Տիգրան Սարգսյանը Եվրասիական տնտեսական միությունում կփոխարինի Խրիստենկոյին

Արմինֆո. Եվրասիական տնտեսական միության պետության ղեկավարների մակարդակով գագաթնաժողովում Հայաստանի, Բելառուսի, Ռուսաստանի, Ղազախստանի և Ղրղզստանի նախագանները պայմանավորվեցին, թե ով կփոխարինի ռուսաստանցի Վիկտոր Խրկստենկոյին Եվրասիական տնտեսական միության գործադիր մարմնի` Եվրասիական տնտեսական հանձնաժողովի նախագահի պաշտոնում: Խրիստենկոյի հաջորդը կլինի Հայաստանի ներկայացուցիչ Տիգրան Սարգսյանը, հաղորդել է Բելառուսի նախագահ Ալեքսանդր Լուկաշենկոն, ով վարել է նախագահների նիստը:

Ինչպես հաղորդում է ՌԲԿ-ն, Խրիստենկոյի լիազորություններն ավարտվում են փետրվարին: ՌԴ նախագահի օգնական Յուրի Ուշակովը լրագրողների հետ շաբաթվա սկզբին կայացած ճեպազրույցում ասել էր, որ նախագահները կպայմանավորվեն կոլեգիայի նոր ղեկավարի նշանակման կարգի մասին, բայց կարող են և չընդունել վերջնական որոշում: Եթե վերջնական հարցը չհամաձայնեցվի, ապա կստեղծեն բոլոր պայմանները, որպեսզի մինչև վերջ այսպես թե այնպես լուծվի ղեկավարի հարցը, ասել է Ոշակովը: Նախագահների հանդիպմանը, ուրբաթ օրն այդ հարցը դեռ չէր լուծվել, հաղորդել է ՌԲԿ-ի զրուցակիցը, ով ծանոթ է եղել հարցերի քննարկման ընթացքին: Մշակվել են տարբերակներ, այդ թվում անհրաժեշտ էր նաև լուծել, թե որ երկրից սկսել կոլեգիայի ղեկավարի ռոտացիան - 2015 թվականի հունվարին անդամակցվածներից, թե միության հիմքում կանգնած Բելառուսից:

Մինչև 2014 թվականը Տիգրան Սարգսյանն զբաղեցնում է ՀՀ վարչապետի պաշտոնը: Նա համարվում էր երկրի եվրոպական իւնտեգրման կողմնակիցը, բազմաթիվ ագնամներ հանդես է եկել այդ թեմայով, այդ թվում նաև ռուսական աղբյուրներում (2012 թվականին Ռուսաստանյան «Վեդոմոստիե-ում տպագրված հոդվածում նա պաշտպանում էր երկրի եվրոպական կողմնորոշման առավելությունները): Սակայն, 2013 թվականի սեպտեմբերին երկրի նախագահ Սերժ Սարգսյանն ընտրեց եվրասիական ինտեգրումը: Ներկայումս Սարգսյանը հանդիսանում է Հայաստանի դեսպանը ԱՄՆ-ում:

Ինչպես ասել է Խրիստենկոն, Սարգսյանը շատ ժամանակ է հատկացրել եվրասիական ինտեգրմանը և հանդիսանում էր անդամակցման լոկոմոտիվը: Հայաստանի անդամակցման գործընթացն սկսվեց 2013 թվականի սեպտեմբերին և ավարտվեց 2015 թվականի հունվարի 2-ին: Ճեպազրույցի ժամանակ Խրիստենկոն լրագրողներին հաղորդեց նաև մեկ այլ կադրային որոշման մասին – կրճատել երկրների ներկայացոիչների թիվը կոլեգիայում հասցնելով երկու հոգու: Կոլեգիան կազմված կլինի 10 նախարարներից, հաղորդել է Խրիստենկոն: Նախագահները նաև ընդունել են համաձայնագիր, որը թույլ է տալիս կարգավորել հարաբերությունները միության ներսում, Առևտրի համաշխարհային կազմակերպությանը Ղազախստանի անդամագրվելու կապակցությամբ: