Հայաստանի մասնավոր հատվածում ՎԶԵԲ պորտֆելի ծավալը տարեկան կտրվածքով աճել է 14.7%, կազմելով 295 մլն եվրո

Արմինֆո. Հայաստանի մասնավոր հատվածում ՎԶԵԲ պորտֆելի ծավալը տարեկան կտրվածքով աճել է 14.7%, 2015 թվականի հոկտեմբերի 31-ին կազմելով 295 մլն եվրո, նախորդ տարվա 257,2 մլն եվրոյի փոխարեն: Այս մասին է ասվում ՎԶԵԲ պաշտոնական ռազմավարության մեջ, որը հաստատվել է ՎԶԵԲ տնօրենների խորհրդի կողմից, 2015 թվականի նոյեմբերի 25-ին:

Ըստ ԱրմԻնֆո գործակալությանը տրամադրված տվյալների, 2015 թվականի 10 ամիսների կտրվածքով ՎԶԵԲ-ը կարողացել է իրականացնել 56 ծրագիր, ինչը նույնպես խոսում է նախորդ տարվա համեմատ դրանց 27% քանակական աճի մասին: Առյուծի բաժինը, իսկ տոկոսային արտահայտությամբ` 49%-ը, բաժին է ընկնում ֆինանսական հաստատություններին, որոնք Եվրոբանկին ապահովել են 143 մլն. եվրոյի եկամուտ, որից 131 մլն.եվրոն կազմում է բանկային վարկավորումը, 72 մլն եվրոն` տրանսպորտի, շրջակա միջավայրի պահպանության և ենթակառուցվածքների բարելավման 9 ծրագրերը:

Ընդհանուր առմամբ, ենթակառուցվածքներին ուղղված ծրագրերը կազմել են ընդհանուր պորտֆելի 24%-ը: 51 մլն., կամ 17% բաժին է ընկնում էներգետիկ ոլորտին, որից 39 մլն. եվրոն` էլեկտրաէներգիայի և էներգետիկայի ոլորտի ծրագրերին, իսկ 13 մլն եվրոն` բնական պաշարների օգտագործմանը: Ամենացածր մասնաբաժինը կազմում է արդյունաբերության, առևտրի և գործարար ոլորտների ծրագրերը` 10%: Դրամական առումով, ըստ տվյալների, Բանկի շահույթը կազմել է 30 մլն. եվրո, ինչը հիմնականում պայմանավորված է եղել ագրոբիզնեսի և արտադրության ծրագրերով: Ըստ ՎԶԵԲ նոր հաստատված ռազմավարության, Բանկը սահմանել է այն հիմնական ոլորտները, որոնք, կապահովեն առանցքային հնարավորությունները Հայաստանում խոշորամասշտաբ տնտեսության ստեղծման ուղղությամբ, նվազագույնի հասցնելով խոցելիությունն արտաքին մարտահրավերների նկատմամբ, ապահովելով կայուն տնտեսական աճ:

Բանկի ռազմավարական ուղենիշներն ուղղված են մասնավոր հատվածի մրցունակության խթանմանը, ինչը ներդրումների ներհոսք կապահովի երկրի փոքր և խոշոր տնտեսություններին: Այս նպատակով բանկը մտադիր է բարձրացնել մատչելիությունը ֆինանսական գործիքների նկատմամբ` վարկային գծերի միջոցով, մասնավորապես, ՓՄՁ համար, շարունակելով օպտիմալացնել նրանց գործունեության դաշտը:

Հաջորդ ուղղությունը կապիտալի շուկայի զարգացումն է և տեղական արժույթով ֆինանսավորման խթանումը: Թափանցիկության բարձրացումով կորպորատիվ հատվածում Բանկը վստահ է, որ այս քաղաքականությունը կնպաստի ներդրումների ներգրավմանը: Կապիտալի շուկայի զարգացումը, հատկապես կենսաթոշակային բարեփոխումների համատեքստում, ևս մեկ կարևոր տարր է, որ կարող է ֆինանսական հատվածում ստեղծել լուրջ այլընտրանք` ավանդական բանկային վարկավորմանը: Ըստ ռազմավարության, Բանկը գտնում է, որ ՀՀ կառավարությունը պետք է ընդլայնի կենսաթոշակային բարեփոխումները, իսկ կենսաթոշակային հիմնադրամի ներդրումների մեծ մասը պետք է ուղղվի ներքին շուկային, ընդ որում` ազգային արժույթով: Այդ ծրագրի հաջողությունը կախված կլինի կապիտալի շուկայում առկա առողջ առաջարկից, որը պետք է գրավիչ լինի ներդրողներին, ինչն էլ, իր հերթին, կնպաստի իրացվելիության ապահովմանը: Այս դրույթը, որպես հետևանք, կարող է բարենպաստ պայմաններ ստեղծել նոր խոշոր մասնակիցներով շուկա դուրս գալու համար, ապահովելով օտարերկրյա ուղղակի ներդրումների (ՕՈՒՆ) մեծ ներհոսքեր, ինչպես նաև ծառայելով հեջացման գործիքների ձևավորմանը, հուսալի դրամական շուկայի հետ մեկտեղ:

Ըստ ռազմավարության, Բանկը մտադիր է շարունակել իրականացնել ենթակառուցվածքային ծրագրերն էներգետիկայի, տրանսպորտի, կոմունալ ծառայությունների և մունիցիպալ ենթակառուցվածքների ոլորտում, նպաստելով դրանց արդիականացմանը: Այս համատեքստում, Բանկը մտադիր է խթանել մասնավոր հատվածի մասնակցությանը հանրային ծառայությունների մատուցման ոլորտում: ՎԶԵԲ-ի ռազմավարությունը վճռականորեն աջակցում է Հայաստանի նպատակներին, ուղղված է ինտեգրմանը, բայց ներդրումային ակտիվությունը կախված կլինի այդ ուղղությամբ

Հայաստանի հետագծած ճանապարհի որակից և տեմպերից: Բանկը մտադիր է իր կողմից իրականացվող ծրագրերի իրականացման ռիսկերը մեղմել հաճախորդների ակտիվ ներգրավվածության, միջազգային ֆինանսական կառույցների գործընկերների և ՀՀ կառավարության միջոցով:

Հիշեցնենք, որ ՎԶԵԲ նախորդ ռազմավարությունն ուղղված էր ֆինանսական հատվածի զարգացմանը, ֆինանսական ռեսուրսների մատչելիությանը և արդյունաբերական ձեռնարկությունների` արտաքին շուկաներ դուրս գալուն, ինչպես նաև տեղական և քաղաքային տրանսպորտի ենթակառուցվածքների օպտիմալացմանը, ագրոբիզնեսի, էներգետիկայի և հանքարդյունաբերության ոլորտների զարգացմանը: Հակառակ բոլոր մարտահրավերներին, Բանկը կարողացել է իրականացնել 44 ծրագիր` 257,2 մլն եվրո ընդհանուր գումարով, Հայաստանի տնտեսությունում իր կուտակված խնայողություններն ավելացնելով մինչև 876,7 մլն եվրո` 137 ծրագրերի իրականացման միջոցով: