Չորեքշաբթի, 30 Սեպտեմբերի 2015 19:14

Արմինֆո. Հայաստանի բանկերի վարկային ներդրումները 2015 թվականի հունվար-օգոստոսին նվազել են 4.3%, սեպտեմբերի 1-ին կազմելով 2.057 տրլն.դրամ: Ըստ ՀՀ Ազգային վիճակագրական ծառայության տվյալների, մեկ տարի առաջ բանկային վարկերի ծավալն աճել էր 9.2%, իսկ օգոստոսին` 0.5%: Առանձ երկարաձգված և ժամկետանց վարկերի, բանկերի վարկային ներդրումների ծավալը կազմել է 1,892 տրլն.դրամ:

Ըստ աղբյուրի, դրամով վարկավորումը 8 ամիսների ընթացքում նվազել է 4,8%, մինչև 633,9 մլրդ դրամ (ընդհանուր ծավալի 33,5%-ը, առանց երկարաձգված և ժամկետանց վարկերի), իսկ արտարժույթով վարկավորումը` 5,2%, մինչև 1,259 տրլն.դրամ կամ ընդհանուր ծավալի 66.5%-ը (առանց երկարաձգված և ժամկետանց վարկերի): Տարեկան կտրվածքով դրամով վարկերը կրճատվել են 3,2%, իսկ արտարժույթով վարկերը` 16%: Օգոստոսին այս ցուցանիշները համապատասխանաբար աճել են` 0.1% և 0.3%:

Ըստ աղբյուրի, դրամով վարկերի տոկոսադրույքներն օգոստոսին կազմել են 18.86%, հուլիսի` 18.86%-ի, դեկտեմբերի`16.26%-ի և նախորդ տարվա  17.12%-ի փոխարեն:  (Դոլարի հաշվարկային փոխարժեքը 08.31.15թ. կազմել է 482,77 դրամ/դոլար):