Արմինֆո. Ամերիաբանկի գլխամասային գրասենյակում ս.թ. դեկտեմբերի 29-ին տեղի ունեցավ «ԱրմենիանՔարդ» ՓԲԸ-ի և MasterCard ընկերության կողմից տրամադրված պլանշետների խաղարկությունը, որի արդյունքում 66 քարտապաններից 38-ն արժանացել է պլանշետների:
Ինչպես նշել է Ամերիաբանկի Տնօրինության անդամ, Մանրածախ գործառնությունների գծով տնօրեն Արման Բարսեղյանը, խաղարկությանը մասնակցել են Ամերիաբանկի այն քարտապանները, որոնք ս. թ. հոկտեմբերի 15-ից մինչև դեկտեմբերի 15-ը MasterCard և Maestro քարտերով կատարել են 30 և ավել անկանխիկ գործարք` 300,000 և ավել ՀՀ դրամի կամ համարժեք արտարժույթի չափով (բացառությամբ առցանց վճարումների): Վիճակահանության արդյունքում արկղից հանվեցին հետևյալ համարները`33, 54, 46, 58, 7, 13, 23, 32, 53, 61, 31, 42, 51, 60, 4, 12, 22, 1, 11, 21, 30, 41, 50, 18, 24, 14, 44, 34, 25, 16, 47, 39, 26, 15, 49, 29, 28, 27:
Հաղթողները կարող են ստանալ իրենց մրցանակները՝ այցելելով Ամերիաբանկի գլխամասային գրասենյակ ս.թ. դեկտեմբերի 29-ից մինչև 2016թ.-ի հունվարի 25-ը ներառյալ` աշխատանքային օրերին: 2016թ.-ի հունվարի 25-ից հետո մրցանակը հնարավոր չէ ստանալ:
Հիշեցնենք, որ «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Ամերիաբանկի միակ սեփականատերն է Америя Групп CY Ltd-ն: 2015 թվականի մայիսին «Fitch» միջազգային վարկանշային հեղինակավոր կազմակերպությունն Ամերիաբանկին շնորհեց Արտարժույթով երկարաժամկետ պարտավորություններ թողարկողի (B պլյուս) վարկանիշ` բացասական հեռանկարով (Long-term Issuer Default Rating (IDR)), հաշվի առնելով տարածաշրջանի տնտեսական զարգացումները, ինչը համաշխարհային պրակտիկայում բարձր գնահատական է համարվում:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |