Երեթշաբթի, 17 Նոյեմբերի 2015 21:23

Արմինֆո. 2015 թվականի նոյեմբերին 17-ին ՆԱՍԴԱՔ ՕԷՄԷՔՍ Արմենիայում տեղի է ունեցել «ԳԼՈԲԱԼ ԿՐԵԴԻՏ» ՈՒՎԿ ՓԲԸ դոլարային և դրամային «բոնդերի» պարտատոմսերի տեղաբաշխումը, GLBLB1 և GLBLB2 երկու թողարկումներով, որոնց ծավալները համապատասխանաբար կազմել են` 1 մլն. դոլար և 100 մլն.դրամ: Այս մասին ԱրմԻնֆո գործակալությանը տեղեկացվել է Բորսայի մամուլի ծառայությունից:

Աղբյուրի համաձայն, սակարկումների ընթացքում նշված պարտատոմնսերի նկատմամբ պահանջարկը գերազանցեց առաջարկը, իսկ միջին կշռված եկամտաբերությունն աննշան չափերով ցածր էր հայտարարվածից: Մասնավորապես, ընկերության դոլարային պարտատոմսերի ընդհանուր պահանջարկը կազմել է 1,218,089 ԱՄՆ դոլար, բայց տեղաբաժման արդյունքն արձանագրեց միլիոն դոլարից մի փոքր ավելի: Դոլարային պարտատոմսերի միջին կշռված եկամտաբերությունը ձևավորվեց 9.495% մակարդակում, իսկ կտրման եկամտաբերությունը` 9.5%, հայտարարված` 9.5% շահութաբերության պայմաններում: ՀՀ դրամով պարտատոմսերի համար պահանջարկը կազմեց 161.009 մլն. դրամ, բայց տեղաբաշխման ծավալը կազմեց 100.009 մլն.դրամ: Դրամային պարտատոմսերի միջին կշռված եկաամտաբերությունը ձևավորվեց 14.9901% մակարդակում, կտրման եկամտաբերությունը կազմեց 15%, հայտարարված`15% շահութաբերության պայմաններում: Դոլարային պարտատոմսերի շրջանառության ժամկետը կազմում է 2 տարի, իսկ դրամային պարտատոմսերինը` 1 տարի: Երկու տրանշով թողարկվել է 10 հազար-ական դոլարային և դրամային անվանական արժեկտրոնային պարտատոմսեր, յուրաքանչյուրը, համապատասխանաբար` 100 դոլար և 10000 դրամ անվանական արժեքով: Արժեկտրոնների մարումը նախատեսվում է կես տարին մեկ անգամ:

Թողարկումից և տեղաբաշխումից ներգրավված միջոցները «ԳԼՈԲԱԼ ԿՐԵԴԻՏ» ՈՒՎԿ-ն կուղղի ֆինանսական ծառայությունների ծավալների ավելացմանը, վարկային նոր պրոդուկտների մշակմանը և ներդրմանը, ինչպես նաև ընկերության աշխարհագրական ներկայության ընդլայնմանը (2015-ի հուլկիսի 1-ի դրությամբ` ընդամենը մեկ մասնաճյուղ Երևանում):

«ԳԼՈԲԱԼ ԿՐԵԴԻՏ» ՈՒՎԿ-ն Հայաստանի ունիվերսալ վարկային կազմակերպություններից առաջինն էր, որ շուկա է դուրս բերում իր սեփական կորպորատիվ պարտատոմսերը, որոնց անդերռայթերն ու մարկետմեյքերն է «Ռենեսա» ներդրումային ընկերությունը: «Ռենեսա» ընկերության գործադիր տնօրեն Վաղինակ Սարոյանը մինչև բոնդերի տեղաբաշխումն արդեն կանխատեսել էր ԱրմԻնֆո-ին, որ երկու տրանշերի պահանջարկն էլ կգերազանցի առաջարկը: Նա իր կանխատեսումը հիմնավորել էր նրանով, որ այդ արժեթղթերի 9.5% և 15% եկամտաբերությունը գերազանցում է բանկային ավանդների, համապատասխանաբար` 7.4% և 13.4% եկամտաբերությանը (2015-ի հոկտեմբերի 1-ի դրությամբ): «Բացի այդ, համեմատելով բորսայում շրջանառվող նման բաժնետոմսերի, օրինակ, Արարատբանկի դոլարային թողարկումների հետ, նույնպես տեսնում ենք 7.25%-8.5% տարբերությունը «GLOBAL CREDIT» ՈւՎԿ-ի` 9.5% դոլարային «բոնդերի» համեմատ: Բացի այդ, անհրաժեշտ է ուշադրություն դարձնել նաև հայկական եվրաբոնդերի վրա, որոնց եկամտաբերությունը կազմեց 7%»,-հավելել է Վ.Սարոյանը, նշելով նաև, որ իրականում պարտատոմսերն ավելի հեշտ է դիվերսիֆիկացնել և վերահսկել, ի տարբերություն ավանդների:

Նշենք, որ «GLOBAL CREDIT» ՈւՎԿ-ն Կենտրոնական բանկի կողմից գրանցվել է հոկտեմբերի 26-ին, «Վաշինգթոն Քափիթալ» ՈւՎԿ (գրանցվել է 2005 թ.սեպտեմբերին) և «Credit Union» ՈւՎԿ (գրանցվել է 2009 թվականի նոյեմբերին ) միաձուլման միջոցով: Հետագայում, 2014 թվականի երկրորդ եռամսյակում, «GLOBAL CREDIT» ՈւՎԿ-ին միացավ նաև GFC General Financial & Credit Company ՈւՎԿ-ն (գրանցվել է 2007-ի մայիսին):

Հիշեցնենք, որ «Ռենեսա» ընկերությունն ստեղծվել է 2001 թվականի մարտին: 2002 թվականից հանդիսանում է NASDAQ OMX Armenia ֆոնդային բորսայի անդամ: 2008 թվականի դեկտեմբերից ընկերությունը հանդիսանում է Արժեթղթերի հաշվարկային համակարգի անդամ: Ընկերության կապիտալում հավասար բաժնեմասերով մասնակցում են Էդուարդ Մարությանը և Արայիկ Կարապետյանը: 2014 թվականին «Ռենեսա» ընկերությունը ճանաչվել է Հայաստանի լավագույն ներդրումային ընկերություն: Հայկական թողարկողների կորպորատիվ պարտատոմսերի անդերռայթերի և մարկետմեյքերի դերում «Ռենեսա» ընկերոթյունը հանդես է եկել բազմաթիվ անգամ