Արմինֆո. ՎՏԲ-Հայաստան Բանկը ֆինանսավորել է «Կլուբնիչնայա պոլյանա» ՍՊԸ-ին ժամանակակից էներգախնայող ջերմոցային տնտեսության կառուցման համար:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից,
ջերմոցային տնտեսությունում կարտադրվի ելակ` ժամանակակից տեխնոլոգիաների կիրառմամբ, ինչը կապահովի բարձր պտղաբերություն և որակ: Կոտայքի մարզի Նոր Գեղի գյուղում գտնվող ջերմոցի արտադրական տարածքը զբաղեցնում 3 հա տարածություն:
Ընկերությունը կարտադրի «Ալբիոն» տեսակի ջերմոցային ելակ, որն առանձնանում է իր բարձր որակով և տեղափոխման ու պահպանման ընթացքում դիմացկունությամբ, ելակը կիրացվի հայկական շուկայում, իսկ հետագայում նախատեսվում է այն արտահանել Ռուսաստան:
«Կլուբնիչնայա պոլյանա» ընկերությունը ջերմոցի կառուցման գործընթացում համագործակցել է ոլորտի աշխարհահռչակ առաջատարներից մեկի` ֆրանսիական «Richel» ընկերության հետ, որը մասնագիտացված է տեխնոլոգիապես բարձր ջերմոցային տնտեսությունների՝ թաղանթային ջերմոցների նախագծման ու կառուցման ոլորտում և ունի աշխարհի ավելի քան 80 երկրներում աշխատելու մեծ փորձ:
«ՎՏԲ-Հայաստան Բանկը ակտիվորեն ֆինանսավորում է Հայաստանի ջերմոցային տնտեսությունները: “Կլուբնիչնայա պոլյանա” ընկերության հետ մեր փոխշահավետ համագործակցությունը կզարգանա և կընդլայնվի, ինչի համար ստեղծված են բոլոր բարենպաստ պայմանները: Հուսով եմ, ոչ հեռու ապագայում ընկերությունը կսկսի իրականացնել արտադրանքի արտահանում Մաքսային միության անդամ-երկրներ, խթանելով արտահանման զարգացումը Հայաստանում»,- ՎՏԲ-Հայաստան Բանկի Գլխավոր տնօրեն-Տնօրինության նախագահ Յուրի Գուսևը:
Ըստ ԱրմԻնֆո գործակալության` Հայաստանի բանկերի ֆինանսական վարկանիշի, ՎՏԲ-Հայաստան Բանկը շուկայի առաջատարն է ՓՄՁ վարկավորման գծով, 2015 թվականի հոկտեմբերի 1-ի դրությամբ արձանագրելով 84.6 մլրդ դրամ ցուցանիշ: Բանկի վարկային պորտֆելում այս հատվածը կազմում է ավելի քան 45%, իսկ բանկերի ընդհանուր ներդրումներում` մոտ 15%: Բանկն առաջատար դիրքերում է նաև գյուղատնտեսության և շինարարության ոլորտների, առևտրի և արդյունաբերության վարկավորման գծով: Երկրի տնտեսության վարկավորմանը բանկն ուղղել է իր վարկային պորտֆռելի մոտ 60% -ը, այդ ծավալներով ամրապնդվելոց առաջատարների հնգյակում: «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ՀԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: