Երկուշաբթի, 22 Փետրվարի 2016 21:23

Արմինֆո. Հայաստանի ապահովագրական շուկան 2015 թվականին արձանագրել է հնգամյակում ռեկորդային զուտ շահույթ` 2.5 մլրդ դրամ (5.2 մլն դոլար)` ապահովելով 71% տարեկնա աճ:

Վերջին 5 տարում շուկան չէր հասել նման բարձր ֆինանսական արդյունքի, որը շատ մոտ է  եղել 2011 թվականին, երբ ԱՊՊԱ-ն մեկնարկեց, և ապահովագրական ընկերությունները հասել էին 2.4 մլրդ դրամ ցուցանիշի` նախորդ տարվա վնասից հետո:

Հայաստանի ապահովագրական շուկայում գործող վեց ընկերություններից 2015 թվականը շահույթով են փակել չորս ապահովագրական ընկերություններ: 2015 թվականի արդյունքներով առավել շահույթ է արձանագրել «Ռոսգոսստրախ Արմենիաե ԱԸ` 1.1 մլրդ դրամ` ապահովելով տարեկան կրկնակի աճ: Ապահովագրական միագումար զուտ շահույթում «Ռոսգոսստրախ Արմենիայինե բաժին է ընկել 45,2%: Երկրորդ տեղում է «Նաիրի Ինշուրանսե ԱԸ` 633.5 մլն դրամ` 2 անգամից ավելի տարեկան աճով: Երրորդ տեղն զբաղեցրել է «ԻՆԳՕ Արմենիաե ԱԸ` 487.2 մլն դրամ զուտ շահույթով (տարեկան աճը 8,1%): «Արմենիա Ինշուրանսե ԱԸ շահույթի գծով զբաղեցրել է չորրորդ տեղը 401.6 մլն դրամ (տարեկան աճը 16,2%): Մյուս երկու ընկերություններում արձանագրվել է վնաս. «Լիս Ինշուրանսե` 22 մլն դրամ (նախորդ տարվա  247.8 մլն դրամ վնասի դիմաց), ՌԵՍՕ-ն` 127.4 մլն դրամ (նախորդ տարվա 84.1 մլն դրամ շահույթի դիմաց): Ապահովագրական շուկայում շահույթի զգալի աճը 2015 թվականին պայմանավորված է եղել ապահովագների ծավալի ավելացմամբ և ապահովագրական փոխհատուցումների կտրուկ անկմամբ: Մասնավորապես, 2014 թվականի համեմատ ԱԸ միագումար ապահովագների ծավալն ավելացել է 4,3%-ով մինչև 31.3 մլրդ դրամ (64.8 մլն դոլար): Ընդ որում աճն ապահովվել է կամավոր ապահովագրության տեսակների գծով վճարումների հաշվին: Առողջության ապահովագրման գծով, որի բաժինը ապահովագների ընդհանուր ծավալի 16,3%-ն է, վճարումներն ավելացել են 18,3%-ով, մինչև 5.1 մլրդ դրամ: Հրդեհներից և աղետներից գույքի ապահովագրման գծով (9,6%) աճը կազմել է  47,2%: Ընդհանուր պատասխանատվության ապահովագրման գծով ապահովագներն (2,1%) ավելացել են 5,9%-ով, մինչև 659 մլն. դրամ: Զբոսաշրջության ապահովագրման գծով (1,7%) վճարումների աճը  կազմել է 3,7%` մինչև 533.4 մլն դրամ: Մինչդեռ ավտոապահովագրության գծով վճարումները, որին բաժին է ընկնում ապահովագների ընդհանուր ծավալի առյուծի բաժինը, կրճատվել են ինչպես կամավոր, այնպես էլ պարտադիր տեսակների գծով: ԱՊՊԱ-ի գգծով, որի տեսակարար կշիռն ապահովագների միագումար ծավալի 56%-ն է, վճարումները կրճատվել են 1,1%-ով` մինչև 17.6 մլրդ դրամ, Ավտոմեքենաների կամավոր ապահովագրության գծով, որի բաժինը 6,9% է, անկումը կազմել է 2,2%` մինչև 2.1 մլրդ դրամ:

Միևնույն ժամանակ 2015 թվականին ներգրավված ապավոգրական գանձումներից ապահովագրական վճարումները կազմել են 43,3%` նախորդ տարվա 73,3% դիմաց: Ապահովագրական ընկերությունների կողմից վճարված փոխհատուցումների ծավալը նախորդ տարի կազմել է 13.6 մլրդ դրամ (28 մլն դոլար), ինչը 38,4%-ով  զիջում  է 2014 թվականի ցուցանիշ: Փոխհատուցումների անկումը պայմանավորված է ԱՊՊԱ-ի, բժշկական ապահովագրության և ԿԱՍԿՕ-ի գծով վճարումների կրճատմամբ: ԱՊՊԱ-ի գծով վճարումները, որի տեսակարար կշիռը կազմել է փոխհատուցումների միագումար ծավալի 63%, կրճատվել է 12,7%-ով, մինչև 13.6 մլրդ դրամ; բժշկական ապահովագրության գծով (ընդհանուր ծավալի 24%) անկումը կազմել է 28,6%, մինչև 3.2 մլրդ դրամ; կամավոր ապահովագրության գծով (7,9%) վճարումները նվազել են 18%-ով, մինչև 1.1 մլրդ դրամ: Նշենք, որ Հայաստանի ապահովագրական ընկերությունները ապահովագրության 19 կարգերից աշխատում են 17-ի գծով, բացառությամբ` երկաթուղային տրանսպորտի և դատական ու արտադատարանային ծախսերի ապահովագրության: Ըստ 16 կարգերի լիցենզավորված է «ԻՆԳՕ Արմենիաե ԱԸ (միակն է, որ զբաղվում է ջրային տրանսպորտի ապահովագրութամբ, որին ըստ լիցենզավորման կարգերի թվի հետևում է «Ռոսգոսստրախ Արմենիաե ԱԸ` ապահովագրության  15 կարգ (միակն է վարկային ռիսկեր ապահովագրության ոլորտում). (31.12.15 դրությամբ դոլարի հաշվարկային փոխարժեքը կազմել է  483,75 դրամ/դոլար):