Արմինֆո. ՎՏԲ-Հայաստան Բանկը ամփոփեց MasterCard միջազգային վճարային համակարգի հետ համատեղ անցկացվող Cirrus/Maestro, MasterCard Standart և MasterCard Gold քարտերի վաճառքը խթանող մոտիվացիոն ծրագրի 2-րդ փուլը, որին մասնակցում էին բանկային քարտերի վաճառք իրականացնող աշխատակակիցները:
Ինչպես ԱրմԻնֆո գործակալությանը տեղեկացվել է «ՎՏԲ-Հայաստան Բանկ» ՓԲԸ Գովազդի եւ հասարակայնության հետ կապերի բաժնից, ՎՏԲ-Հայաստան Բանկի ղեկավարությունը հերթական անգամ խրախուսեց այն աշխատակիցներին, ովքեր առավել ակտիվ էին մասնակցում աշխտանքային գործընթացին, հասնելով լավագույն արդյունքների:
Ակցիայի շրջանակներում Բանկի այն աշխատակիցները, ովքեր 2015 թ. օգոստոսի 1-ից մինչև հոկտեմբերի 30-ը ընկած ժամանակահատվածում իրականացրել են MasterCard քարտերի վաճառք, ստացան բոնուսային պարգևատրում, իսկ 20 աշխատակիցներ, ովքեր ցուցաբերել են քարտերի վաճառքի լավագույն արդյունք, մասնակցեցին խաղարկության: Դրամային մրցանակի շահող դարձավ «Ապարան» մասնաճյուղի ֆինանսական խորհրդատու Մխիթար Մխիթարյանը:
MasterCard բանկային քարտերի վաճառքը խթանող ծրագիրն իրականացվել է երկու փուլով՝ սկսած 2015 թ. մայիսից: Յուրանքանչյուր փուլի ավարտին լավագույն աշխատակիցները պարգևատրվել են, կայացել է մրցանակների խաղարկություն:
Խթանող ծրագրի արդյունքում Cirrus/Maestro, MasterCard Standart և MasterCard Gold քարտերի վաճառքը զգալիորեն աճել է:
«ՎՏԲ-Հայաստան Բանկը պարբերաբար անցկացնում է նմանատիպ խթանող ծրագրեր, որոնց շնորհիվ աճում են Բանկի աշխատակիցների մասնագիտական հմտությունները և մոտիվացիան: Մենք բարձր ենք գնահատում մեր այն գործընկերներին, ովքեր ոչ միայն մասնագիտորեն կատարում են իրենց պարտականությունները, այլև նախաձեռնող են և նպատակասլաց: ՎՏԲ-Հայաստան Բանկի զարգացումը անհնարին կլիներ առանց միասնական կոլեկտիվի, որը ձգտում է լավագույն արդյունքների: Շնորհակալություն եմ հայտնում գործընկերներիս իրականացված աշխատանքի համար և մաղթում հետագա հաջողություններ»,- նշել է «ՎՏԲ-Հայաստան Բանկ» ՓԲԸ Գլխավոր տնօրեն- Տնօրինության նախագահ Յու. Գուսևը:
Ըստ ԱրմԻնֆո գործակալության` «Հայաստանի բանկերը քարտային բիզնեսում« վերլուծական Տեղեկագրի, ՎՏԲ-Հայաստան Բանկը 2015 թվականի նոյեմբերի սկզբին թողարկել է իր հոբելյանական, 500 հազարերրորդ քարտը, ամրապնդվելով թողարկված քարտերի թվով առաջատարի իր դիրքերը: 2015 թվականի հոկտեմբերի 1-ի դրությամբ բանկի ակտիվ քարտերի թիվն աճել է 25.5%, այդ թվում, Visa քարտերի թիվը` 20.3% (այդ թվում, մոտ 92 հազար կենսաթոշակային քարտ), որով նույնպես առաջատարն է: Բանկը 2 տարի առաջ դառնալով MasterCard համակարգի անդամ, մինչև 2015 թվականի հոկտեմբերը կարողացավ թողարկել այդ համակարգի ավելի քան 25 հազար քարտ, տեղ գրավելով առաջատարների հնգյակում: Պլաստիկ գործարքների ծավալով նույնպես բանկն առաջին դիրքում է` ավելի քան 143 միլիարդ դրամ, 2015 թվականի 9 ամիսների ընթացքում, տարեկան աճը 19%: 2015 թվականի հոկտեմբերի 1-ին բանկն ուներ 267 սեփական POS- տերմինալ և 158 բանկոմատ: Մինչև 2013 թվականը ՎՏԲ-Հայաստան Բանկը թողարկում և սպասարկում էր միայն միջազգային visa քարտեր, իսկ նույն տարվա սեպտեմբերին, դառնալով MasterCard Worldwide միջազգային վճարային համակարգի լիիրավ անդամ, ձեռնամուխ եղավ Cirrus/Maestro, MasterCard Standard և MasterCard Gold քարտերի թողարկմանն ու սպասարկմանը: Դրանից բացի բանկը նաև սպասարկում է տեղական ArCa քարտերը: Բանկն ունի իր սեփական պրոցեսինգը: ՎՏԲ-Հայաստան Բանկը VISA International և MasterCard Worldwide միջազգային վճարային համակարգերի լիիրավ անդամ է:
Նշենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ՀԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկայումս բանկն ունի մասնաճյուղային ամենալայն ցանցը Հայաստանում` 67 մասնաճյուղ: