, «Ռոսգոսստրախ Արմենիա» ապահովագրական ընկերությունը 2015 թվականի առաջին կիսամյակի արդյունքներով զբաղեցրել է առաջին տեղը շուկայում, մասնավորապես, ապահովագրական պրեմիաների ծավալով` 5.2 մլրդ դրամ, որի մասնաբաժինը շուկայում հասել է 32.2%-ի: Ընկերության ապահովագրական պորտֆելի կառուցվածքում ԱՊՊԱ մասնաբաժինը կազմել է 61,7% կամ 3,2 մլրդ դրամ: Այս ցուցանիշով ընկերությունն զբաղեցնում է առաջին տեղը շուկայում, զբաղեցնելով շուկայի 33,3% - : Դժբնախտ դեպքերից ապահովագրության պրեմիաներով «Ռոսգոսստրախ Արմենիա»-ն երկրորդ տեղում է`52 մլն.դրամ կամ  ապահովագրական պորտֆելի 1%, որը կազմում է շուկայի 19%-ը:

«ՌԵՍՈ» ապահովագրական ընկերությունը հավաքագրված ապահովագրական պրեմիաների ծավալով առաջին կիսամյակում զբաղեցրել է հինգերորդ տեղը շուկայում` 1.3 մլրդ դրամ, որի մասնաբաժինը շուկայում կազմել է 8.4%: Բժշկական ապահովագրության պրեմիաների գծով ընկերությունը հինգերորդ տեղում է` 160 մլն դրամ (պորտֆելի 11,9% -ը), զբաղեցնելով շուկայի 6%-ը: Հրդեհից կամ բնական աղետներից գույքային ապահովագրության գծով ՌԵՍՈ-ն զբաղեցնում է չորրորդ տեղը`62.6 մլն.դրամ (պորտֆելի 4.6%-ը), զբաղեցնելով շուկայի 6.3%-ը: Գույքային ապահովագրության մյուս տեսակներով ընկերությունը երրորդ տեղում է`1.6 մլն.դրամ (պորտֆելի 0.1%-ը), զբաղեցնելով շուկայի 1.1%-ը: