Հայաստանում պալադիումի թանկացման հետևանքով թանկարժեք մետաղների գները բարձրացան 4.9%

Արմինֆո. Հայաստանում թանկարժեք մետաղների գները կրկին սկսեցին բարձրանալ, ընթացիկ շաբաթ աճելով 4.9%: Ինչպես ԱրմԻնֆո գործակալությանը տեղեկացվել է ՀՀ ֆինանսների նախարարությանն «Թանկարժեք մետաղների և թանկարժեք քարերի պետական ​​գանձարան» գործակալությունից, գների թռիչքը հիմնականում խթանեց պալադիումը, մինչդեռ մյուս թանկարժեք մետաղների գներն ավելի դանդաղ էին աճում:

Աղբյուրի համաձայն, մարտի 14-20-ը սահմանվել են թանկարժեք մետաղների հետևյալ գները` մեկ գրամ ոսկու վաճառքի գինը - 19909,77 դրամ (շաբաթվա աճը 1.2%-ից արագացել է մինչև 1.3%), արծաթ – 243.84 դրամ է (շաբաթվա աճ` - 0.3%-ից մինչև +3.1%), պլատինիում – 15572.60 դրամ (շաբաթվա աճը`0.5%-ից մինչև 5.3%), պալադիում - 8944,18 դրամ (շաբաթվա աճը`4.2%-ից մինչև 9.7%):

Իսկ տարեսկզբիցթանկարժեք մետաղների գները միջին հաշվով իջել են 5,1%, ինչը հիմնականում պայմանավորված էր պալադիումի`25,5% և Պլատինիումի`11.9% էժանացոմներով, մինչդեռ ոսկին և արծաթը համապատասխանաբար թանկացել են` 13.4% և 3.6%:

Միջազգային բորսաների տվյալներով, 2016 թվականի մարտի 15-ին ոսկու մեկ ունցիայի սփոթային գինը կազմել է 1235.7 դոլար (օրական անկումը` 0.025%), արծաթի գինը`15.45 դոլար (օրական աճը` 0.02%), պլատինիում` 960 դոլար (օրական անկումը`0.1%) և պալադիում`568 դոլար (օրական անկումը`0.18%):