Հինգշաբթի, 4 Փետրվարի 2016 15:09

Արմինֆո. ՎՏԲ-Հայաստան Բանկը և MasterCard միջազգային վճարային համակարգը հայտարարեցին ՙՄեկնում ենք Ռիո՚ մարքետինգային ակցիայի արդյունքների մասին: ՙՄեկնում ենք Ռիո՚ արշավը կազմակերպվել է ՎՏԲ-Հայաստան Բանկի կողմից թողարկվող Cirrus/Maestro և MasterCard քարտապանների միջև: Այն հաճախորդները, ովքեր 2015 թ. սեպտեմբերի 20-ից մինչև դեկտեմբերի 31-ը ընկած ժամանակահատվածում  Հայաստանում և արտերկրում քարտի միջոցով կատարել են 300 000 ՀՀ դրամ և ավելի գումարի չափով գնումներ (այդ թվում նաև Internet-գնումները), ավտոմատ կերպով մասնակցում են ակցիային:

Ինչպես ԱրմԻնֆո-ին հայտնել են ՎՏԲ-Հայաստան Բանկի մամուլի ծառայությունում, մրցանակների խաղարկությունը կայացել է 2016թ.-ի փետրվարի 2-ին ժամը 18:50-ին ՙԿենտրոն՚ հեռուստաընկերության ուղիղ եթերում: Հաղթողները ընտրվեցին անվանական քարտերի պատահական խաղարկության միջոցով: Այս անգամ խաղարկվում էր 5  կոմպլեկտ  սմարթ-ժամացույց, որի հաղթողներին էին՝ Գեորգի Շամյանը, Աննա Առաքելյանը, Արմեն Նանյանը, Դավիթ Ժամագործյանը և Վահե Գրիգորյանը: Իսկ գլխավոր մրցանակի հաղթող ճանաչվեց Դմիտրի Ատբաշյանը, որին տրվեց ուղեգիր 2 անձի համար դեպի Ռիո դե Ժանեյրո` մասնակցելու 2016 թ. կայանալիք Կարնավալին:

ՙՄեկնում ենք Ռիո՚ խթանող մարքեթինգային արշավը ուղղված էր ՎՏԲ – Հայաստան Բանկի MasterCard քարտերի միջոցով անկանխիկ վճարումների ծավալների մեծացմանը և Հայաստանի սպառողների՝ MasterCard քարտերի միջոցով անկանխիկ վճարումների հարմարավետության և ֆունկցիոնալության վերաբերյալ իրազեկվածության մակարդակի բարձրացմանը: ՎՏԲ-Հայաստան Բանկը պարբերաբար անցկացնում է նմանատիպ ակցիաներ  և յուրաքանչյուր անգամ ավելի շատ թվով հաճախորդներ են մասնակցություն ունենում:

Ըստ ԱրմԻնֆո գործակալության` «Հայաստանի բանկերը քարտային բիզնեսում՚ վերլուծական Տեղեկագրի, ՎՏԲ-Հայաստան Բանկը 2015 թվականի նոյեմբերի սկզբին թողարկել է իր հոբելյանական, 500 հազարերրորդ քարտը, ամրապնդվելով թողարկված քարտերի թվով առաջատարի իր դիրքերը: 2015 թվականի հոկտեմբերի 1-ի դրությամբ բանկի ակտիվ քարտերի թիվն աճել է 25.5%, այդ թվում, Visa քարտերի թիվը` 20.3% (այդ թվում, մոտ 92 հազար կենսաթոշակային քարտ), որով նույնպես առաջատարն է: Բանկը, 2013 թ. դառնալով MasterCard համակարգի անդամ, մինչև 2015 թվականի  հոկտեմբերը կարողացավ թողարկել այդ համակարգի ավելի քան 25 հազար քարտ, տեղ գրավելով առաջատարների հնգյակում: Պլաստիկ գործարքների ծավալով նույնպես բանկն առաջին դիրքում է` ավելի քան 143 միլիարդ դրամ, 2015 թվականի 9 ամիսների ընթացքում, տարեկան աճը 19%: 2015 թվականի հոկտեմբերի 1-ին բանկն ուներ 267 սեփական POS- տերմինալ և 158 բանկոմատ: Մինչև 2013 թվականը ՎՏԲ-Հայաստան Բանկը թողարկում և սպասարկում էր միայն միջազգային visa քարտեր, իսկ նույն տարվա սեպտեմբերին, դառնալով MasterCard Worldwide միջազգային վճարային համակարգի լիիրավ անդամ՝ ձեռնամուխ եղավ Cirrus/Maestro, MasterCard Standard և MasterCard Gold քարտերի թողարկմանն ու սպասարկմանը: Դրանից բացի, բանկը նաև սպասարկում է տեղական ArCa քարտերը: Բանկն ունի իր սեփական պրոցեսինգը: ՎՏԲ-Հայաստան Բանկը VISA International և MasterCard Worldwide միջազգային վճարային համակարգերի լիիրավ անդամ է:

«ՎՏԲ-Հայաստան Բանկե ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկե ՀԲԸ հանդիսանում է «ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: