Էյր Արմենիան վերադառնում է. Դատարանը հաստատել է ավիաընկերության առողջացման ծրագիրը

Արմինֆո. Կենտրոն և ՆորքՄարաշ վարչականշրջաններիընդհանուրիրավասությանդատարանը հաստատել է «Էյր Արմենիա» ավիաընկերության ֆինանսական առողջացման ծրագիրը: Ընկերությունը հույս ունի առաջիկայում վերականգնել թռիչքները, իսկ պարտքերը նախատեսում է մարել հաջորդ 24 ամիսներին: Այս մասին ԱրմԻնֆո գործակալությանը տեղեկացրել է ընկերության տնօրեն Արսեն Ավետիսյանը:

Դեռ անցյալ շաբաթ առողջացման ծրագիրն արժանացել է կրեդիտորների հավանությանը, որով նախատեսվում է ենթակառուցվածքի վերկաանգնում, լիզինգով 4 ինքնաթիռի ձեռքբերում`«East Prospect Faund»-ի միջոցներով, այդ թվում` 2 SRJ-700 (78 տեղ) և 2 Ա320 (150 տեղ) ինքնաթիռ: Ինչպես նշել է Ավետիսյանը, մարումները տեղի կունենան գրավադրված գույքի իրացման հաշվին, իսկ մնացած պարտքը կվերադարձվի ՀՀ «Սնանկության մասին» օրենքով սահմանված կարգով:

Ըստ Ավետիսյանի, տվյալ պահին տեղի են ունենում տեղական և արտասահմանյան գործընկերների հետ վերջնական կապակցումները: «Ընկերությունն ունի շահագործողի արտոնագիր, ընդամենը պահանջվում է երկարաձգել փաստաթղթի գործողութան ժամկետը»,-հայտարարել է Ավետիսյանը: «Ձեռնարկության ֆինանսական առողջացման ծրագիրը կազմվել է, հաշվի առնելով հնարավոր բոլոր ռիսկերը «բաց երկնքի» քաղաքականության պայմաններում»,-նշել է Ավետիսյանը: Նրա խոսքով, ընկերությունը շարունակում է պնդել, որ շուկայի բոլոր մասնակիցների համար պետք է սահմանվեն միատեսակ պայմաններ: «Եթե ռուսական ընկերությունները հայկական օդանավակայանում օգտվում են առավելություններից, ապա տեղական փոխադրողներին նույնպես պետք է տրամադրվեն համապատասխան պայմաններ»,-հայտարարել է նա:

Ավետիսյանը չի վախենում նորաստեղծ «Արմենիա» ընկերության հետ մրցակցությունից: Նա գտնում է, որ միասին ավելի հեշտ կլինի դիմակայել ավիաշուկայի «վատ» եղանակներին: «Մենք մշտապես եղել և մնում ենք առողջ մրցակության և հավասար պայմաններում համագործակցության կողմնակիցը»,-նշել է նա: Միևնույն ժամանակ նա նշել է, որ ընկերությունը ավիափոխադրումների հայկական շուկա կվերադառնա ամռանից ոչ շուտ: «Չենք ուզում շտապողականության պատճառով կրկնենք նախկին սխալները»,-հայտարարել է նա:

Հիշեցնենք, որ Հայաստանի ազգային ավիափոխադրող«Արմավիան» թռիչքները դադարեցրեց 2013 թվականի ապրիլի 1-ից` սկսելով սնանկության գործընթացը: 2014 թվականին նույնպիսի ճակատագրի արժանացավ «Էըր Արմենիան», հիմնականում, ըստ փորձագետների, անառողջ մրցակցության ( ռուսական ավիաընկերությունների դեմպիգի քաղաքականության պատճառով: 2015 թվականի օգոստոսին «Էըր Արմենիան» East Prospect Faund ներդրումային հիմնադրամից 68,6 մլն դոլար էր ստացել ավիաընկերության բաժնետոմսերի 49%-ի դիմաց: Ըստ ԱրմԻնֆո-ի աղբյուրի, ստացված միջոցները դառնում են ավիաընկերությնա սեփականոթյունը և կարող են օգտագործվել ըստ նշանակության: Գործարքի արդյունքում «Էյր Արմենիան» ստացավ երաշխավորված միջոցներ, որոնք բարձրացնում են ավիաընկերության գինը: «Գործարքի գլխավոր ձեռքբերումն այն է, որ այսուհետ ավիաընկերությունը պաշտպանված կլինի սնանկացումից և ռիսկային այլ իրավիճակներից»,-նշել են ավիաընկերությունում:

Հիշեցնենք, որ East Prospect Faund ներդրումային հիմնադրամին «Էյր Արմենիա» ավիաընկերության բաժնետոմսերի 49%-ի վաճառքի համաձայնագիրն ստորագրվել է 2014 թվականի դեկտեմբերի 19-ին: Իսկ ավելի վաղ հիմնադրամի կառավարիչ Վլադիմիր Բոբիլևվը հաղորդել էր, որ «Էըր Արմենիայի» նոր բաժնետերը մտադիր է 30 մլն դոլար ներդնել: «Սակայն մենք չենք սահմանափակվի այդ գումարով: Մենք նախնական պայմանավորվածություններ ունենք ընկերությունում նոր ինքնաթիռներ ներգրավման շուրջ: Կա ընկերության վերակառուցվածքավորման հստակ բիզնես-ծրագիր», - ասել էր Բոբիլևը: Նրա խոսքով, Հիմնադրամը հատուկ վերցրեց «Էյր Արմենիա» ընկերությունը, քանի որ, առաջինը, լայն առումով հավատում է Հայաստանի բարգավաճմանը`որպես պետության, իսկ ավել նեղ առումով`ավիաընկերությունը բավական հեռանկարային է:

Ի դեպ, «East Prospect Fund»-ը բրիտանական օֆշորային տարածքում՝ Վիրջինյան կղզիներում գրանցված լիցենզավորված ֆինանսական կառույց է և իրենցի ներկայացնում է ֆիզիկական և իրավաբանական անձանց խմբի գործընկերություն: Կառույցն իր սեփական և ներգրավված միջոցները ներդնում է ձեռնարկությունների պրոբլեմային ակտիվներում, իրականացնելով նրանց պաշտպանությունը: Հիմնադրամը ղեկավարվում է Լոնդոնից և Կիևից: Ինչպես մյուս հիմնադրամներն են ներդրումներ կատարում արժեթղթերոմ և բանկային մետաղներում, մեր Հիմնադրամն էլ ներդրումներ է կատարում պրոբլեմային ակտիվներում` շահույթ ստանալու նպատակով: Մեր մասնագիտացումն  արդյունաբերական ուղղվածությամբ պրոբլեմային  ձեռնարկությունների բաժնետոմսերն են»,-ասվում է Հիմնադրամի կայքում: