Չորեքշաբթի, 30 Սեպտեմբերի 2015 17:57

Արմինֆո. «Քոնթուր գլոբալ հիդրոկասկադ» միջազգային էներգետիկ ընկերությունը մոտ 50 մլն.դոլար կներդնի «Որոտանի կասկադ ՀԷԿ» ՓԲԸ վերականգնմանը: Դա Հայաստանի պատմության մեջ մասնավոր ներդրողի կողմից կատարվող ամենախոշոր ներդրումն է և առաջին նման կպիտալ ներդրումը Հայաստանի էներգետըիկ հատվածում: Այդ մասին վերջերս հայտարարվել է միջազգային կոնֆերանսում, որը նվիրված էր ՀՀ կառավարության և «Քոնթուր գլոբալ հիդրոկասկադ» ընկերության համաձայնագրին, որի համաձայն Որոտանի Կասկադի ակտիվներն անցնում են ամերիկյան ընկերությանը (Տաթևի, Շամբիի և Սպանդարյանի կայաններով հանդերձ): Որոտանի ՀԷԿ-ի ձեռքբերմանը և շահագործմանն օժանդակել է Միջազգային ֆինանսական կորպորացիան (IFC) որը տիրապետում է «Քոնթուր գլոբալ» ընկերության բաժնետոմսերի 20% փաթեթին:

Ֆինանսավորումը կիակակացվի 6 տարիների ընթացքում, HSBC Բանկ Հայաստանի և Ամերիաբանկի միջոցով: Ներդրումներն ուղղված կլինեն կայանի վերակառուցմանը, արդիականացմանը, շահագործման օպտիմալացմանը, անվտանգության ապահովմանը և աշխատանքի արդյունավետությանը: Միևնուն ժամանակ, ամերիկյան ընկերությունը մտադիր է ներկայումս գոյություն ունեցող 150 աշխատատեղերը կրնապատկել, բայց, ժամանակավորապես:

«Մենք վստահ ենք, որ «Քոնթուր գլոբալ» ընկերությունը կկարողանա շահագործել մեր երկրի համար այդ կարևորագույն էներգետիկ համալիրը, ինչը թույլ կտա ապահովել  կայանի գործունեության կայունությունը և անվտանգությունը, իսկ դա առաջին հերթին կբարելավի Հայաստանի էներգետիկ համակարգի արտադրողականությունն ապագա տարիներին»,-հայտարարել է ՀՀ էներգետիկայի և բնական պաշարների նախարար Երվանդ Զախարյանը:

Իսկ «Քոնթուր գլոբալ» ընկերության գլխավոր գործադիր տնօրեն Ջոզեֆ Բրանդտը, վստահության համար իր շնորհակալությունը հայտնելով ՀՀ կառավարությանը, ընդգծել է, որ այս նախագիծը կարևորագույն ներդրում է երկրի ենթակառուցվածքներում:

Նշենք, որ «Քոնթուր գլոբալ» ընկերությունը Նյու-Յորքում տեղակայված ընկերություն է, որն ունի շուրջ 3,500 ՄեգաՎատ ընդհանուր հզորությամբ 33 էներգետիկ կայաններ աշխարհի 17 երկրներում՝ Աֆրիկայում, Հարավային և Հյուսիսային Ամերիկայում և Եվրոպայում։ «Քոնթուր գլոբալ» ընկերությունն ունի շուրջ 1650 աշխատակիցներ և հանդիսանում է ավանդական և այլընտրանքային տեսակի էլեկտրակայանների (բացառությամբ միջուկայինի) սեփականատեր և շահագործող, ներառյալ քամու և արևային էներգիան: Արևելյան Եվրոպայում՝ Բուլղարիայում, Ուկրաինայում, Ռումինիայում և Լեհաստանում ընկերությունն ունի շուրջ 1,100 ՄեգաՎատ ընդհանուր հզորությամբ կայաններ։ Հայաստանյան Որոտանի հիդրոէլեկտրակայանների համալիրը կդառնա Եվրոպայի տարածաշրջանի ամենախոշոր գործարքներից մեկը՝ 180 մլն դոլար ընդհանուր արժողությամբ։

Հիշեցնենք, որ հունվարի 29-ին ՀՀ կառավարության, «Որոտան hիդրոէլեկտրակայանների hամալիր» փակ բաժնետիրական ընկերության, ամերիկյան «Քոնթուր գլոբալ հիդրոկասկադ» և «Սի-Ջի սոլյուշնս գլոբալ hոլդինգ քամփնի» ընկերությունների միջև ստորագրվել է գույքի առուվաճառքի պայմանագիր: Առաջիկա 6 տարիներին ամերիկյան ընկերությունը ստանձնել է պարտավորություն՝ ներդնելու շուրջ 70 մլն դոլար Որոտանի հիդրոկայանների համալիրի արդիականացման և վերանորոգման գործում: Որոտանի հիդրոկայանների համալիրի բաժնետոմսերի 100% փաթեթի սեփականատերն էր պետությունը: Համալիրի կազմում են Որոտան գետի վրա գտնվող երեք` Տաթևի, Շամբիի և Սպանդարյանի կայանները: Երեք կայաններն ընդհանուր հաշվով արտադրում են 404.2 ՄՎտ էլեկտրաէներգիա, 1.16 մլրդ.կՎտ ժամ տարեկան միջին նախագծային հզորությամբ: Նշենք, որ «Կասկադն» արդիականացման կարիք ունի, իսկ նշված ներդրումները խոշորագույնն են Հայաստանի տնտեսությունում ամերիկյան մասնավոր ընկերության կողմից, ինչպես նաև ԱՄՆ առաջին կապիտալ ներդրումը Հայաստանի տնտեսությունում:

Ըստ ՀՀ Ազգային վիճակագրական ծառայության տվյալների, էլեկտրաէներգիայի արտադրությունը Հայաստանում 2015 թվականի հունվար-օգոստոսին տարեկան կտրվածքով աճել է 3.5%, մինչև 5 106.3 մլն կՎտժամ, ընդ որում, միայն օգոստոսին աճը կազմել է 13,9%: Ավելին, ՋԷԿ-երի մասնաբաժինը կազմել է 1 484 մլն կՎտժամ, ՀԷԿ-երինը` 1 593.4 մլն կՎտժամ (տարեկան աճը` 10,7%), իսկ Հայկական ԱԷԿ-ի մասնաբաժինը`2 026.6 մլն կՎտժամ (տարեկան աճը`9,1%):