Արմինֆո. Ռուսաստանից Հայաստան տրանսֆերտների զուտ հոսքը 2015 թվականին 1.3 մլրդ.դոլարից կրճատվեց մինչև 719 մլն.դոլար, կրճատվելով 2 անգամ և գրեթե մոտենալով 2009 թվականի ցուցանիշին:
Ինչպես վկայում են ՀՀ ԿԲ տվյալները, Ռուսաստանի Հայաստան տրանսֆերտներ ներհոսքի գերակայությունը Հայաստանից Ռուսաստան արտահոսքի նկատմամբ վերջին երեք տարիներին 8.5 անգամից նվազել է 3.3 անգամ (2009-ին` 4.5 անգամ), երբ ներհոսքի դինամիկան դրական 20%-ից իջավ մինչև բացասական 36%, իսկ արտահոսքի աճը 35%-ից իջավ մինչև 12%: Համեմատության համար նշենք, որ 2009 ճգնաժամային տարում Ռուսաստանից Հայաստան տրանսֆերտների անկումը կազմեց 35%, իսկ Հայաստանից Ռուսաստան արտահոսքի աճը` 16%, ինչը գրեթե նույնն է, ինչ 2015 թվականին: Սակայն, տրանսֆերտային ակտիվության անկմանը նպաստող գործոնները 2009 և 2015 թվականներին տարբեր էին: 2009-ին իրավիճակը վատթարացավ համաշխարհային տնտեսական ճգնաժամի պատճառով, իսկ 2015-ին` Ռուսաստանի հանդեպ կիրառված պատժամիջոցների, նավթի գների անկման և ռուբլու փլուզման պատճառով: Իսկ դեպի Հայաստան տրանսֆերտների ներհոսքի ընդհանուր ծավալներում Ռուսաստանի մասնաբաժինը կազմում է 63%:
Ռուսաստանից Հայաստան և հակառակը տրանսֆերտների ծավալների տարբերության կրճատում է դիտվել 2014 թվականին (անկումը` 13%), մինչդեռ դրան նախորդող 4 տարիներին դիտվել է աճ, մասնավորապես, 2010 թ. - $ 942 մլն (+ 24%), 2011 թ. - $ 1,2 մլրդ (+ 25%), 2012 թ. - $ 1,4 մլրդ (+ 18,2%), 2013 թ. - $ 1,5 մլրդ (+ 7.2% ):
Վերջին երկու տարիներին Ռուսաստանից Հայաստան տրանսֆերտների ներհոսքը նվազել է գրեթե 730 մլն.դոլարով, ընդ որում, միայն 2015 թ-ին - 554 մլն.դոլար, մինչև 1,002 մլրդ.դոլար, 2009 թվականի պակաս անկման համեմատ (մինչև 512 մլն դոլար):
Փորձագետները հակված են մտածել, որ տրանսֆերտների կրճատման հետ կապված իրավիճակը կխորանա, իսկ դա կբերի ռուսաստանյան տարածաշրջանից սեզոնային աշխատողների միգրացիային, և եթե տնտեսական վիճակը Ռուսաստանում չբարելավվի, ապա տրանսֆերտների անկումը կարող է ավելի խորանալ: Տրանսֆերտների անկումը, իսկ դրա հետ մեկտեղ նաև ներմուծման 26.5% անկումը, վկայում է սպառողական պահանջարկի և բնակչության իրական եկամուտների կրճատման մասին: Տրանսֆերտների և ապրանքաշրջանառության անկման միտումը, գտնում են անկախ փորձագետները, կարող է ցնցումներ առաջացնել Հայաստանի վճարային հաշվեկշռում:
Գերմանական ներդրումներ՝ ի նպաստ Հայաստանի կայուն զարգացման
Լիզինգ. Առավելություններ եվ հնարավորություններ (Հարցազրույց «Արմսվիսբանկ»-ի գործադիր տնօրենի տեղակալ - վարկավորման դեպարտամենտի տնօրեն` Գրիգոր Հովհաննիսյանի հետ)
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ՊԵԿ կայքում կարելի է գտնել տրանսպորտային միջոցի մասին ամբողջական տեղեկատվություն VIN համարով
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված