Չորեքշաբթի, 9 Մարտի 2016 20:38

Արմինֆո. 2016 թվականի փետրվարին ծառայությունների սակագները Հայաստանում աճել են 0,3% (տարեկան աճը` 3,4%), իսկ

հունվար – փետրվարին` 0,7%: Ինչպես ԱրմԻնֆո գործակալությանը տեղեկացվել է ՀՀ Ազգային վիճակագրական ծառայությունից, 2016 թվականի հունվար-փետրվարին, 2015-ի նույն ժամանակահատվածի համեմատ, ծառայությունների սակագներն ավելացել են 3,4%:

 

Ծառայությունների սակագների փետրվարի  աճը (0.3%) հիմնականում պայմանավորված էր կրթության ոլորտում - 0.4%, տրանսպորտի ոլորտում - 0.6% (պայմանավորված է ավիատոմսերի 2% թանկացումով), մշակույթի ոլորտում - 1%, բժշկական ծառայությունների - 2,2% տեղի ունեցած թանկացումներով: Դրան զուգահեռ, իջել են սակագները հանգստի կազմակերպման ոլորտում - 0,2%: Իսկ բնակարանային և կոմունալ ծառայությունների, ինչպես նաև կապի, ինչպես նաև իրավական և բանկային ծառայությունների ոլորտներում սակագները մնացել են անփոփոխ:

 

Հանրապետութան ուսումնասիրված քաղաքներից 8-ում ծառայությունների սակագները փետրվարին աճել են 0.1-0.8%, մեկում իջել են 0,1%, իսկ մնացած քաղաքներում չեն փոխվել: Նշենք, որ Հայստանի սպառողական շուկայում 2016 թվականի փետրվարին գնանկումը կազմել է 1.4% (տարեկան կտրվածքով գնանկումը` 1.7%), իսկ հունվար-փետրվարին արձանագրվել է 0.8% գնաճ (տարեկան գնանկումը` 1, 1%):