Շաբաթ, 17 Հոկտեմբերի 2015 12:28

Արմինֆո. Հայաստանի եւ Բելառուսի բնակչության հետաքրքրվածությունը եվրասիական ինտեգրման հանդեպ վերջին տարում նվազել է: Այս մասին են վկայում Եվրասիական զարգացման բանկի Ինտեգրացիոն հետազոտությունների կենտրոնի «Ինտեգրացիոն ծանրաչափ» ամենամյա հետազոտության արդյունքները:

 Ըստ հետազոտության, Հայաստանի և Բելառուսի քաղաքացիներն ավելի ցածր գնահատականներ են տալիս մասնակցությանը ԵԱՏՄ-ում, համապատասխանաբար` 56% և 60%, ինչը 8% ցածր է 2014 թվականի գնահատականներից: Հայաստանում նույնպես աճում է այն անձանց թիվը, որոնք անտարբեր են կամ բացասական են վերաբերվում ԵԱՏՄ-ն իրենց երկրի անդամությանը: Հայաստանի, Բելառուսի, Ղազախստանի և  Ռուսաստանի քաղաքացիներին 2015-ի հարցման ընթացքում հարց է տրվել նաև ԵԱՏՄ կազմում որոշ ընդհանուր կառույցների ստեղծման, մասնավորապես, միասնական արժույթի, ընդհանուր օրենքների, միասնական բանակի և կառավարման ընդանուր մարմնի ստեղծման վերաբերյալ: «Վերլուծությունը ցույց է տալիս, որ բոլոր 4 երկրներում այս հարցերի շուրջ չկա բնակչության միասնական դիրքորոշում: Որպես բացառություն կարելի է նշել միայն Հայաստանը, որտեղ բնակչության 55%-ը հանդես է գալիս միասնական արժույթի օգտին: Մյուս բացառությունը վերաբերվում է միասնական բանակին` Բելառուսում և Ռուսաստանում, որտեղ բնակչության մեծամասնույթունն արտահայտվել է - դեմ, համապատասխանաբար կազմելով` 57% և 53%»,-ԲԵԼՏԱ-ին պատմել են ԵԱՏՄ մամուլի ծառայությունում:

Միևնույն ժամանակ, Ռուսաստանում և Ղազախստանում ԵՏՄ-ի կողմնակիցների թիվը կազմել է համապատասխանաբար 78% եւ 80%:

ԵԱԶԲ կողմից հետազոտությունն անց է կացվում 2012 թվականից, «Եվրասիական կենտրոն» Միջազգային հետազոտական գործակալության հետ համատեղ: 2015 թվականի հարցմանը մասնակցել է Հայաստանի, Բելառուսի, Վրաստանի, Ղազախստանի, Ղրղզստանի, Մոլդովայի, Ռուսաստանի, Տաջիկստանի և Ուկրաինայի ավելի քան 11 հազար բնակիչ: 

ԵԱԶԲ-ն հանդիսանում է միջազգային ֆինանսական կազմակերպություն, որը հիմնվել է Ռուսատսանի և Ղազախստանի կողմից, 2006 թվականի հունվարին, անդամ-պետությունների շուկայական տնտեսություններին աջակցելու նպատակով, նպաստելով այդ պետույթունների տնտեսական աճին և փոխադարձ առևտրա-տնտեսական կապերի ընդլայնմանը: Բանկի մասնակից-պետոթյուններն են` Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը: