Չորեքշաբթի, 17 Փետրվարի 2016 16:41

Արմինֆո. Մենք շարունակում ենք ԵԱՏՄ երկրներից ավտոմեքենաների ներմուծման դիմաց գանձելԱԱՀ, դրանով իրականացնելով մեր իրավունքը, -հայտարարել է ՀՀ ֆինանսների փոխնախարար Արմեն Ալավերդյանը:

Փետրվարի 8-ին ԵՏՀ նախարար Տատյանա Վալովայան հայտարարել էր, որ ԵԱՏՄ երկրներից Հայաստան ավտոմեքենաների ներմուծման դիմաց մասնավոր անձանցից ԱԱՀ գանձումը հակասում է կազմակերպության պայմանագրա-իրավական դաշտին: «ԵԱՏՄ ներսում ոչ-սակագնային արգելքներ չկան: Մենք նման արգելք ունեինք Ղազախստանի հետ, բայց այն վերացվեց: Իսկ ահա այժմ նման արգելք է առաջացել Հայաստանի հետե,-նշել էր նախարարը:

Սակայն, Հանրային հեռուստաեթերից Արմեն Ալավերդյանը հայտարարել էր, որ ավտոմեքենաների ներմուծման դիմաց ԱԱՀ գանձման իրավունքն ամրագրված է ԵԱՏՄ անցումային դրույթներում, հետևաբար Երևանը ԵԱՏՄ կանոնադրությունը չի խախտել:

Նշելով, որ ԱԱՀ-ն հանդիսանում է Հայաստանի եկամուտների կարևորագույն աղբյուրներից մեկը, փոխնախարարը դժգոհել է, որ ԵԱՏՄ-ին միանալուց հետո 2015 թվականին Հայաստան է ներմուծվել 22 մլրդ.դրամի ավտոմեքենա, ինչը մոտ 20 մլրդ. դրամով պակաս է 2014 թվականի ցուցանիշից:

Հայաստանի պետբյուջեի կորուստների գլխավոր պատճառն, ըստ Ալավերդյանի, կայանում է նրանում, որ 2015 թվականին, երրորդ երկրների փոխարեն, սկսեցին ավտոմեքենաներ ներմուծել Ռուսաստանից, քանի որ այդ դեպքում քաղաքացիները մաքսատուրքեր չեն վճարում, շարունակելով վճարել ԱԱՀ: