Արմինֆո. Ամերիաբանկը «Global Finance» հեղինակավոր ամսագրի կողմից ճանաչվել է Հայաստանի 2016թ. «Տարվա լավագույն ներդրումային բանկ» ("The Best Investment Bank in Armenia 2016"): Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:
Աղբյուրի համաձայն, ամսագրի խմբագիրները ոլորտի փորձագետների հետ միասին հաշվարկել են մասնակիցների ընդհանուր գնահատականը և որոշել հաղթողներին՝ առաջնորդվելով մի շարք չափանիշներով, որոնց թվում են` շուկայի մասնաբաժինը, գործարքների քանակը և ծավալը, սպասարկման որակը, մատուցվող խորհրդատվությունը, շուկայի պայմաններին բավարարող լուծումներ առաջարկելը, նորարարությունը, սակագները և այլն: Հաշվի են առնվել նաև 2015թ. հայտարարված կամ կնքված գործարքները:
Ամերիաբանկի Ներդրումային բանկային ծառայությունների գծով տնօրեն Առնո Մոսիկյանը նշեց. «Մեզ համար մեծ պատիվ է «Global Finance» ամսագրի կողմից ճանաչվել Հայաստանի լավագույն ներդրումային բանկ: Մեր հաջողությունների գրավականը յուրաքանչյուր հաճախորդին ցուցաբերած անհատական մոտեցումն է, նորարարություններով շարունակաբար հանդես գալը, պրոֆեսիոնալ աշխատակազմի առկայությունը, ռիսկերի հավասարակշռված կառավարումը: Այս ամենը մեզ օգնել են ունենալ մրցակցային առավելություններ, ձեռք բերել հաճախորդների վստահությունը, նրանց հետ ստեղծել երկարաժամկետ և արդյունավետ համագործակցություն»:
Նշենք, որ Ամերիաբանկը մատուցում է ներդրումային բանկային ծառայությունների ամբողջական փաթեթ, մասնավորապես` փայատիրական և պարտքային ֆինանսավորման ներգրավման, բաժնետոմսերի, պարտատոմսերի, ինչպես նաև այլ արժեթղթերի հետ կապված ծառայություններ` պարտատոմսերի առաջնային տեղաբաշխման կազմակերպումից մինչև երկրորդային շուկայում իրացվելիության ապահովում (մարքեթ մեյքինգ) և շուկայի համապարփակ վերլուծություն: Բանկը նաև մատուցում է ձեռքբերումների և միաձուլումների ծառայություններ, որոնք ներառում են ընկերությունների գնահատում, ընկերությունների առքի և վաճառքի, միաձուլումների ընթացքում բաժնետերերին խորհրդատվության տրամադրում, ռազմավարական ներդրողների ներգրավում և կորպորատիվ ֆինանսների ոլորտի այլ ծառայություններ:
Նշենք, որ "Global Finance Magazine" ամսագիրը հրապարակվում է 1987 թվականից և այսօր ունի ավելի քան 50 հազար բաժանորդ 163 երկրներում: Ամսագիրը վերլուծում է ավելի քան 192 երկրների հիմնական ֆինանսական ցուցանիշները: Ամսագրի նպատակային լասարանը բաղկացած է խոշորագույն մասնավոր և պետական ֆինանսական կառույցների ղեկավարներից և ներկայացուցիչներից: Արդեն 17 տարի Global Finance-ը ընտրում և պարգևատրում է զարգացող երկրների հաղթող բանկերին: Բանկի զեկույցները վերաբերվում ենԼատինական Ամերիկայի, Կենտրոնական և Արևելյան Եվրոպայի, Ասիական և Խաղաղօվկիանոսյան տարածաշրջանի, Մերձավոր Արևելքի և Աֆրիկայի լավագույն բանկերին:
Հիշեցնենք, որ Ամերիաբանկն ամբողջական լուծումներ է տրամադրում կորպորատիվ, մանրածախ և ներդրումային բանկինգի ոլորտներում, ինչպես նաև շարունակում է ներդրումներ կատարել առաջատար տեխնոլոգիաներում և հաճախորդների սպասարկման համակարգում: Ամերիաբանկը հատուկ մրցանակներն են` Euromoney-ից (2014 թ., 2012 թ., 2011 թ.), Global Finance-ից (2015 թ., 2013 թ., 2012 թ.), The Banker/FT-ից (2015 թ., 2013 թ., 2010): Ամերիաբանկը Հայաստանի բանկային շուկայում առաջատար դիրքեր է պահպանում ակտիվների, վարկերի, պարտավորությունների, ինչպես նաև ժամկետային ավանդների և ցպահանջ ավանդների մեծությամբ: Բանկի կապիտալին ՎԶԵԲ-ի մասնակցությունից և ընթացիկ ծանրակշիռ ներարկումների շնորհիվ Ամերիաբանկն առաջատար դարձավ նաև ընդհանուր և կանոնադրական կապիտալների չափերթվ: Բանկի բաժնետերերը են Ameria Group CY Ltd - 80% և ՎԶԵԲ-ը - 20%:
Արդյոք բոլոր փողերը պաշտպանված են ռուսական բանկերում
Հայկական բանկերը. HSBC բանկի, Արդշինբանկի և պատժամիջոցների նոր միջավայրի պայմաններում բիզնեսի վարման մասին
Telcell-ը դուրս է գալիս ինստիտուցիոնալ զարգացման ուղի
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի