«Ռուսատոմ սերվիս՚ ԲԸ-ն ամփոփել է Հայկական ԱԷԿ-ի շահագործման ժամկետներն երկարացնելու նախագծով գնման գործընթացների արդյունքները

Արմինֆո. Ամփոփվել են Հայկական ատոմային էլեկտրակայանի շահագործման ժամկետներն երկարացնելու նախագծով անցկացված առաջին գնումների ընթացակարգերի արդյունքները: Գնման ընթացակարգերի արդյունքներով ինդուստրիալ հակասեյսմիկ պաշտպանության համակարգերը (ԻՀՊՀ) մատակարարելու է «Ատոմային էլեկտրակայանների շահագործման գիտահետազոտական հայկական ինստիտուտե ՓԲԸ-ն, իսկ հեղուկ ռադիոակտիվ թափոնների շոգեհարման արդյունքների համար նախատեսված մետաղյա կոնտեյներները՝ ռուսական «Մետաղամշակող ընկերությունե ՍՊԸ-ն: 

Մրցույթները հայտարարված էին «Ռոսատոմե պետական կորպորացիայի դուստր-ձեռնարկություն հանդիսացող «Ռուսատոմ սերվիսե ԲԸ-ի կողմից, որը համակարգում է Հայկական ԱԷԿ-ի շահագործման ժամկետներն երկարացնելու նախագիծը: Նախագծի իրականացման համար ռուսական կազմակերպությունն ակտիվ ներգրավում է հայկական ընկերությունները, հայ մատակարաների համար կազմակերպվում են մասնագիտացված սեմինարներ, աշխատանքային հանդիպումներ և խորհրդակցություններ: Ներկա պահին նախապատրաստվում է ՀԱԷԿ-ի համար նախատեսված սարքավորումների հաջորդ խմբաքանակի գնման գործընթացը, հաստատվել է գնման ժամանակացույցը: Հայկական ԱԷԿ-ի արդիականացման համար նախատեսված բոլոր սարքավորումներն ու նյութերը «Ռուսատոմ Սերվիսե ԲԸ-ի կողմից գնվում են Գնումների միասնական չափանիշների համաձայն, որոնք գործում են «Ռոսատոմե պետկորպորացիայի բոլոր մատակարարների համար, ինչպես Ռուսաստանում, այնպես էլ արտերկրում: Գնման գործընթացները բաց եղանակով հրապարակվում են www.zakupki.rosatom.ru կայքում:  Միասնական չափանիշներն ապահովում են ատոմային ոլորտում իրականացվող  գնումների թափանցիկությունը, օգնում են հաստատված ժամկետներում ստանալ որակյալ արտադրանք մրցունակ գներով: Ամեն տարի «Ռոսատոմե պետական կորպորացիայի նախագծերում մասնակցում են բազմաթիվ օտարերկրյա ընկերություններ, հատկապես այն երկրներից, որտեղ ռուսական ընկերությունը խոշոր նախագծեր է իրականացնում: «Ռոսատոմե պետական կորպորացիայի մատակարարների թվում են Բելառուսը, Չեխիան, Հունգարիան, Սլովակիան, Ֆինլանդիան, Ֆրանսիան, Հնդկաստանը, Չինաստանը, Վիետնամը և այլ երկրներ ներկայացնող ընկերություններ:

«Ռոսատոմե պետկորպորացիայի գնումներն այսօր բաց և թափանցիկ համակարգ է, որտեղ պատվիրատուների և մատակարարների համար գործում են հասանելի և հասկանալի կանոններ: Վեց տարվա ընթացքում արձանագրվել են էական արդյունքներ՝ գնումների ծավալն ավելացել է 20 մլրդ.-ից մինչև 1 տրլն. ռուբլի, մատակարարների թիվը՝ 1000-ից մինչև 24 000 ընկերություն, բաց մրցակցային գնման գործընթացների թիվը տարեկան 2 000-ից ավելացել է մինչև 40 000: Նման գնման գործընթացներից ստացած տնտեսական արդյունքը 2009 թվականից կազմում է արդեն 150 մլրդ. ռուբլի: Ատոմային ոլորտի կազմակերպությունների գնումների ծավալները միայն 2015 թվականի ընթացքում գերազանցեցին 1 տրլն. ռուբլի:

2014 թվականի դեկտեմբերին Ռուսաստանի Դաշնության և Հայաստանի Հանրապետության կառավարությունները հայկական ԱԷԿ–ի 2–րդ էներգաբլոկի շահագործման ժամկետը երկարացնելու վերաբերյալ համագործակցության համաձայնագիր ստորագրեցին: 2015 թվականի փետրվարին ստորագրվեց ՀԱԷԿ–ի շահագործման ժամկետի երկարաձգման նպատակով վարկ տրամադրելու մասին համաձայնագիրը: 2015 թվականի հունիսին «Ռուսատոմ Սերվիսե ԲԸ-ն և «ՀԱԷԿե ՓԲԸ-ն ստորագրել են աշխատանքների կատարման, ծառայությունների մատուցման պայմանագիր երկրորդ էներգաբլոկի շահագործման ժամկետի երկարաձգման համար:

«Ռուսատոմ Սերվիսե ԲԸ-ն «Ռոսատոմե պետկորպորացիայի էնեկտրաէներգետիկական բանաժմունքի մաս է հանդիսանում: Ընկերությունը ՋՋԷՌ-ի վրա աշխատող օտարերկրյա ատոմակայաններին է մատուցում շահագործման և վերանորոգման համար անհրաժեշտ ծառայություններ, զբաղվում է մատակարարման գործընթացներով: Ընկերությունը ներկայացված է ՋՋԷՌ-ի վրա աշխատող ատոմակայաններ ունեցող գրեթե բոլոր երկրներում:

Չինաստանի, Իրանի, Բուլղարիայի և Հայաստանի շուկաներում «Ռուսաոտոմ Սերվիսե ընկերությունը հանդիսանում է շահագործման ժամկետը երկարացնելու, վերանորոգումներ իրականացնելու և ատոմակայանների արդիականացման աշխատանքների գլխավոր կապալառու: Արտասահմանյան շունակերում «Ռուսատոմ Սերվիսե ԲԸ-ի պատվերների ծավալը կազմում է 500 մլն. ԱՄՆ դոլար: