Հինգշաբթի, 7 Ապրիլի 2016 13:02

Արմինֆո. Հայաստանի և Ադրբեջանի առաջնորդների հայտարություններին այն մասին, որ հակամարտությունը վերաճել է լայնամասշտաբ պատերազմի, որում կներգրավվեն տարածաշրջանի բոլոր երկրները, այդ թվում՝ Ռուսաստանը, Թուրքիան և Իրանը, համաշխարհային շուկաններն արձագանքել են նավթի գների անկմամբ: Այդ մասին գրում են Bloomberg-ի վերլուծաբանները:

Նրանց տվյալներով, նավթի առևտի մեկամսյա մինիմումի ֆոնին ռուսական ռուբլին շարունակում է անկում ապրել և թուլանալ. իսկ պետական պարտատոմսերն էժանանում են:Ապրիլի 5-ի առավոտյան դոլարը ռուսական ռուբլու նկատմամբ ամրապնդել է դիրքերը՝ կազմելով 1 դոլարի դիմաց 69,4440 ռուբլի, ինչը նշանակում է, որ ռուբլին վերջին 3 օրվա ընթացքում արժեզրկվել է 3,5 կետով, գրում է պարբերականը: Bloomberg-ի վերլուծաբանները նաև նշում են, որ Լեռնային Ղարաբաղի չլուծված հակամարտության պատճառով տարածաշրջանի բոլոր երկրներն անցում են կատարում տնտեսական կայունության հետ կապված ռիսկի նոր փուլի, և միջազգային շուկաները չեն կարող դա  հաշվի չառնել: