Արմինֆո. ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերությունն առաջինը Հայաստանի ապահովագրական շուկայում 2015 թվականի հոկտեմբերի 1-ի դրությամբ կնքել է ավելի քան 1,000,000 ԱՊՊԱ պայմանագիր: Ինչպես ԱրմԻնֆո գործակալությանը տեղեկացվել է ընկերության մամուլի ծառայությունից, դա վկայում է քաղաքացիների վստահության բարձր մակարդակի մասին, որը պահպանվում է պարտադիր ապահովագրության մասին օրենքի գործողության բոլոր հինգ տարվա ընթացքում:
Ըստ Հայաստանի ավտոապահովագրողների բյուրոյի կայքում հրապարակված տվյալների, ԱՊՊԱ-ի մասին օրենքի ուժի մեջ մտնելու առաջին իսկ օրվանից ՌՈՍԳՈՍՍՏՐԱԽ ԱՐՄԵՆԻԱ ընկերությունը հանդիսանում է ԱՊՊԱ շուկայի առաջատարը ոչ միայն կնքված ԱՊՊԱ պայմանագրերի քանակով, այլ նաև վճարված ապահովագրական հատուցումներով, ընդ որում, ինչպես վճարված հատուցումների քանակով, այնպես էլ հատուցման միջին գումարի չափով:
«Ինչպես ցույց են տալիս ավտոսեփականատերերի շրջանակում պարբերաբար անցկացվող հարցումները, հենց այդ ցուցանիշներն են ամենակարևորը նրանց համար: Կարևորությամբ որպես երկրորդ ցուցանիշ վարորդները նշում են ընկերության աշխատանքի օպերատիվությունը: Շնորհիվ կուտակած փորձի, աշխատակիցների մասնագիտացվածության և ընկերության բիզնես-պրոցեսների օպտիմալացման ՌՈՍԳՈՍՍՏՐԱԽ ԱՐՄԵՆԻԱ ընկերությունը հատուցումները վճարում է նվազագույն ժամկետում»,-նշում է աղբյուրը:
Բոլոր անհրաժեշտ փաստաթղթերի առկայության դեպքում օրենքով նախատեսված 14-21 օրվա փոխարեն վնասի հատուցումն իրականացվում է 3-5 օրվա ընթացքում: ԱՊՊԱ-ի մասին օրենքի ուժի մեջ մտնելու պահից անցած 5 տարվա ընթացքում ՌՈՍԳՈՍՍՏՐԱԽ ԱՐՄԵՆԻԱ ընկերության աշխատակիցները սպասարկել են 106,000 վթար, հատուցում է ստացել ավելի քան 71,000 մարդ: Ֆինանսական համակարգի հաշտարարի գրասենյակ ներկայացվել է 479 բողոք, ինչը կազմում է բոլոր հատուցումների ընդամենը 0,67%:
«Միլիոն ԱՊՊԱ պայմանագիր՝ դա լուրջ թիվ է, և այն փաստը, որ մենք առաջինն ենք դրան հասել, պատահականություն չէ, այլ բոլոր աշխատակիցների համառ աշխատանքի կանոնավոր արդյունք: Այդ ցուցանիշը վկայում է հաճախորդների վստահության բարձր մակարդակի մասին, ինչի համար շնորհակալ ենք վերջիններիս: Սակայն մեզ համար դա նաև մեծ պատասխանատվություն է, ինչպես և հսկայական փորձ, որը հաշվի առնելով մենք անընդհատ բարելավում ենք մեր ծառայությունների որակը: Դա մեր ռազմավարությունն է, և հենց դրա շնորհիվ այսքան տարիներ շարունակ մեզ հաջողվում է սպասարկել շուկայի ամենամեծ մասնաբաժինը»,-նշել է ընկերության գործադիր տնօրեն Գագիկ Գրիգորյանը:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, 2015 թվականի առաջին կեսին Ռոսգոսստախ Արմենիա ընկերությունը հավաքագրել է 3,2 մլրդ դրամի ապահովագրական պրեմիաներ, տարեկան անկումը` 9.3%, սակայն այս ցուցանիշով պահպանելով շուկան առաջատարի իր դերը: Ապահովագրական հատուցումների ծավալը կազմել է 1.5 մլրդ դրամ, տարեկան անկումը` 19,8%: ԱՊՊԱ գծով ապահովագրական պրեմիաների մասնաբաժինն ընկերության ընդհանուր պրեմաիների կառուցվածքում կազմել է 61.7%, իսկ ԱՊՊԱ գծով ապահովագրական հատուցումները` 69.9%: Ընթացիկ տարվա առաջին կիսամյակում ընկերությունը կնքել է 56.075 պայմանագիր, իսկ գործող պայմանագրերի թիվը եռամսյակի վերջում կազմել է 137.005 պայմանագիր:
Նշենք, որ ՌՈՍԳՈՍՍՏՐԱԽ ԱՐՄԵՆԻԱ ապահովագրական փակ բաժնետիրական ընկերությունը հիմնադրվել է 2008 թ. մայիսին և գործում է Հայաստանի Հանրապետության կողմից 2008 թվականի մայիսի 20-ին տրված «ոչ կյանքի ապահովագրություն» իրականացնելու ԱՊՈ թիվ 0009 լիցենզիայի հիման վրա: Ընկերությունը մտնում է ՌՈՍԳՈՍՍՏՐԱԽ Ընկերությունների Խմբի (Ռուսաստան) մեջ: Ընկերության կանոնադրական կապիտալը կազմում է 4,5 միլիարդ դրամ: ՌՈՍԳՈՍՍՏՐԱԽ ԱՐՄԵՆԻԱ ընկերությունն ունի ամենալայն գրասենյակային ցանցը և ներկայացված է Հայաստանի Հանրապետության գրեթե բոլոր քաղաքներում, ունի հաճախորդների սպասարկման 47 գրասենյակներ, այդ թվում 18 մասնաճյուղ, 13 գրասենյակ Երևանում, և 34՝ Հայաստանի մարզկենտրոններում և խոշոր քաղաքաներում: ՌՈՍԳՈՍՍՏՐԱԽ ԱՐՄԵՆԻԱ ապահովագրական ընկերությունն առաջինը Հայաստանում ստացավ ISO 9001:2008 ստանդարտին համապատասխանության սերտիֆիկատ աշխարհահռչակ Moody International կազմակերպությունից:
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
Արժեւորվող դրամին առնչվող դրամա. արդյո՞ք երկար կտեւի. Հայկազ Ֆանյան
Հայաստանի գնաճը սոցիալական աղետ է. տնտեսագետ