Արմինֆո. ԱՄՆ դոլարի նկատմամբ ՀՀ դրամի արժեզրկումը 2015 թվականի հունվար-նոյեմբերին կազմել է 3,6%, սպառողական գների 1,8% գնանկման պայմաններում (2014 –ի հունվար-նոյեմբերին դոլարի նկատմամբ դրամի 3.7% արժեզրկման և սպառողական գների 1.5% գնանկման պայմաններում): Միայն 2015 թվականի նոյեմբերին, երբ դրամի արժեզրկումը դոլարի նկատմամբ կազմեց 1,6%, սպառողական գներն աճեցին 0.6%, իսկ տարեկան կտրվածքով դրամի 14,2% արժեզրկումը դոլարի նկատմամբ ուղեկցվել է սպառողական գների 1.2% աճով: Ինչպես ԱրմԻնֆո գործակալությանը տեղեկացվել է ՀՀ Ազգային վիճակագրական ծառայությունից, 2015 թվականի նոյեմբերին միջին հաշվարկային փոխարժեքը կազմել է 480.1 դրամ / դոլար, 2014 թվականի նոյեմբերի 420.5 դրամ / դոլարի և 2013-ի 405.0 դրամ /դոլարի համեմատ: Համեմատության համար նշենք, որ 2014 թվականի նոյեմբերին արձանագրվել էր դոլարի նկատմամբ դրամի 2.2% արժեզրկում, տարեկան արժեզրկումը` 3.5%: Իսկ մեկ տարի առաջ, 2013-ի հունվար-նոյեմբերին դիտվել էր դոլարի նկատմամբ դրամի 0,1% ամրապնդում, իսկ միայն նոյեմբերին` 0.2%, տարեկան ամրապնդումը` 0.5%:
Ըստ աղբյուրի, սպառողական շուկայում 2015 թվականի հունվար-նոյեմբերին, 2014-ի նույն ժամանակահատվածի համեմատ, սպառողական շուկայում արձանագրվել է 4.1% գնաճ: Դրանից մեկ տարի առաջ, 2014 թվականի նոյեմբերին սպառողական շուկան արձանագրեց 1.3% գնաճ (տարեկան գնաճը` 2.6%), 2014-ի հունվար-նոյեմբերին`1.5% գնաճ: 2013-ի հունվար-նոյեմբերին, երբ գնաճը կազմեց 4.5%, դրամի արժևորումը դոլարի նկատմամբ կազմեց 0.1%, միայն նոյեմբերին սպառողական գների 0.9% աճն ուղեկցվեց դոլարի նկատամբ դրամի 0.2% արժևորումով: 2012-ի հունվար-նոյեմբերին գնաճը կազմել է 1.1%, իսկ դրամի արժեզրկումը դոլարի նկատմամբ` 6,3%, միայն 2012-ի նոյեմբերին սպառողական գների աճը կազմել է 1.4%, որն ուղեկցվել է դո%արի նկատմամբ դրամի 0.1% արժեզրկմամբ, երբ 2011-ի հունվար-նոյեմբերին գնաճը կազմել էր 2.1%, իսկ դրամի արժեզրկումը դոլարի նկատամբ`6,2% (միայն 2011-ի նոյեմբերի գնաճը` 1.2%, դրամի արժեզրկումը դոլարի նկատմամբ`1.6%):
Հիշեցնենք, որ 2014 թվականի հոկտեմբեր-դեկտեմբերին դրամ դոլարի նկատմամբ արժեզրկվել էր 45%, ընդ որում, գագաթնակետը տեղի էր ունեցել դեկտեմբերի 17-ին` 570 դրամ / դոլար: Ընդհանուր առմամբ, 2014 թ. դրամի արժեզրկումը կազմել է 40% (նվազագույն մակարդակը` հունիսին, առավելագույնը` դեկտեմբերին): Դրամի նախորդ կտրուկ արժեզրկումը տեղի ունեցավ 2009 թվականին (մարտի 3-ին` 22%): Եվ եթե այդ ժամանակ պատճառը ՀՀ Կենտրոնական բանկի կողմից լողացող փոխարժեքի քաղաքականությանը վերադառնալն էր, ապա 2014 թվականին դա տեղի ունեցավ արտաքին գործոնների ազդեցության, մասնավորապես, ռուսական ռուբլու փլուզման, մասնավոր տրանսֆերտների ծավալների կտրուկ կրճատման, արտահանման անկման, ներմուծման ծավալների կրճատման, տնտեսական աճի զգալի դանդաղեցման ներքո: 2013 թվականին դրամի արժևորումը դոլարի նկատմամբ կազմեէ 0,1%, գնաճը` 5,6%, միայն դեկտեմբերին դրամն արժեզրկվեց 0.1%, գնաճը կազմեց 1,1%: 2012 թվականին դրամի արժեզրկումը դոլարի նկատմամբ կազմել էր 5,9%, գնաճը`3,2%, իսկ միայն դեկտեմբերին դրամի արժևորումը կազմել էր 0,3%, իսկ սպառողական գների աճը` 2.1%: