Չորեքշաբթի, 24 Փետրվարի 2016 17:23

Արմինֆո. Ազգային արժույթի կայունության առումով Հայաստանն ավելի շահավետ դիրքում է տարածաշրջանի երկրների համեմատ: Այս մասին փետրվարի 24-ին կայացած մամուլի ասուլիսում նշել է տնտեսագետ Կառլեն Խաչատրյանը:

«Վերջին 2 տարիների կտրվածքով դրամը դոլարի նկատմամբ արժեզրկվել է 20-21%, մինչդեռ Ռուսաստանում, Ղազախստնում և Բելառուսում ազգային արժույթներն արժեզրկվեցին մոտ 2 անգամ, իսկ Ուկրաինայում` 200%: Ադրբեջանական մանաթի անկումը կազմեց 105%, վրացական լարին արժեզրկվեց 40-43%: Հետևաբար, նշված ցուցանիշների ֆոնին կարելի է ասել, որ հայկական դրամն ամենակայունն էր տարածաշրջանի արժույթների շարքումե,-նշլ է փորձագետը:

Միևնույն ժամանակ, փորձագետը նշել է, որ դրամի ավելի մեծ արժեզրկումը կարող էր դրականորեն անդրադառնալ Հայաստանի արտահանումային պոտենցիալի վրա, չնայած կրճատել է բնակչության եկամուտները, առաջացնելով սոցիալական պրոբլեմներ: Բայց համեմատելով բնակչության բարեկեցությունը և արտահանումային ցուցանիշների աճը, տնտեսագետը կարծիք է հայտնել, որ անհրաժեշտ է հատուկ ուշադրություն դարձնել առաջին գործոնին, քանի որ խոսքը գնում է բնակչության լայն զանգվածների բարեկեցության մասին:

Նշենք, որ 2014-2015 թվականներին ազգային արժույթների արժեզրկում տեղի ունեցավ ԵԱՏՄ բոլոր երկրներում: Կանխարգելման նպատակով առաջին արժեզրկումն իրականացրեց Ղազախստանը` 2014 թվականի փետրվարին ազգայի բանկը հրաժարվեց տենգե-ի փոխարժեքին աջակցելուց, ինչի արդյունքում այն արժեզրկվեց ավելի քան 15%, մյուս գործոնների հետ միասին բերելով ազգային արժույթի արժեզրկմանը 14%: Մյուս, ավելի հզոր արժեզրկումը տեղի ունեցավ Ռուսաստանում, 2014 թվականի դեկտեմբերին, երբ ռուբլին արժեզրկվեց 50%, իսկ հետագայում ՌԴ արժույթի արժեզրկումը կազմեց 39%: Ռուբլու դեկտեմբերյան կոլապսի և ԵԱՏՄ-ին միանալու նախաշեմին փոխարժեքի ճշգրտում որոշեցին իրականացնել նաև Հայաստանի ֆինանսական իշխանությունները, 2014 թվականի նոյեմբերի 26-ին դոլարի նկատամբ դրամի փոխարժեքն իջեցնելով` 4%: Սակայն, Ռուաստանում տեղի ունեցած հետագա իրադարձությունները հայկական ազագային արժույթը կրկին մղեցին դեպի վար: Արդյունքում, դրամը դոլարի նկատմամբ մեկ տարում արժեզրկվաեց 14.2%: Ռուսատանի տնտեսության հետ սերտ կապված բելառուսական տնտեսությունը նույնպես ռուբլու արժեզրկումից հետո 2014-2015 թվականների հունվար-դեկտեմբերին արձանագրեց ազգային արժույթի 40% արժեզրկում: Ազգային արժույթների 2015 թվականի 2-րդ եռամսյակում արձանագրված ժամանակավոր կայունացումն ավարտվեց օգոստոսին, երբ դոլարի նկատմամբ ընկնող ռուսական ռուբլուն հետևեցին նաև բելառուսական ռուբլին, հայկական դրամը, ղազախական տենգեն և ղրղզական սոմը: