«Ավիակոմպանիա Արմենիաե ընկերության տոմսերն արդեն վաճառքում են. ընկերությունը խոստանում է Երևանից Թել Ավիվ ամենաէժան տոմսը

Արմինֆո. Նոր «Ավիակոմպանիա Արմենիաե ընկերության տոմսերն արդեն վաճառքում են: Առաջին չվերթը, ինչպես և խոստացվել էր, կիրականացվի դեպի Թել Ավիվ: «Այսօրվա դրությամբ մենք խոստգանում ենք ամենաէժան տոմսերը Երևան-Թել Ավիվ ուղղությամբե, - ԱրմԻնֆո-ի թղթակցին հաղորդել է ընկերության մամուլի քարտուղար Գևորգ Խաչատրյանը:

Ավիատոմսերի առցանց ամրագրման AviaGo.ru կայքի համաձայն, մինչև մարտի 23-ի ժամը 19:00-ն բաց է «Ավիակոմպանիա Արմենիաե ընկերության Երևան-Թել Ավիվ չվերթի ավիատոմսերի ամրագրումը: Տոմսն արժե մոտ 168,86 եվրո: Aviaseles.ru-ն չվերթի տոմսեր է առաջարկում 10 502 ռուբլով: Սակայն մայիսի 1-ի և 5-ի չվերթների տոմսերը կարժենան 120 եվրո: Ինչպես հաղորդել է Խաչատրյանը, տվյալ ուղղությամբ կանոնավոր չվերթներ կիրականացվեն շաբաթը 2 անգամ: «Երևան-Մոսկվա չվերթի մասին, որը պետք է կայանար ապրիլի 21-ին, կհաղորդվի լրացուցիչե, - պարզաբանել է ընկերության ներկայացուցիչը:

Նշենք, որ Մարտի 16-ին ՀՀ էկոնոմիկայի նախարարությունում Կանոնավոր առևտրային օդային փոխադրումների հավաստագրման համար հայտերի քննարկման հարցերով խորհրդի նիստում դրական եզրակացություն էր տրվել «Ավիակոմպանիա Արմենիաե ՍՊԸ-ին կանոնավոր առևտրային օդային հաղորդակցությունների իրականացման հավաստագիր տրամադրելու վերաբերյալ: «Ավիակոմպանիա Արմենիաե ՍՊԸ-ի կողմից կանոնավոր առևտրային օդային փոխադրումների իրականացման հավաստագիր ստանալու համար ներկայացված հայտի համաձայն,  ավիաընկերությունը նախատեսում է իրականցնել կանոնավոր օդային հաղորդակցություններ 17 ուղղություններով:  Ընդ որում էկոնոմիկայի նախարարությունն ավիաընկերության ստանձնած պարտավորությունների կատարման նկատմամբ ընթացիկ մոնիթորինգ կիրականացնի:

Նախատեսվում է, որ ապրիլի 21-ին ավիաընկերությունը կանոնավոր չվերթներ կսկսի երկու ուղղությամբ` դեպի Թել Ավիվ և Մոսկվա: Այնուհետև ընկերությունը ձեռնամուխ կլինի կանոնավոր չվերթների իրականացմանը դեպի Թեհրան, Դուբայ, Պրահա, Կիև, Մինսկ, Բարսելոնա, Լոնդոն և Լառնակա: Գերակայուն ուղղությունների թվում է Ռուսաստանը, և ավիաընկերությունը ծրագրում է ՌԴ մայրաքաղաքից զատ թռիչքներ իրականացնել դեպի Սոչի, Դոնի Ռոստով, Մինվոդի, Սամարա, իսկ եվրոպական ուղղություններից` դեպի Գերմանիա և Իտալիա:

Այսօրվա դրությամբ հիմնական ավիապարկը կազմված է Boeing 737-500, Boeing 737-700 и Boeing 737-800-ց:  Ավիաընկերությունը կանոնավոր չվերթները կսկսի լիզինգով վերցված Boeing 737-ով, իսկ տարեվերջին ավիապարտը կհամալվի մինչև 8 ինքնաթիռ: Հետագայում ավիաընկերությունը նախատեսում է ձեռք բերել ավելի փոքր CRJ ինքնաթիռ, ինչպես նաև VIP սպասարկում կիրականացնի ավիապարկում եղած Gulfstrea ինքնաթիռով: Ավիապարկի ինքնաթիռների տարիքը չի գերազանցի 15 տարին, իսկ դրանց տեխնիկական սպասարկումը կիրականացվի Գերմանիայի Lufthansa ավիաընկերությունում: 49 եվրոյից սկսվող գներով տոմս կարող են ձեռք բերել ոչ բոլորը, այն էլ` թռիչքից մի երկու ամիս առաջ և առանց վերադարձնելու հնարավորության,  հաղորդել է ընկերության համահիմնադիր Թամազ Գաիաշվիլին: Մնացած բոլոր դեպքերում այդ գումարին կգումարվեն օդանավակայանի ծախսերը ( հաշվի առնելով, հարկային գանձումները` շուրջ 96 եվրո): Ավիատոմսերի վերջնական արժեքը կլինի առնվազն 20-30%-ով ավելի թանկ` քան Վրաստանում: «Հայաստանում ավելի թանկ է վառելիքը` և էլի շատ բաներե, - պարզաբանել է Գաիաշվիլին:

Նշենք նաև, որ «Բաց երկնքիե քաղաքականությունը, որը կառավարության կողմից հայտարարվել է 2013 թվականին «Արմավիաե ազգային ավիափոխադրողի սնակացումից հետո, հանգեցրեց հայաստանյան շուկայից օտարերկրյա ավիաընկերությունների համատարած փախուստի: Արդյունքում` ավիատոմսերի բարձր գների պատճառով հայ ուղևորներից շատերը նախընտրում են օգտվել հարևան Վրաստանի օդային ծառայություններից, որտեղ հաջողությամբ գործում են մի շարք եվրոպական լոուքոսթերներ: