Արմինֆո. Համաշխարհային բանկի տնօրենների խորհուրդը երեկ երեկոյան որոշում է կայացրել զբոսաշրջության և զբոսաշրջային ենթակառուցվածքի զարգացման նպատակով Հայաստանին 55 մլն դոլար տրամադրելու վերաբերյալ: Այսօր Երևանում ՀԲ գրասենյակում կայացած մամուլի ասուլիսում Համաշխարհային բանկի հայաստանյան գրասենյակի ղեկավար Լորա Բեյլին նշել է, որ ծրագրի ընդհանուր արժեքը կկազի 68 մլն դոլար, որից 13-ն իր վրա կվերցնի Հայաստանի կառավարությունը` որպես համաֆինանսավորող, իսկ 55 մլն դոլար կտրամադրի ՀԲ խմբում ընդգրկված Վերակառուցման և զարգացման միջազգային բանկը:
Նրա ասելով, ծրագիրը նախատեսված է 5 տարվա համար և նպատակ ունի կրճատել Հայաստանի մայրաքաղաք Երևանի և մարզերի տնտեսական զարգացման զգալի տարբերությունը` զբոսաշրջության և զբոսաշրջային ենթակառուցվածքի զարգացման օգնությամբ: «Մենք ակնկալում ենք, որ ծրագրի իրագործման արդյունքում մարզերում էապես կավելանա ոչ մեծ հյուրանոցների և մասնավոր հատվածի տեղերի թիվը` 3 հազար մահճակալ, 15%-ով կավելանան զբոսաշրջության եկամուտները մարզերում, իսկ զբոսաշրջության և հյուրասիրության ոլորտին առնչվող փորք և միջին ձեռնարկությունների թիվը ներկայիս 1.8 հազարից կավելանա մինչև 9 հազարե, - ընդգծել է նա: ՀԲ մասնագետների հաշվարկների համաձայն, դա կլինի համալիր ծրագիր, որը կներառի ՅՈՒՆԵՍԿՕ-ի ժառանգության մեջ ներառված պատմական հուշարձանների մասնակի վերականգնման և կոնսերվացման աշխատանքներ` մինչև ճանապարհների, ավտոկանգառների և այլ ենթակառուցվածքի շինարարություն: Նախագծի իրագործման հիմնական հայեցակարգը տեղի բնակչության գործուն ներգրավմամբ խնդրի լուծման ինտեգրված մոտեցումն է, ինչի առնչությամբ ծրագրի կարևոր բաղադրիչներից մեկը կլինի խորհրդատվական աջակցությունը բնակչությանը և իշխանության տեղական մարմիններին` զբոսաշրջության բնագավառի կառավարման մասնագիտական հմտությունների զարգացման նպատակով: Սակայն ամենաթանկարժեք բաղադրիչը կլինեն կապիտալ ներդրումները ենթակառուցվածքներում` ճանապարհների, կագնառների կառուցում, պատմամշակութային ժառանգության հուշարձանների մասնակի վերականգնում և կոնսերվացում, ինչի համար կծախսվի 48 մլն դոլար: Եվս մեկ բաղադրիչ կլինի երթուղային զբոսաշրջության ցանի զարգացումը, որը, վերջին հաշվով, թույլ կտա ավելացնել տեղի բնակչության եկամուտները զբոսաշրջությունից, ինչին կարելի է հասնել աջակցելով այնպիսի հարցերի, ինչպես` մարզերում մարդ-մահճակալների ավելացումը: Որպես նման ծրագրի իրագործման լավ օրինակ Լորա Բեյլին նշել է Վրաստանում իրագործված Կախեթի տարածաշրջանում զբոսաշրջության զարգացման ծրագիրը: «Յուրաքանչյուր նման ծրագիր նպաստում է նոր հնարավորությունների և ենթակառուցվածքների ստեղծմանը պատմամշակութային ժառանգության հուշարձաններին հարող տարածքներում` զբոսաշրջության զարգացման համարե, - նշել է նա: Ծրագիրը կընդգրկի Հայաստանի ողջ տարածքը, հատուկ ուշադրություն կդարձվի Երևանից հեռու գտնվող Զանգեզուրի և Լոռու շրջաններին, որտեղ անմխիթար վիճակում են այպիսի եզակի հուշարձաններ, ինչպես` Սանահինի, Հախպատի և այլ վանքներ: Մեծ աշխատանք կիրականացվի Գառնիի և Գեղարդի զբոսաշրջային ենթակառուցվածքների զարգացման շուրջ:
Նշենք, որ Հայաստանում ավելի համեստ միջոցներով զբոսաշրջության զարգացման համանման ծրագիր են մտադիր իրագործել ամերիկյան Սմիթսոնի ինստիտուտի հաստատությունները, ինչպես նաև ՄԱԿ զարգացման ծրագիրը: Որպես մասնավոր նախաձեռնություն երկրում այդ ուղղությամբ ակտիվորեն գործում է «Հայաստանի զարգացման նախաձեռնություններե հիմնադրամը, որն իրագործել է Տաթևի վանքի վերականգնման ծրագիրը` աշխարհի ամենաերկար «Տաթևերե ճոպանուղու կառուցման և Դիլիջանում զբոսաշրջության ժամանակակից ենթակառուցվածքի ստեղծման բաղադրիչով: