Արմինֆո.Ռուսական կողմի հետ բանակցություններ են վարվում վերջնական սպառողի համար գազի սակագների նվազեցման ուղղությամբ
Ռուսական կողմի հետ բանակցություններ են վարվում վերջնական սպառողի համար գազի սակագների նվազեցման ուղղությամբ: Մարտի 17-ին կառավարության նիստից հետո այդ մասին լրագրողներին հայտարարել է էներգետիկայի և բնական պաշարների նախարար Լևոն Յոլյանը:
Նրա ասելով, Ռուսաստանի կառավարության հետ բանակցություններն ընթանում են «ջերմ, առողջ և աշխատանքային մթնոլորտումե: Առանց նշելու որոշակի թվեր, որոնց շուրջ բանակցություններ են ընթանում, նախարարը հույս է հայտնել, որ ռուսաստանի իշխանությունների հետ բանակցկությունների արդյունքում կարելի կլինի հայտարարել գների նվազեցման մասին ոչ միայն սահմանին, այլև` վերջնական սպառողի համար:
Նշենք, որ մարտի 10-ին Կրեմլում Հայաստանի և Ռուսաստանի բանակցությունների ժամանակ, ի թիվս այլ հարցերի, քննարկվել է նաև էներգետիկ համագործակցությունը, մասնավորապես, Հայաստան մատակարարվող ռուսական գազի գնագոյացման հարցեր: Միևնույն ժամանակ, մարտի 10-ի նիստում Հայաստանի կառավարությունը հավանություն է տվել «ՀՀ և ՌԴ կառավարությունների միջև Հայաստանի Հանրապետություն բնական գազի առաքման ժամանակ գների ձևավորման կարգի վերաբերյալ 2013թ. դեկտեմբերի 2-ի համաձայնագրում փոփոխություններ կատարելու մասին՚ արձանագրության կնքման առաջարկությանը: Փաստաթղթում Հայաստանի համար գազի գինն ընթացիկ տարվա հունվարի 1-ից մինչև մրատի 31-ը ներառյալ սահմանվում է նախորդ տարվա մակարդակում` 165 ԱՄՆ դոլար 1000 խմ դիմաց: Դրանից հետո գազի գինը Հայաստանի համար պետք է վերադառնա ելման մակարդակին` 189 դոլար:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
