Արմինֆո. Կենտրոնական բանկը շարունակում է իր միջամտություններով հարթել արտարժույթի փոխարժեքը: Այսպես, ընթացկ շաբաթ ԿԲ միջամտույթունը կատարվեց ուրբաթ օրը, գլխավոր բանկը միջբանկային շուկա «նետեց» 32.4 մլն.դոլար: Արդյունքում, հունվարի առաջին տասնօրյակում դոլարի նկատմամբ 482 դրամից մինչև 486 դրամ/դոլար արժեզրկվող ՀՀ դրամը հունվարի 15-ին, ԿԲ միջամտության շնորհիվ, ընդհատեց վայրեջքը, կանգ առնելով 485 դրամ/դոլար մակարդակում:
Ըստ շուկայի անկախ փորձագետների, Ռուսաստանի ֆինանսատնտեսական ճգնաժամի, նավթի գների անկման և հատկապես մետաղական հումքի անկման պայմաններում, որոնք հանդիսանում են Հայաստանի արտահանումային հիմնական ապրանքներից մեկը, ՀՀ դրամը 2016 թվականի վերջին կարող է թուլանալ և հասնել 540-550 դրամ/դոլար մակարդակին:
Ինչպես ԱրմԻնֆո-ին հաղորդեցին ՀՀ ԿԲ մամուլի ծառայությունից, հունվարի 11-15-ը ներառյալ NASDAQ OMX Armenia բորսան չի գործել: Իսկ արտարժույթի միջբանկային շուկան ողջ շաբաթ աշխատել է, ընդ որում, ավելի կտիվ էր երեքշաբթի և չորեքշաբթի օրերին, իսկ ուրբաթ օրը ԿԲ-ի կուլմինացիոն և ծանրակշիռ միջամտությունը (32.4 մլն.դոլար) շաբաթվա համար ապահովեց 36.7 մլն.դոլարի ծավալ, իսկ միջին փոխարժեքը կազմեց 482.78 դրամ/դոլար: Նշենք, որ սա ԿԲ առաջին խոշոր մկջամտությունն էր 2016 թվականին: Իսկ ԿԲ նախկին խոշոր միջամտություների տեղի էին ունեցել հոկտեմբերի 2-ին` մոտ 6 մլն դոլար, սեպտեմբերի 19-ին`22.2 մլն դոլար և օգոստոսի 28-ին`95 մլն դոլար:
Աղբյուրի համաձայն, արտարժույթի ներբանկային շուկայում (գործարքներ հաճախորդների հետ) հունվարի 11-15-ը բանկերը գնել են 57.7 մլն դոլար (շաբաթվա անկումը`57%), 483.47 դրամ/ դոլար միջին փոխարժեքով, և վաճառվել է 91.4 մլն դոլար (շաբաթվա անկումը` 33%), 485.54 դրամ/ դոլար միջին փոխարժեքով: Նույն ժամանակահատվածում արտարժույթի ներբանկային շուկայում բանկերը գնել են 6.6 մլն եվրո (շաբաթվա անկումը` 51%), 524.20 դրամ/ եվրո միջին փոխարժեքով, և վաճառել է 14.8 մլն եվրո (շաբաթվա անկումը`21%), 529.55 դրամ/ եվրո միջին փոխարժեքով: Բանկերը գնել են նաև 1.1 մլրդ ռուբլի (շաբաթվա անկումը`15.4%), 6.33 դրամ/ ռուբլի միջին փոխարժեքով, և վաճառվել է 443.5 մլն ռուբլի (շաբաթվա անկումը` 23%), 6.40 դրամ/1 ռուբլի միջին փոխարժեքով:
Նախորդ շաբաթ (դեկտեմբերի 21-ից հունվարի 10-ը) Հայաստանի բանկերը տրամադրել են 140.4 մլրդ դրամի և 92.1 մլն դոլարի վարկեր: Դրան նախորդ շաբաթվա համեմատ (դեկտեմբերի 14-20-ը), դրամով տրամադրված վարկերի ծավալը աճել`3 անգամ, իսկ դոլարով տրամադրված վարկերի ծավալը` 2 անգամ:
Հիշեցնենք, որ 2015 թվականի 11 ամիսներին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 483 դրամ/դոլար մակարդակ, եվրոյի նկատմամբ` 571,5-ից մինչև 512 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 7.4 դրամ/ռուբլի մակարդակ: Դեկտեմբերին շարունակվող դեվալվացիոն միտումները դրամը դոլարի նկատմամբ թուլացրին, դեկտեմբերի 11-ին դրամը հասցրեցին 485 դրամ/դոլար մակարդակ, եվրոն` 530 դրամ / եվրո, իսկ ռուսական ռուբլին` 7.1 դրամ/ռուբլի մակարդակ: Բայց դեկտեմբերի 14-28-ը ԿԲ գրեթե ամենօրյա միջամտությունները դրամն ամրապնդեցին դոլարի նկատմամբ 482 դրամ/դոլար մակարդակում, եվրոյի նկատմամբ ` 529 դրամ/եվրո մակարդակում, իսկ ռուսական ռուբու նկատմամբ ` 6.9 դրամ/ռուբլի մակարդակում: Դրամի արժեզրկման տրամադրությունները դիտվում են երկրի արտաքին առևտրի շրջանառության անկմանը զուգահեռ (մոտ 20%), այդ թվում, ներմուծումը կրճատվել է մոտ 27%, արտահանումը` մոտ 2%, իսկ դեպի Հայաստան դրամական փոխանցումների ներհոսքը կրճատվել է ավելի քան 30%: Ինչը տեղի է ունենում բնակչության առանց այն էլ ցածր վճարունակության և երկրում առկա տնտեսական ցածր ակտիվության պայմաններում: 2016 թվականի առաջին կեսին Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ արժեզրկվել է մինչև 485 դրամ/դոլար մակարդակ, եվրոյի նկատմամբ` մինչև 530 դրամ/եվրո մակարդակ, իսկ ռուբլու նկատմամբ ամրապնդվել է` մինչև 6.4 դրամ/ռուբլի մակարդակ: