Արմինֆո.
World Nuclear Fuel Cycle միջազգային համաժողովի և ցուցահանդեսի շրջանակներում, որն անցնում է ապրլի 4-6-ին Աբու Դաբիում (ԱՄԷ), «Ռոսատոմ» պետական կորպորացիան իր գործընկերներին ու WNFC-ի մասնակիցներին է ներկայացրել ընկերության տարածաշրջանային գրասենյակը, որը տեղակայված է Դուբայում և հանդիսանում է Ռոսատոմի Մերձավոր Արևելքում և Հյուսիսային Աֆրիկայում գլխավոր գրասենյակ:
Գրասենյակի բացման արարողությանը «Ռոսատոմ – Միջազգային ցանց»-ի նախագահ Ալեքսանդր Մերտենը նշեց.
- Ռոսատոմն տարածաշրջանում աշխատանքի երկար և հաջող պատմություն ունի: Սկսելով աշխատանքը անցած դարի 60-ական թվականներին հետազոտական ռեակտորների կառուցումից ՝ այսօր մենք այստեղ իրականացմում ենք իզոտոպային արտադրանքի, ուրանի և ուրանի հարստացված արտադրանքի մատակարարման, ռադիոակտիվ թափոնների հետ վարման նախագծեր, իրականացնում ենք այնպիսի խոշոր ծրագրեր, ինչպիսիք են ատոմակայանների կառուցումը: Այսպիսով, տարածաշրջանային կենտրոնի բացումն այստեղ՝ բնական և տրամաբանական քայլ է մերձարևելյան ընկերությունների հետ մեր համագործակցության զարգացման ուղղությամբ: Համոզված եմ, որ գրասենյակը թույլ կտա մեզ ոչ միայն ամրացնել համագործակցությունը ընթացիկ նախագծերի շրջանակներում, այլ նաև նոր հնարավորություններ ստեղծել տարածաշրջանի համար ակտուալ ուղղություններով՝ այդ թվում ոչ ատոմային ոլորտում, համատեղ և փոխշահավետ նախագծեր իրականացներու համար:
World Nuclear Fuel Cycle միջազգային համաժողովն ու ցուցահանդեսը ատոմային էներգետիկայի և միջուկային վառելիքային ցիկլի հարցերով առաջատար ճյուղային համաժողով է հանդիսանում: Միջոցառման կազմակերպիչներն են Համաշխարհային միջուկային ասոցիացիան (WNA) և Միջուկային էներգիայի ինստիտուտը (NEI): WNFC-ն անցնում է Emirates Nuclear Energy Corp. (ENEC) ընկերության ակտիվ մասնակցության ներքո և ամեն տարի հավաքում է ոլորտի առաջատար մասնագետներին, որոնք քննարկում են միջուկային վառելիքային ցիկլի հետ կապված՝ այդ թվում ուրանային արտադրանքի մատակարարման, կոնվերսիայի և հարստացման, վառելիքի արտադրության և օգտագործված միջուկային վառելիքի հետ վարվելու, միջուկային ռեակտորների շահագործումից դուրսբերման վերաբերյալ հարցերը: Լուսաբանվելու են նաև Մերձավոր Արևելքում ատոմային էներգետիկայի զարգացման հեռանկարները և դրա դերը տարածաշրջանի էներգետիկ բալանսի ապահովման գործում:
«Ռոսատոմ» պետական կորպորացիան մասնակցում է ցուցահանդեսին միասնական ցուցահանդեսային տաղավարով, որտեղ ներկայացված են ընկերության առաջատար դիրքերը ատոմային էներգետիկայի գլոբալ շուկայում, այդ թվում հիմնական ցուցանիշները և տարածաշրջանում ընթացիկ նախագծերի, ընկերության համակարգային առաջարկների վերաբերյալ տեղեկատվություն: Մասնավորապես, որպես համակարգային ընկերություն, Ռոսատոմն առաջարկում է ատոմային էներգիայի խաղաղ օգտագործման ոլորտում արտադրանքի և ծառայությունների համալիր ծրագիր, որտեղ ԱԷԿ-երի կառուցումից բացի ներառված են միջուկային բժշկության, իզոտոպային արտադրանքի, հետազոտական ռեակտորների, գյուղատնտեսությունում և արդյունաբերությունում ռադիացիոն տեխնոլոգիաների կիառման ոլորտներում նորագույն որոշումներ: Ընկերության յուրահատուկ 70-ամյա փորձը ատոմային ոլորտում թույլ է տալիս առաջարկել նաև ոչ միջուկային ծառայություններ, մասնավորապես, ջրի զտման տեխնոլոգիաներ, լուծումներ փոքր հիդրաէներգետիկայի ոլորտում (մինի-ՀԷԿ-եր), գազանավթային սարքավորումներ և այլն:
Ռոսատոմը աշխարհում միակ ընկերությունն է, որը ծառայություններ է առաջարկում ատոմակայանների աշխատանքի ամբողջ ցիկլի համար՝ կառուցում, շահագործում, շահագործումից դուրսբերում, վառելիքի մատակարարում, օգտագործված միջուկային վառելիքի և ռադիոակտիվ թափոնների ոլորտում լուծումներ, միջուկային ենթակառուցվածքի ստեղծում, ճկուն ֆինանսական լուծումների տրամադրում, տեխնիկական գիտելիքներով փոխանակում և այլն:
Ռուսական ատոմային ոլորտն ունի տարածաշրջանում աշխատանքի հարուստ պատմություն: Մերձավոր Արևելքում առաջին հետազոտական ռեակտորները կառուցվել են ռուսական տեխնոլոգիաներով՝ Եգիպտոսում՝ 1961, Իրաքում՝ 1967, Լիվիայում՝ 1981 թվականներին:
Այսօր «Ռոսատոմ» - ը ակտիվ աշխատում է տարածաշրջանում՝ ատոմակայանների կառուցման ծրագրեր իրականացնելով Եգիպտոսում, Հորդանանում և Թուրքիայում: Երկու նոր էներգաբլոկ է կառուցվում Իրանի «Բուշեր» ԱԷԿ-ում, ուրան է մատակարարվում ԱՄԷ-ի «Բարակա» ԱԷԿ-ի համար: Իզոտոպների մատակարարման պայմանագրեր են կնքվել ԱՄԷ-ի, Եգիպտոսի և Իրանի հետ, խաղաղ ատոմային էներգիայի ոլորտում համագործակցության միջկառավարական համաձայնագրեր են ստորագրվել Սաուդյան Արաբիայի և Ալժիրի, փոխըմբռնման մասին հուշագիր՝ Թունիսի հետ:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը