ՀՀ Կենտրոնական բանկը շարունակում է շաբաթական միջամտություններով շաարունակում է զսպել դրամի արժեզրկումը

Արմինֆո. ՀՀ Կենտրոնական բանկը շարունակում է շաբաթական միջամտություններով շաարունակում է զսպել դրամի արժեզրկումը: Այսպես, ընթացիկ շաբաթ ԿԲ համեմատաբար խոշոր միջամտությունը կատարվեց ուրբաթ օրը-մոտ 23.8 մլն. դոլար` արտարժույթի միջբանկային շուկայում: Արդյունքում, հունվարի առաջին տասնօրյակում դոլարի նկատմամբ 482 դրամից մինչև 486 դրամ/դոլար արժեզրկվող ՀՀ դրամը այդ մակարդակում մնալով հաջորդ երեք օրերում, հունվարի 15-ին ԿԲ միջամտության շնորհիվ (32.4 մլն.դոլար) ամրապնդվեց 485 դրամ/դոլար մակարդակում, որի դհետո, հունվարի 19-ին կրկին սկսեց արժեզրկվել, ինչը հարթելու նպատակով ԿԲ ստիպված էր հունվարի 21-ին կրկին կատարել հերթական միջամտությունը, ինչի շնորհիվ հունվարի 22-ին դրամն անցավ 487 դրամ/դոլարի մակարդակը: Սակայն, այդ մակարդակում դրամը երկար չմնաց, ընթացիկ շաբաթ թուլանալով և հասնելով հունվարի 29-ին 489 դրամ/դոլար մակարդակին: Ըստ շուկայի անկախ փորձագետների, Ռուսաստանի ֆինանսատնտեսական ճգնաժամի խորացման, նավթի գների անկման և հատկապես մետաղական հումքի գների անկման պայմաններում, որոնք հանդիսանում են Հայաստանի արտահանումային հիմնական ապրանքներից մեկը, ՀՀ դրամը 2016 թվականի վերջին կարող է դոլարի նկատմամբ թուլանալ և հասնել 540-550 դրամ/դոլար մակարդակին:

Ինչպես ԱրմԻնֆո-ին հաղորդեցին ՀՀ ԿԲ մամուլի ծառայությունից, հունվարի վերջին 2 շաբաթների ընթացքում NASDAQ OMX Armenia բորսան չի գործել: Իսկ արտարժույթի միջբանկային շուկան հունվարի 25-29-ն աշխատել է 3 օր (բացի երկուշաբթի և հինգշաբթի օրերից), ընդ որում, ավելի ակտիվ էր երեքշաբթի օրը (1.4 մլն. դոլար), և ԿԲ միջամտությամբ` ուրբաթ օրը (23.8 մլն.դոլար), ինչն ապահովեց շաբաթական 25.4 մլն. դոլարի ծավալ, իսկ միջին փոխարժեքը կազմեց 487.93 դրամ/դոլար: Նշենք, որ 2016 թվականին ԿԲ առաջին խոշոր միջամտությունները տեղի է ունեցան հունվարի 15-ին – 32.4 մլն.դոլար և հունվարի 29-ին – 23.8 մն.դոլար, իսկ նախկին խոշոր միջամտություների տեղի էին ունեցել 2015 թվականի օգոստոսի 28-ին`95 մլն դոլար, սեպտեմբերի 19-ին`22.2 մլն դոլար և հոկտեմբերի 2-ին` մոտ 6 մլն դոլար:

Աղբյուրի համաձայն, արտարժույթի ներբանկային շուկայում (գործարքներ հաճախորդների հետ) հունվարի 25-29-ը բանկերը գնել են 75.7 մլն դոլար (շաբաթվա աճը`12%), 487.13 դրամ/ դոլար միջին փոխարժեքով, և վաճառվել է 91.4 մլն դոլար (շաբաթվա աճը` 23%), 489.05 դրամ/ դոլար միջին փոխարժեքով: Նույն ժամանակահատվածում արտարժույթի ներբանկային շուկայում բանկերը գնել են 5.4 մլն եվրո (շաբաթվա աճը` 52%), 527.37 դրամ/ եվրո միջին փոխարժեքով, և վաճառել է 9.2 մլն եվրո (շաբաթվա անկումը`47%), 532.63 դրամ/ եվրո միջին փոխարժեքով: Բանկերը գնել են նաև 1.1 մլրդ ռուբլի, 6.11 դրամ/ ռուբլի միջին փոխարժեքով, և վաճառվել է 527.2 մլն ռուբլի (շաբաթվա աճը` 39%), 6.20 դրամ/1 ռուբլի միջին փոխարժեքով:

Նախորդ շաբաթ (հունվարի 18-24-ը) Հայաստանի բանկերը տրամադրել են 37.7 մլրդ դրամի և 37 մլն դոլարի վարկեր: Դրան նախորդ շաբաթվա համեմատ (հունվարի 11-17-ը) դրամով տրամադրված վարկերի ծավալը կրճատվել`2.6%, իսկ դոլարով տրամադրված վարկերի ծավալն աճել է 12.8%:

Հիշեցնենք, որ 2015 թվականի 11 ամիսներին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 483 դրամ/դոլար մակարդակ, եվրոյի նկատմամբ` 571,5-ից մինչև 512 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 7.4 դրամ/ռուբլի մակարդակ: Դեկտեմբերին շարունակվող դեվալվացիոն միտումները դրամը դոլարի նկատմամբ թուլացրին, դեկտեմբերի 11-ին հասցնելով մինչև 485 դրամ/դոլար մակարդակ, եվրոն` 530 դրամ / եվրո, իսկ ռուսական ռուբլին` 7.1 դրամ/ռուբլի մակարդակ: Բայց դեկտեմբերի 14-28-ը ԿԲ գրեթե ամենօրյա միջամտությունները դրամն ամրապնդեցին դոլարի նկատմամբ` 482 դրամ/դոլար մակարդակում, եվրոյի նկատմամբ ` 529 դրամ/եվրո մակարդակում, իսկ ռուսական ռուբու նկատմամբ ` 6.9 դրամ/ռուբլի մակարդակում: Դրամի արժեզրկման  տրամադրությունները  դիտվում են երկրի արտաքին առևտրի շրջանառության անկմանը զուգահեռ (մոտ 20%), այդ թվում, ներմուծումը կրճատվեց մոտ 27%, արտահանումը` մոտ 2%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, իսկ այդ ամենն բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում: 2016 թվականից, չնայած ԿԲ շաբաթական միջամտություններին, Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ կրկին սկսվեց արժեզրկվել, հունվարի 29-ին դոլարի նկատմամբ արժեզրկվելով մինչև 489 դրամ/դոլար մակարդակ, եվրոյի նկատմամբ մինչև 534 դրամ/եվրո, իսկ ռուբլու նկատմամբ ամրապնդվելով մինչև 6.5 դրամ/ռուբլի մակարդակ: