Արմինֆո. 2015թ.-ին ՎԶԵԲ-ը ռեկորդային ծավալի ծրագրեր է ֆինանսավորել Հայաստանում` ցուցաբերելով ուժեղ աջակցություն երկրի տնտեսությանը բարդ տնտեսական միջավայրում, որի վրա բացասաբար է ազդել տարածաշրջանային ճգնաժամը: ՎԶԵԲ-ը ֆինանսավորել է 14 ծրագիր, և այս տարվա ընդհանուր ներդրումները կազմում են 140 մլն ԱՄՆ դոլար՝ Հայաստանում Բանկի գործունեության 24 տարիների ընթացքում աննախադեպ մակարդակ, որը հստակ վկայում է թե՛ երկրում ներդրումային հնարավորությունների և թե՛ ՎԶԵԲ-ի ֆինանսավորման բարձր պահանջարկի մասին: 1992թ. Հայաստանի Հանրապետությունում իր գործունեության մեկնարկից ի վեր ՎԶԵԲ-ը ներդրել է ավելի քան 1.13 մլրդ ԱՄՆ դոլար 148 ծրագրերում երկրի ֆինանսական, կորպորատիվ, ենթակառուցվածքների և էներգետիկայի ոլորտներում, ընդ որում այդ ներդրումների 88 տոկոսն արվել է մասնավոր հատվածում:
Աղբյուրի համաձայն, ՎԶԵԲ-ի ներդրումային գործունեությունը ամենաուժեղն էր ֆինանսական հաստատությունների, տրանսպորտի, համայնքային ենթակառուցվածքների, արդյունաբերության, առևտրի և ագրոբիզնեսի ոլորտներում: ՎԶԵԲ-ն ունեցել է ևս մեկ ուշագրավ տարի բանկերի հետ համագործակցության ոլորտում՝ առևտրի ֆինանսավորում տրամադրելով Հայաստանի կորպորատիվ հատվածին: Իր ռազմավարությանը համահունչ, ՎԶԵԲ-ն աջակցել է տեղական բանկային ոլորտին՝ բարձրացնելով տեղական արժույթով ֆինանսավորման մակարդակը և օգնելով կապիտալի շուկաների հետագա զարգացմանը, աջակցել է նաև ոլորտի կանսոլիդացիային:
«Հայաստանի համար ավելի շատ ֆինանսական ռեսուրսներ ներգրավելու՝ ՎԶԵԲ-ի ունակությունը վկայում է մեր հաճախորդների բանկայնության և Հայաստանում ընդհանուր ներդրումային միջավայրի մասին: Դժվարին արտաքին միջավայրում մենք հետևողականորեն կենտրոնանում ենք ռեսուրսների հատկացման նորարարական և ռազմավարական եղանակների վրա, որոնք հավելյալ արժեք ունեն մեր ներդրումային գործընկերների և բարձր որակի բիզնեսների համար: ՎԶԵԲ-ը հետևողականորեն ապացուցել է իր՝ կայուն գործընկեր լինելը՚,- նշել է ՎԶԵԲ-ի երևանյան գրասենյակի ղեկավար Մարկ Դեյվիսը:
2015թ.-ին ՎԶԵԲ-ը նաև հրատարակել է Հայաստանի գծով նոր՝ քառամյա ռազմավարություն, որը նպատակ ունի բարձրացնել մասնավոր հատվածի մրցունակությունը, զարգացնել կապիտալի շուկաները և տեղական արժույթով ֆինանսավորումը, շարունակել զարգացնել ենթակառուցվածքները և առևտրականացնել հանրային ծառայությունների տրամադրումը:
«Թեև 2016թ.-ը, ամենայն հավանականությամբ, դժվար տարի է լինելու, ես մի շարք նոր հնարավորություններ եմ տեսնում Հայաստանում մեր հաճախորդների բազայի մեծացման առումով, իսկ մի քանի գործարքների հեռանկարներ արդեն իսկ հասունացման փուլում են: Ընդհանուր առմամբ, ես լավատես եմ, հատկապես կապիտալի շուկայի զարգացման և մասնավոր կապիտալում ներդրումային գործունեության ընդլայնման առումով: Միևնույն ժամանակ մենք շատ գոհ ենք մեր գործընկերների, այդ թվում կորպորատիվ հաճախորդների, պետական մարմինների և դոնորների աշխատանքից. նրանք բոլորը օգնեցին 2015թ. արդյունավետ տարի դարձնել՚, - հայտարարել է Դեյվիսը:
Բանկի ռազմավարական ուղենիշներն ուղղված են մասնավոր հատվածի մրցունակության խթանմանը, ինչը ներդրումների ներհոսք կապահովի երկրի փոքր և խոշոր տնտեսություններին: Այս նպատակով բանկը մտադիր է բարձրացնել մատչելիությունը ֆինանսական գործիքների նկատմամբ` վարկային գծերի միջոցով, մասնավորապես, ՓՄՁ համար, շարունակելով օպտիմալացնել նրանց գործունեության դաշտը: Հաջորդ ուղղությունը կապիտալի շուկայի զարգացումն է և տեղական արժույթով ֆինանսավորման խթանումը: Թափանցիկության բարձրացումով կորպորատիվ հատվածում Բանկը վստահ է, որ այս քաղաքականությունը կնպաստի ներդրումների ներգրավմանը: Կապիտալի շուկայի զարգացումը, հատկապես կենսաթոշակային բարեփոխումների համատեքստում, ևս մեկ կարևոր տարր է, որ կարող է ֆինանսական հատվածում ստեղծել լուրջ այլընտրանք` ավանդական բանկային վարկավորմանը: Ըստ ռազմավարության, Բանկը գտնում է, որ ՀՀ կառավարությունը պետք է ընդլայնի կենսաթոշակային բարեփոխումները, իսկ կենսաթոշակային հիմնադրամի ներդրումների մեծ մասը պետք է ուղղվի ներքին շուկային, ընդ որում` ազգային արժույթով: Այդ ծրագրի հաջողությունը կախված կլինի կապիտալի շուկայում առկա առողջ առաջարկից, որը պետք է գրավիչ լինի ներդրողներին, ինչն էլ, իր հերթին, կնպաստի իրացվելիության ապահովմանը: Այս դրույթը, որպես հետևանք, կարող է բարենպաստ պայմաններ ստեղծել նոր խոշոր մասնակիցներով շուկա դուրս գալու համար, ապահովելով օտարերկրյա ուղղակի ներդրումների (ՕՈՒՆ) մեծ ներհոսքեր, ինչպես նաև ծառայելով հեջացման գործիքների ձևավորմանը, հուսալի դրամական շուկայի հետ մեկտեղ:
ՎԶԵԲ-ի ռազմավարությունը վճռականորեն աջակցում է Հայաստանի նպատակներին, ուղղված է ինտեգրմանը, բայց ներդրումային ակտիվությունը կախված կլինի այդ ուղղությամբ Հայաստանի հետագծած ճանապարհի որակից և տեմպերից: Բանկը մտադիր է իր կողմից իրականացվող ծրագրերի իրականացման ռիսկերը մեղմել հաճախորդների ակտիվ ներգրավվածության, միջազգային ֆինանսական կառույցների գործընկերների և ՀՀ կառավարության միջոցով:
Տեղեկատվական անվտանգության փորձագետը թվարկել է Հայաստանի պետական համակարգում ԱԲ ներդրման հնարավոր ռիսկերը ՝ անվտանգության մեխանիզմների բացակայության պայմաններում
Փորձագետ․ Հայաստանը տարիներ շարունակ նավթամթերք է ներկրում Թուրքիայից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները