Շաբաթ, 23 Հունվարի 2016 13:49

Արմինֆո. ՀՀ Կենտրոնական բանկը շարունակում է շաբաթական միջամտություններով հարթել դրամի արժեզրկումը: Այսպես, ընթացիկ շաբաթ ԿԲ համեմատաբար խոշոր միջամտությունը կատարվեց հինգշաբթի օրը-մոտ 5 մլն. դոլար արտարժույթի միջբանկային շուկայում: Արդյունքում, հունվարի առաջին տասնօրյակում դոլարի նկատմամբ 482 դրամից մինչև 486 դրամ/դոլար արժեզրկվող ՀՀ դրամը այդ մակարդակում մնալով հաջորդ երեք օրերում, հունվարի 19-ին կրկին սկսեց արժեզրկվել, ինչը հարթելու նպատակով ԿԲ ստիպված էր հունվարի 21-ին կրկին կատարել հերթական միջամտությունը, ինչի շնորհիվ հունվարի 22-ին դրամն անցավ 487 դրամ/դոլարի մակարդակը (նախորդ տարվա 473-ի փոխարեն):

Ըստ շուկայի անկախ փորձագետների, Ռուսաստանի ֆինանսատնտեսական ճգնաժամի խորացման, նավթի գների անկման և հատկապես մետաղական հումքի գների անկման պայմաններում, որոնք հանդիսանում են Հայաստանի արտահանումային հիմնական ապրանքներից մեկը, ՀՀ դրամը 2016 թվականի վերջին կարող է դոլարի նկատմամբ թուլանալ և հասնել 540-550 դրամ/դոլար մակարդակին:

Ինչպես ԱրմԻնֆո-ին հաղորդեցին ՀՀ ԿԲ մամուլի ծառայությունից, հունվարի 18-22-ը ներառյալ NASDAQ OMX Armenia բորսան չի գործել: Իսկ արտարժույթի միջբանկային շուկան ողջ շաբաթ աշխատել է, ընդ որում, ավելի ակտիվ էր հինգշաբթի օրը (5.350 մլն. դոլար), և, ամենայն հավանականությամբ, ԿԲ միջամտությամբ, ինչն ապահովեց շաբաթական 9.1 մլն.դոլար ծավալ, իսկ միջին փոխարժեքը կազմեց 486.91 դրամ/դոլար: Նշենք, որ ԿԲ առաջին խոշոր միջամտությունը տեղի է ունեցավ 2016 թվականի հունվարի 15-ին – 32.4 մլն.դոլար, իսկ նախկին խոշոր միջամտություների տեղի էին ունեցել 2015 թվականի օգոստոսի 28-ին`95 մլն դոլար, սեպտեմբերի 19-ին`22.2 մլն դոլար և հոկտեմբերի 2-ին` մոտ 6 մլն դոլար:

Աղբյուրի համաձայն, արտարժույթի ներբանկային շուկայում (գործարքներ հաճախորդների հետ) հունվարի 18-22-ը բանկերը գնել են 67.9 մլն դոլար (շաբաթվա աճը`17%), 484.81 դրամ/ դոլար միջին փոխարժեքով, և վաճառվել է 74.1 մլն դոլար (շաբաթվա անկումը` 18.7%), 487.29 դրամ/ դոլար միջին փոխարժեքով: Նույն ժամանակահատվածում արտարժույթի ներբանկային շուկայում բանկերը գնել են 11.4 մլն եվրո (շաբաթվա աճը` 72%), 526.19 դրամ/ եվրո միջին փոխարժեքով, և վաճառել է 17.3 մլն եվրո (շաբաթվա աճը`15%), 530.30 դրամ/ եվրո միջին փոխարժեքով: Բանկերը գնել են նաև 1.1 մլրդ ռուբլի, 6.01 դրամ/ ռուբլի միջին փոխարժեքով, և վաճառվել է 380.1 մլն ռուբլի (շաբաթվա անկումը` 14%), 6.15 դրամ/1 ռուբլի միջին փոխարժեքով:

Նախորդ շաբաթ (դեկտեմբերի 11-ից հունվարի 17-ը) Հայաստանի բանկերը տրամադրել են 38.7 մլրդ դրամի և 32.8 մլն դոլարի վարկեր: Դրան նախորդ շաբաթվա համեմատ (դեկտեմբերի 21-ից հունվարի 10-ը), դրամով տրամադրված վարկերի ծավալը կրճատվել`72.4%, իսկ դոլարով տրամադրված վարկերի ծավալը` 64.4%:

Հիշեցնենք, որ 2015 թվականի 11 ամիսներին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 483 դրամ/դոլար մակարդակ, եվրոյի նկատմամբ` 571,5-ից մինչև 512 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 7.4 դրամ/ռուբլի մակարդակ: Դեկտեմբերին շարունակվող դեվալվացիոն միտումները դրամը դոլարի նկատմամբ թուլացրին, դեկտեմբերի 11-ին հասցնելով մինչև 485 դրամ/դոլար մակարդակ, եվրոն` 530 դրամ / եվրո, իսկ ռուսական ռուբլին` 7.1 դրամ/ռուբլի մակարդակ: Բայց դեկտեմբերի 14-28-ը ԿԲ գրեթե ամենօրյա միջամտությունները դրամն ամրապնդեցին դոլարի նկատմամբ` 482 դրամ/դոլար մակարդակում, եվրոյի նկատմամբ ` 529 դրամ/եվրո մակարդակում, իսկ ռուսական ռուբու նկատմամբ ` 6.9 դրամ/ռուբլի մակարդակում: Դրամի արժեզրկման  տրամադրությունները  դիտվում են երկրի արտաքին առևտրի շրջանառության անկմանը զուգահեռ (մոտ 20%), այդ թվում, ներմուծումը կրճատվեց մոտ 27%, արտահանումը` մոտ 2%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, իսկ այդ ամենն բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում: 2016 թվականից, չնայած ԿԲ շաբաթական միջամտություններին, Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ կրկին սկսվեց արժեզրկվել, մինչև 487 դրամ/դոլար մակարդակ, եվրոյի նկատմամբ ամրապնդվելով մինչև 528 դրամ/եվրո, իսկ ռուբլու նկատմամբ ամրապնդվելով մինչև 6.1 դրամ/ռուբլի մակարդակ: