Կ.Սարոյան. NASDAQ OMX Armenia բորսայի նկատմամբ բանկերի հետաքրքրության կորուստը պայմանավորված է արտաբորսայական գործարքների բարձր արդյունավետությունով

Արմինֆո.Տարեսկզբից մինչ օրս NASDAQ OMX Armenia բորսայում արտարժույթով գործարքների բացակայությունը պայմանավորված է նրանով, որ բանկերը գերադասում են իրենց պահանջները բավարերել ներբանկային գործարքների միջոցով, կամ էլ ավելի արդյունավետ են համարում բորսայից դուրս գործարքների կատարումը: Այսպես է մեկնաբանել NASDAQ OMX Armenia բորսայի գլխավոր տնօրեն Կոնստանտին Սարոյանը, պատասխանելով բորսայական հարթակում արտարժութային գործարքների նկատմամբ բանկերի հետաքրքրության կորուստի վերաբերյալ ԱրմԻնֆո գործակալության հարցին: Նա նաև հաղորդել է, որ NASDAQ OMX Armenia բորսան շուտով կգործարկի գործարքների կնքման նոր տեխնիկական հարթակը և փոխադարձ հաշվարկների մեխանիզմը, ինչի նկատմամբ մեծ հետաքրքրությունը ֆինանսական կառույցներին կվերադարձնի բորսայական հարթակ:

«Ներկայումս ակտիվորեն աշխատում ենք, որպեսզի շուկան ոչ միայն վերակառուցենք, այլ նաև ֆինանսական կառույցներին հնարավորություն տանք գործարքներ իրականացնել բորսայի միջոցով: Կարևոր չէ, թե դրանք կլինեն OTC (արտաբորսայական գործարքներ), բորսայական կամ այլ ռեժիմով գործարքներ: Գլխավորը, որպեսզր շուկային տրվի գործարքների կնքման նոր մեխանիզմ: Այդ մեխանիզմը ենթադրում է գործարքների կնքման նոր տեխնիկական պլատֆորմ, ինչպես նաև փոխհաշվարկների նոր մեխանիզմ: Մասնավորապես, այսօր բորսայում գործարքներն իրականացվում են միայն մինչպահուստավորման ռեժիմով: Մենք արդեն նախատեսում ենք գործարկել գործարքների կնքման T+N ռեժիմը (հետաձգված կատարումով) կամ առանց առաջնային պահուստավորման»,-պարզաբանել է բորսային տնօրենը:

Կ.Սարոյանը հավելել է, որ հնարավորություն կտրվի նաև գործարքներ կատարել առանց փոխադարձ հաշվարկների: «Այդ դեպքում փոխադարձ հաշվարկներով գործարքները կկնքվեն այն համակարգերի միջոցով, որոնք հարմար են ֆինանսական կառույցներին, օրինակ, ԿԲ համակարգերի միջոցով: Իսկ այն ռեժիմով, երբ տեղի է ունենում նախնական կամ մասնակի պահուստավորում (կամ պահուստավորումը բացակայում է, ընդհանրապես), ամենակարևորը կլինի գործարքներ կատարող կողմերի ռիսկերի կրճատումը»,-պարզաբանել է նա, նշելով, որ ներկայումս NASDAQ OMX Armenia բորսայում աշխատում են այդ մեխանիզմենրի ներդրման ուղղությամբ: «Ինչպես տեխնոլոգիական, այնպես էլ վարչական նորամուծությունների ներդրումը կտա իր արդյունքները»,-եզրափակել է Կ.Սարոյանը:

Նշենք, որ 2016 թվականի սկզբից մինչ օրս NASDAQ OMX Armenia բորսան չի գործել, բացառությամբ մարտի 11-ի 100 հազար դոլարին: Ընդ որում, բանկերնամեն օր բավական ակտիվ աշխատում են արտարժույթի միջբանկային շուկայում: Ընդհանուր առմամբ, ՀՀ դրամը դոլարի նկատմամբ հունվարին արժեզրկվել է` 482 դրամ/դոլարից մինչև 489 դրամ/դոլար, շարունակելով թուլանալ նաև հաջորդ ամսում, փետրվարի 12-ին արձանագրելով 496 դրամ/դոլար մակարդակ, որից հետո տեղի ունեցավ դանդաղ արժևորում, առանց ԿԲ միջամտության: Մարտի 24-ի դրությամբ դրամը դոլարի նկատմամբ  ուժեղացավ մինչև 479 դրամ /դոլար մակարդակ, իսկ տարեսկզբից եվրոյի նկատմամբ արժեզրկվեց` 529 դրամ/եվրոյից մինչև 536 ՀՀ դրամ/եվրո, ռուբլու նկատմամբ` 6.9 դրամ/ռուբլուց մինչև 7.1 դրամ/ռուբլի: Դոլարի նկատմամբ դրամի ամրապնդումը, առանց ԿԲ միջամտության, արժութային դիլերները ոչ մի կերպ չեն կարողանում բացատրել, բայց համարում են, որ ամենացածր մակարդակը (հատակը) արդեն արձանագրվել է: