Դրամը դարձյալ սկսել է արժեզրկվել

Արմինֆո. Բորսային և արժութային միջբանկային շուկայի էական և միանման ծավալը չեն զսպում դրամի արժեզրկումը: Այսպես, օգոստոսի 31-ից մինչև սեպտեմբերի 4-ը ներառյալ «ՆԱՍԴԱՔ ՕԷՄԵՔՍ ԱՐՄԵՆԻԱե բորսայական հարթակում արժութային գործարքների ծավալը ավելացել է գրեթե 3 անգամ, գրեթե հավասարվելով արժութային միջբանկային շուկայի ծավալներին, կրճատվելով 11 անգամ (օգոստոսի 24- 28-ը 13 անգամ աճի դիմաց): Արդյունքում` դրամը, հուլիսին դոլարի նկատմամբ արժեզրկվելով 1 դոլարի դիմաց 474 դրամից մինչև  478,3 դրամ, օգոստոսի 24-ին հասնելով 485,5 դրամի, օգոստոսի  28-ին աննշան նվազելով (ներխուժումից հետո) մինչև 484,3 դրամ/1դոլար, սեպտեմբերի  4-ին կրկին վերադարձել է 1 դոլարի դիմաց 485,5 դրամ փոխարժեքին:

Ինչպես ԱրմԻնֆո-ին հաղորդել են ԿԲ մամուլի ծառայությունից, օգոստոսի 31-ից մինչև սեպտեմբերի 4—ը ներառյալ NASDAQ OMX Armenia բորսայի արտարժութային հարթակում կատարվել է 8.750 մլն դոլարի գործարք, միջին փոխարժեքը ձևավորելով 1 դոլարի դիմաց 485,11 դրամի մակարդակում: Բորսան աշխատել է երեք օր` երկուշաբթի, չորեքշաբթի և հինգշաբթի, օգոստոսի 2-ին 5.1 մլն դոլար առավելագույն ծավալով: Իսկ արտարժութային միջբանկային շուկան հաշվետու շաբաթվա ընթացքում արձանագրել է 8.7 մլն դոլար ծավալ, միջին փոխարժեքը ձևավորելով 485,39 դրամ/1դոլարի մակարդակում: Բորսայում և արտարժութային միջբանկային շուկայում ընթացիկ շաբաթվա վերջից դրսևորել է աճի միտում:

Աղբյուրի համաձայն, ներբանկային արտարժութային շուկայում (հաճախորդների հետ գործարքներ) օգոստոսի 31-ից մինչև սեպտեմբերի 4-ը բանկերը գնել են 66.7 մլն դոլար` 482,60 դրամ/1դոլար միջին փոխարժեքով, վաճառել են 82.6 մլն դոլար (մեկ շաբաթում 42% անկում)` 484,82 դրամ/1դոլար միջին փոխարժեքով: Նույն ժամանակահատվածում ներբանկային արտարժութային շուկայում բանկերը գնել են 5.6 մլն եվրո (մեկ շաբաթում 19% անկում)` 540,37 դրամ/1եվրո միջին փոխարժեքով, վաճառել են10.6 մլն եվրո (մեկ շաբաթում 27% անկում)` 546,79 դրամ/1եվրո միջին փոխարժեքով: Ներբանկային արտարժութային շուկայում նշված ժամանակահատվածում բանկերը գնել են նաև 786.5 մլն ռուբլի (մեկ շաբաթում 22% անկում)` 7,20 դրամ/1ռուբլի միջին փոխարժեքով, վաճառել են  272.1 մլն ռուբլի (մեկ շաբաթում 49% անկում)` 7,37 դրամ/1ռուբլի միջին փոխարժեքով:

Նախորդ շաբաթ (օգոստոսի 24-30-ը) Հայաստանի բանկերը տրամադրել են 39.1 մլրդ դրամի և 20.9 մլն դոլարի վարկեր: Դրան նախորդած շաբաթվա համեմատ (օգոստոսի 17- 23-ը) դրամով տրամադրված վարկերի ծավալն ավելացել է 2,9%-ով, իսկ դոլարով տրամադրված վարկերինը 43,5%-ով նվազել է:

Հիշեցնենք, որ 2014 թվականի վերջին ամիսներին Հայաստանի արժույթի շուկայում դիտվեց փոխարժեքի կտրուկ աճ, հատելով 570 դրամ/դոլարի սահմանագիծը: Հայաստանի արտարժույթի մանրածախ շուկայում դրամը դոլարի նկատմամբ հոկտեմբերից մինչև դեկտեմբերի 17-ը ներառյալ արժեզրկվեց 45%, այնուհետև, դեկտեմբերի 18-20-ն արժեվորվեց 25%, իսկ դեկտեմբերի 22-ին կրկին սկսեց արժեզրկվել: Դեկտեմբերի 27-ին դրամի փոխարժեքը դոլարի նկատմամբ կազմեց 470 դրամ/դոլար, եվրոն` 574 դրամ / եվրո, ռուսական ռուբլին` 8.7 դրամ /ռուբլի: Բորսայում մեկ տարում իրականացվել է 744.5 մլն. դոլարի արտարժութային գործարք, ընդ որում, ամսական ծավալներով աչքի է ընկել նոյեմբերը (117 մլն.դոլար): Տարվա ընթացքում բորսայում արտարժույթի փոխարժեքը 407.14 դրամ/դոլարից ցատկեց մինչև 560 դրամ/դոլար, դեկտեմբերի 27-ին իջնելով մինչև 470 դրամ/դոլար: 2014 թվականին ՀՀ դրամը ԱՄՆ դոլարի նկատմամբ ընդհանուր հաշվով արժեզրկվեց 40%, հաշվի առնելով դեկտեմբերի 17-ի` 570 դրամ առավելագույն և հուլիսի` 406 դրամ նվազագույն սահմանաչափերը: 2015 թվականի առաջին կիսամյակում Հայաստանի արտարժույթի մանրածախ շուկայում դրամի փոխարժեքը դոլարի նկատմամբ 477 դրամից իջավ մինչև 473 դրամ/դոլար, եվրոյի նկատմամբ` 571.5 դրամից մինչև 528 դրամ/եվրո, իսկ ռուբլու նկատմամբ` 8.2 դրամից աճեց մինչև 8.6 դրամ/ռուբլի: Սակայն, հուլիսից դրամն սկսեց արժեզրկվել, հուլիսի 31-ին ձևավորելով 478,3 դրամ/1 դոլարի մակարդակի փոխարժեք, եվրոյի և ռուբլու նկատմամբ համապատասխանաբար, միջին հաշվով 524 դրամ/1եվրո և 8 դրամ/1ռուբլի: Օգոստոսի 28-ին (ԿԲ ներխուժումից հետո) դրամի փոխարժեքը դոլարի նկատմամբ ձևավորվեց 484,3 դրամ/1դոլարի մակարդակում, եվրոյի նկատմամբ դիրքերը զիջելով մինչև 544,5 դրամ/1եվրո, ընդ որում ռուսական ռուբլու նկատմամբ արժեվորվելով մինչև 7,4 դրամ/1ռուբլի: Սեպտեմբերի 4-ին դրամը դոլարի նկատմամբ արժեզրկվել է 485,5 դրամ/1դոլար մակարդակի, աննշան արժեվորվելով եվրոյի և ռուբլու նկատմամբ` մինչև 540 դրամ/1եվրո և  7,3 դրամ/1ռւոբլի: