Հինգշաբթի, 8 Հոկտեմբերի 2015 20:22

Արմինֆո.  ՀՀ դրամի արժեզրկումը ԱՄՆ դոլարի նկատմամբ 2015 թվականի հունվար-սեպտեմբերին կազմել է 3.8%, միայն սեպտեմբերին` 0.3%, իսկ տարեկան արժեզրկումը կազմել է 17.7%: Ինչպես ԱրմԻնֆո գործակալությանը տեղեկացվել է ՀՀ Ազգային վիճակագրական ծառայությունից, 2015 թվականի սեպտեմբերին միջին հաշվարկային փոխարժեքը կազմել է 481.1 դրամ / $ 1, 2014 թվականի սեպտեմբերի` 408.8 դրամ / $ 1 –ի և 2013-ի 408.2 դրամ / $ 1 –ի փոխարեն: Մեկ տարի առաջ, 2014 թվականի հունվար-սեպտեմբերին դրամի արժեզրկումը դոլարի նկատմամբ կազմեց 0.8%, միայն սեպտեմբերին` տեղի ունեցավ 0,3% արժևորում, իսկ տարեկան արժեզրկումը կազմեց  0.04%:

 

Ըստ աղբյուրի, սպառողական շուկայում 2015 թվականի սեպտեմբերին արձանագրվել է 0.1% գնաճ (տարեկան գնաճը` 3.3%), 2015-ի հունվար-սեպտեմբերին` 2% գնանկում (տարեկան գնաճը` 4.7%): Համեմատության համար հիշեցնենք, որ 2014-ի սեպտեմբերին գնաճը կազմել էր 0.4%, 2013-ի դեկտեմբերի համեմատ գնանկումը` 0,8% (դրամի 0.9% արժեզրկման պայմաներում), 2013-ի սեպտեմբերի համեմատ գնաճը կազմել էր 1,5%: 2013 թվականի հունվար-սեպտեմբերին գնաճը կազմել էր 3.2%, դրամի արժեզրկումը դոլարի նկատմամբ` 0,7%, միայն սեպտեմբերին գնանկումը կազմել էր 0.2%, իսկ դրամի արժեզրկումը` 0.2%: 2012 թվականի հունվար-սեպտեմբերին գնանկումը կազմեց 1,5%, իսկ դրամի արժեզրկումը դոլարի նկատմամբ` 6.7%, միայն 2012-ի սեպտեմբերին սպառողական գների աճը կազմեց 0.5%, ինչն ուղեկցվեց դրամի 0.5% արժևորումով, երբ 2011-ի հունվար-սեպտեմբերին արձանագրվել էր 0.6% գնաճ և դոլարի նկատմամբ դրամի 3.3% արժեզրկում (միայն 2011-ի սեպտեմբերին, երբ գնաճը կազմեց 0.8%, դրամի արժեզրկումը դոլարի նկատամբ կազմել էր 1,4%):

 

Ըստ ՀՀ Ազգային վիճակագրական ծառայության տվյալների, դրամի արժեզրկումը դոլարի նկատմամբ 2014 թվականին կազմել է 14.1%, իսկ միայն դեկտեմբերին` 10%, երբ գնաճը 2014-ին կազմել էր 4.6% (դեկտեմբերի գնաճը` 3%): 2013 թվականի դրամի արժևորումը դոլարի նկատմամբ կազմել էր 0.1%, իսկ միայն դեկտեմբերւ արժեզրկումը`0.1%, գնաճը 2013 թվականի` 5.6% (միայն դեկտեմբերի գնաճը` 1.1%): 2012-ին դրամի արժեզրկումը դրամի նկատմամբ կազմել է 5.9%, իսկ միայն դեկտեմբերի արժևորումը` 0,3%, 2012-ի գնաճը` 3.2% (դեկտեմբերի գնաճը` 2.1%):

 

Հիշեցնենք, որ 2014 թվականի հոկտեմբեր-դեկտեմբեր ամիսներին դրամը դոլարի նկատմամբ արժեզրկվեց 45%, դեկտեմբերի 17-ին արձանագրելով 570 դրամ / $ 1 փոխարժեք: Ընդհանուր առմամբ, 2014-ին դրամի արժեզրկումը կազմել է 40% (նվազագույնը մակարդակը` հունիսին, իսկ առավելագույնը` դեկտեմբերին): Դրամի նախորդ կտրուկ արժեզրկումը տեղի էր ունեցել 2009-ին (մարտի 3-ին`22%): Եվ եթե այդ ժամանակ պատճառը ՀՀ Կենտրոնական բանկի կողմից լողացող փոխարժեքի քաղաքականությանը վերադառնալն էր, ապա 2014-ին ազդեցությունը գալիս էր արտաքին գործոններից` ռուսական ռուբլու փլուզումը և մասնավոր տրանսֆերտների ծավալների կրճատումը, ինչպես նաև արտահանման ծավալների կրճատումը, ներմուծման նվազումը և տնտեսական աճի էական դանդաղումը:-