Ագրոհատվածի «ձմեռային քունը» բացասականորեն անդրադարձավ երկրի տնտեսական ակտիվության վրա

Արմինֆո. Տնտեսական ակտիվությունը Հայաստանում սեպտեմբերի 9.8% աճից հետո հոկտեմբերին նվազեց 13.5%, ինչի որոշիչ գործոնը հանդիսացավ գյուղատնտեսական հատվածի «ձմեռային քունը»: 2015 թվականի հոկտեմբերին, 2014-ի հոկտեմբերի համեմատ, տնտեսական ակտիվությունն աճել է 2,7%, իսկ 2015-ի հունվար-հոկտեմբերին, 2014-ի նույն ժամանակահատվածի համեմատ` 3.5%: Մեկ տարի առաջ տնտեսական ակտիվությունը Հայաստանում ցուցադրեց նմանատիպ դինամիկա, մասնավորապես, հոկտեմբերի անկումը`14.3%, 2013-ի հոկտեմբերի համեմատ աճը` 3,7%, 2014-ի հունվար-հոկտեմբերին, 2013-ի նույն ժամանակահատվածի համեմատ աճը` 4, 2%: Համեմատության համար նշենք, որ 2013 թվականի հոկտեմբերին տնտեսական ակտիվությունը Հայաստանում նվազել է 13.1% (2012-ի հոկտեմբերի համեմատ աճել է 4,8%), 2013-ի իսկ հունվար-հոկտեմբերին, 2012-ի նույն ժամանակահատվածի համեմատ աճել է 3.4%:

Ըստ ՀՀ Ազգային վիճակագրական ծառայության նախնական տվյալների, տնտեսական ակտիվության հոկտեմբերի անկման պատճառը, հիմնականում, գյուղատնտեսության ոլորտի 31.8% անկումն էր (տարեկան կտրվածքով աճը` 13,2%): Այնուհետև, հոկտեմբերի անկման տեմպերով հաջորդում են` շինարարության ոլորտը` 4,3% (տարեկան կտրվածքով աճը` 0,3%), առևտրի ոլորտը`2,2% (տարեկան անկումը` 11,2%), էլեկտրաէներգիայի արտադրությունը` 6 9% (տարեկան անկումը`10,5%): Միևնույն ժամանակ, հոկտեմբերին աճ է արձանագրվել ծառայությունների ոլորտում` 0,8% (տարեկան կտրվածքով աճը` 5,6%) և արդյունաբերական ոլորտում` 0,4% (տարեկան աճը` 3%):

2015 թվականի հունվար-հոկտեմբերին, 2014-ի նույն ժամանակահատվածի համեմատ, ամենաբարձր աճը պահպանվում է գյուղատնտեսության ոլորտում` 11.6%, որին հաջորդում է արդյունաբերության ոլորտը`4,6% աճով: Այնուհետև հաջորդում են`  ծառայությունների ոլորտը - 2,8%, էներգետիկան - 2, 2%, շինարարության ոլորտը - 0,1%, իսկ առևտրի ոլորտում արձանագրվել է 6.4% անկում: Արդյունաբերական արտադրության ցուցանիշը 2015 թվականի հունվար-հոկտեմբերին կազմել է 99.9%, միայն հոկտեմբերին` 96,9%, իսկ 2014-ի հոկտեմբերի համեմատ`92,8%:

Ըստ վիճակագրական տվյալների, բացարձակ մեծությամբ շարունակում է առաջատարը մնալ առևտրի ոլորտը, որի ծավալները 2015 թվականի հունվար-հոկտեմբերին կազմել են 1,8 տրլն.դրամ ($ 3.8 մլրդ): Երկրորդ տեղում է արդյունաբերական արտադրանքի ծավալը`

1.1 տրլն.դրամ ($ 2.2 մլրդ): Երրորդ տեղում է ծառայությունների ոլորտը`960,1 մլրդ.դրամ (ավելի քան $ 2 մլրդ), չորրորդ տեղում է գյուղատնտեսական ոլորտը`857,7 մլրդ.դրամ ($ 1,8 մլրդ), իսկ հինգերորդն է շինարարության ոլորտը`304,3 մլրդ դրամ ($ 637.7 մլն): Էլեկտրաէներգիայի արտադրության ծավալը 2015-ի հունվար-հոկտեմբերին կազմել է 6391,5 մլն. կՎտժամ, իսկ միայն հոկտեմբերին` 619,8 մլն կՎտժամ:

Միևնույն ժամանակ, Հայաստանի արտաքին առևտրի շրջանառությունը 2015 թվականի հունվար-հոկտեմբերին կազմել է 1,8 տրլն. դրամ ($ 3.9 մլրդ), տարեկան անկումը`20,4%, իսկ ամսական աճը` 6,7%: Դրա կառուցվածքում արտահանման ծավալը ենթարկվել է տարեկան 2.2% անկման` մինչև 583,7 մլրդ.դրամ ($ 1.2 մլրդ, ամսական անկումը`0.3%), իսկ ներմուծումը նվազել է 26,6%, մինչև 1,3 տրլն դրամ ($ 2.7 մլրդ , հոկտեմբերի աճը` 9,8%): Միայն 2015 թվականի հոկտեմբերին արտաքին առևտրի շրջանառությունը կազմել է 193.9 մլրդ. դրամ ($ 443.5 մլն), մասնավորապես արտահանումը կզմել է 60.4 մլրդ. դրամ ($ 127.8 մլն), իսկ ներմուծումը`133,5 մլրդ. դրամ ($ 315.7 մլն): Մեկ տարի առաջ, 2014 թվականի հունվար-հոկտեմբերին Հայաստանի արտաքին առևտրի շրջանառության տարեկան աճը կազմել էր` 3.6% (ամսվա աճը` 5,4%), այդ թվում, արտահանման տարեկան աճը կազմել էր 2.9% (ամսվա անկումը` 1, 1%), իսկ ներմուծման ամենամյա աճը` 3,8% (ամսվա աճը` 7.7%):

ՀՀ դրամի միջին հաշվարկային փոխարժեքը ԱՄՆ դոլարի նկատմամբ 2015 թվականի հոկտեմբերին կազմել է 472.55 դրամ/դոլար, իսկ հունվար-հոկտեմբերին` 477.19 դրամ/դոլար, 2014-ի հոկտեմբերի 409.98 դրամ/դոլարի և 2014-ի հունվար-հոկտեմբերի 410.70 դրամ/դոլարի համեմատ: