Երեթշաբթի, 29 Մարտի 2016 11:52

Արմինֆո. «Հայկական ժամանակե թերթի տվյալներով, նախնական պայմանավորվածություն է ձեռք բերվել Հայաստանի համար ռուսական գազի գինը 12%-ով նվազեցնելու շուրջ:

Տվյալ պահին Հայաստանը գազը գնում է 1000 խմ դիմաց 165 դոլարով, գինը կարող է նվազել մինչև 145-146 դոլար: Վերջնական պայմանավորվածության հասնելու դեպքում այդ մասին կհայտարարվի Ռուսաստանի վարչապետ Դմիտրի Մեդվեդևի` ապրիլի 7-8-ը Երևան այցի ընթացքում:

Գնի շուրջ վերջնական պայմանավորվածության հասնելու դեպքում՝ նոր գինը կսկսի գործել «հետին ամսաթվովե՝ ապրիլի 1-ից: «Սպասվում է նաեւ, որ Հանրային ծառայությունները կարգավորող հանձնաժողովն շտապ նիստ կգումարի եւ կնվազեցնի նաեւ ներքին սպառողներին մատակարարվող գազի սակագինը: Այն կարող է նվազել մինչեւ 10 դրամով եւ կազմել 146 դրամ մեկ խմ-ի դիմաց (հիմա 156 դրամ է): Կնվազեցվի նաեւ խոշոր սպառողներին մատակարարվող գազի սակագինը՝ ներկայիս 272 դոլարից (1000 խմ-ն) հասցվելով 260 դոլարիե, - գրում է թերթը:

Նշենք, որ մարտի 10-ին Կրեմլում Հայաստանի և Ռուսաստանի նախագահների բանակցությունների ժամանակ ի թիվս այլ հարցերի քննարկվել է նաև էներգետիկ համագործակցությունը, մասնավորապես, Հայաստան մատակարարվող ռուսական գազի գնագոյացման հացրը: Միևնույն ժամանակ մարտի 10-ին Հայաստանի կառավարությունը հավանություն է տվել  «ՀՀ և ՌԴ կառավարությունների միջև Հայաստանի Հանրապետություն բնական գազի առաքման ժամանակ գների ձևավորման կարգի վերաբերյալ 2013թ. դեկտեմբերի 2-ի համաձայնագրում փոփոխություններ կատարելու մասին՚ արձանագրության կնքման առաջարկությանը: Փաստաթղթում Հայաստանի համար գազի գինն ընթացիկ տարվա հունվարի 1-ից մինչև մրատի 31-ը ներառյալ սահմանվում է նախորդ տարվա մակարդակում` 165 ԱՄՆ դոլար 1000 խմ դիմաց: Դրանից հետո գազի գինը Հայաստանի համար պետք է  վերադառնա ելման մակարդակին` 189 դոլար:

Հիշեցնենք, որ 2015 թվականի սեպտեմբերին Հայաստանի մենաշնորհատեր «Գազպրոմ Արմենիայիե սեփականատեր «Գազպրոմըե Հայաստանի համար գազի գինը նվազեցրեց` 1000 խմ դիմաց 189 դոլարից մինչև 165 դոլար: Դա պայմանավորված էր դոլարի նկատմամբ հայկական դրամի կտրուկ  արժեզրկմամբ, ինչի հետևանքով «Գազպրոմ Արմենիանե, որը գազը գնում է դոլարով և վաճառում դրամով, վնասներ էր կրում: Ընդ որում պայմանավորվածություն ձեռք բերվեց Հայաստանի սպառողների համար սակագներն անփոփոխ թողնելու շուրջ: