Հայաստանում մեկնարկում է 40 զարգացող երկրների ներկայացուցիչների մասնակցությամբ ֆինանսական ներգրավվածության միության հանդիպումները

Արմինֆո. Մարտի 21-ին ՀՀ կենտրոնական բանկի Դիլիջանի ուսումնահետազոտական կենտրոնում մեկնարկել են Ֆինանսական ներգրավվածության միության (Alliance for Financial Inclusion, AFI) Սպառողների հզորացման և շուկայի վարվելակերպի (Consumer Empowerment and Market Conduct Working Group) և Թվային ֆինանսական ծառայությունների (Digital Financial Services Working Group) աշխատանքային խմբերի հանդիպումները, որոնք կազմակերպվել են ՀՀ կենտրոնական բանկի և Ֆինանսական ներգրավվածության միության կողմից: Հանդիպումները շարունակվելու են մինչև մարտի 25-ը:

Ինչպես ԱրմԻնֆո գործակալությանը տեղեկացվել է ՀՀ Կենտրոնական բանկի մամուլի ծառայությունից, Կենտրոնական բանկը, երկար տարիներ հանդիսանալով Ֆինանսական ներգրավվածության միության ակտիվ անդամ, այս տարի առաջին անգամ հյուրընկալում է նմանատիպ մասշտաբային միջազգային միջոցառում, որին ներկա են միության անդամ մոտ 100 ներկայացուցիչներ՝ շուրջ 40 զարգացող երկրներից: 

Աշխատանքային հանդիպումների ընթացքում քննարկվելու են ֆինանսական ներգրավվածության ներկայիս միտումներն ու առաջխաղացման հնարավորությունները, ներկայացվելու են ֆինանսական ոլորտում վարքագծային հետազոտության նոր մոտեցումների կիրառման հնարավորություններն առավել մատչելի և հասանելի ֆինանսական ծառայությունների ներդրման ուղղությամբ:   

Ֆինանսական ներգրավվածության միությունը ֆինանսական ներգրավվածության միջազգային ասպարեզի առաջատար կառույցներից է: Միության կողմից իրականացված նախագծերը (անդամակցության հուշագրերի ու աշխատանքային խմբերի) ֆինանսական ծառայությունների ներգրավվածության ու ֆինանսական միջնորդության խորացման լրացուցիչ նախադրյալներ են ստեղծել անդամ երկրների համար: 

Նշենք, որ AFI – ն ֆինանսական մատչելիության համաշխարհային առաջատար կառույց է, որի իրականացրած ծրագրերը լրացուցիչ նախադրյալներ են ստեղծել ֆինանսական ծառայությունների հասանելիության և ֆինանսական միջնորդության գծով անդամ-երկրներում: 2011 թվականի ապրիլին 2011 թ. AFI ստեղծեց Consumer Empowerment and Market Conduct (CEMC), аDigital Financial Services Working Group (DFSWG) աշխատանքային խումբը, քննարկման ներկայացնելով ֆինանսական ծառայությունների կարգավորման քաղաքականության գծով իր հարթակը, այդ թվում`e-money, բջջային ֆինանսական ծառայությունները և այլ նոր տեխնոլոգիաներ: Կազմակերպության անդամ են նաև Ռուսաստանը, Բելառուսը, Ղազախստանը, Ղրղզստանը, Տաջիկստանը, Շվեյցարիան, Չինաստանը, Հնդկաստանը, Թայլանդը, Բրազիլիան: Ընդհանուր առմամբ, AFI անդամներ են հանդսանում 94 երկրներ, որոնք ներկայացված են 119 կառույցներով, որից 97 -ը լիիրավ անդամ է, 20 –ը`ասոցացված և 2 –ը` մասնագիտացված անդամներ:

Նշենք, որ Կենտրոնական բանկը 2011 թ. փետրվարի 8-ից անդամակցում է Ֆինանսական ներգրավվածության միությանը, որը, ի թիվս միջազգային այլ կառույցների, բարձր է գնահատում Կենտրոնական բանկի հետ առկա գործակցությունը: Կենտրոնական բանկը նախագահում է միության` Սպառողների հզորացման և շուկայի վարվելակերպի աշխատանքային խումբը, անդամակցում Թվային ֆինանսական ծառայությունների աշխատանքային խմբին: Նախատեսվում է շարունակել գործակցությունը ֆինանսական ներգրավվածության այլ ոլորտներում ևս: